Home ព័ត៌មានជាតិ រាជរដ្ឋាភិបាល...

រាជរដ្ឋាភិបាល​ធ្វើ​វិសោធនកម្ម​ច្បាប់​ស្តីពី​ការងារ​ដើម្បី​ឲ្យ​មាន​លក្ខណៈ​ប្រ​ដំ​ត្រសង​ជាមួយ​ប្រទេស​ក្នុង​តំបន់​សំដៅ​កែលម្អ​បរិយាកាស​វិនិយោគ​

ដោយៈ​តារា​រិ​ទ្ធ​/​ភ្នំពេញ​៖​លោក​អគ្គបណ្ឌិត​សភាចា​រ្យ អូន ព័ន្ធមុនីរ័ត្ន ឧបនាយករដ្ឋមន្ត្រីរ​ដ្ឋ​មន្ត្រី​ក្រសួង​សេដ្ឋកិច្ច​និង​ហិរញ្ញវត្ថុ​និង​ជា​ប្រធាន​គណៈកម្មាធិការ​គោ​លន​យោ​បា យ​សេដ្ឋកិច្ច​និង​ហិរញ្ញវត្ថុ (​គ​.​ស​.​ហ​)​បាន​ដឹកនាំ​កិច្ចប្រជុំ គ​.​ស​.​ហ ដើម្បី​ពិនិត្យ​និង​ពិភាក្សា​លើ​«​សេចក្តីព្រាងច្បាប់​ស្ដីពី​វិសោធនកម្ម​ច្បាប់​ស្ដីពី​ការងារ​និង​ច្បាប់​ស្ដីពី​វិ​សោ ធន​កម្ម​ច្បាប់​ស្ដីពី​ការងារ​»​នា​ព្រឹក​ថ្ងៃទី​២៤​ខែធ្នូ​ឆ្នាំ​២០២០​នៅ​ទីស្ដីការក្រសួង​សេដ្ឋកិច្ច​និង​ហិរញ្ញវត្ថុ​។​សេចក្ដីព្រាង​នេះ​មាន​គោលបំណង​រៀបចំ​ឲ្យ​ច្បាប់​ស្តីពី​ការងារ​របស់​កម្ពុជា​ឲ្យ​មាន​លក្ខណៈ​ប្រ​ដំ​ត្រសង​ជាមួយ​ប្រទេស​ក្នុង​តំបន់​សំដៅ​កែលម្អ​បរិយាកាស​វិនិយោគ ។​

​យោងតាម​សេចក្តីប្រកាស​ព័ត៌មាន​របស់​ក្រសួង​សេដ្ឋកិច្ច​និង​ហិរញ្ញវត្ថុ​បាន​ឲ្យ​ដឹងថា​៖«​ច្បាប់​ស្ដីពី​ការងារ​» គឺជា​ក្របខណ្ឌ​គតិយុត្ត​ដ៏​សំខាន់​ក្នុងការ​លើកកម្ពស់​សិទ្ធិ​ការងារ និង​ភាពសុខដុមរមនា​ក្នុង​ទំនាក់ទំនង​វិជ្ជាជីវៈ​ដែល​ត្រូវបាន​ប្រកាស​ឲ្យ​ប្រើ​ចាប់តាំងពី​ឆ្នាំ​១៩៩៧​មក​។ គិត​មកដល់​ពេលបច្ចុប្បន្ន​ច្បាប់​នេះ​ត្រូវបានធ្វើ​វិសោធនកម្ម​ចំនួន ២ លើក​រួចមក​ហើយដោយ​ក្នុងនោះ​ការធ្វើ​វិសោធនកម្ម​លើក​ទី​១ ក្នុង ឆ្នាំ ២០០៧ គឺពាក់ព័ន្ធ​នឹង​អត្រា​ប្រាក់​ឈ្នួល​បន្ថែម​និង​ការងារ​ពេលយប់​ខណៈដែល​ការធ្វើ​វិ​សោ​ន​ធ​កម្ម លើក​ទី​២​ក្នុង​ឆ្នាំ​២០១៨ ពាក់ព័ន្ធ​នឹង​ប្រាក់​បំណាច់​អតីតភាព​ការងារ​។​

​ស្របតាម​វិធានការ​កែទម្រង់​មុត​ស្រួច​ជា​កញ្ចប់​ដែល​បាន​ដាក់ចេញ​ដោយ​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ក្នុង​វេទិកា រាជរដ្ឋាភិបាល​និង​វិស័យ​ឯកជន​លើក​ទី ១៨ ឆ្នាំ ២០១៩ ដើម្បី​ឆ្លើយតប​ទៅនឹង​ការវិវឌ្ឍ​យ៉ាង​រហ័ស​ផ្នែក​សង្គម​-​សេដ្ឋកិច្ច​, ក្រសួង​ការងារ​និង​បណ្ដុះបណ្ដាល​វិជ្ជាជីវៈ​បាន រៀបចំ «​សេចក្តីព្រាងច្បាប់​ស្ដីពី​វិសោធនកម្ម​ច្បាប់​ស្ដីពី​ការងារ​និង​ច្បាប់​ស្ដីពី​វិសោធនកម្ម​ច្បាប់​ស្ដីពី​ការងារ​»​។​

​សេចក្ដីព្រាងច្បាប់​នៃ​ការធ្វើ​វិសោធនកម្ម​លើក​ទី​៣​ដែលជា​លទ្ធផល​នៃ​ការពិភាក្សា​និង​ការផ្ដល់​ធាតុ​ចូល​ពី​ភាគី​ពាក់ព័ន្ធ​រួមទាំង​សហជីព​តំណាង​កម្មករនិយោជិត​សមាគម និយោជក​និង​តំណាង​អង្គការ​អន្តរជាតិ​ខាង​ការងារ (ILO)​។ ជារួម​,​សេចក្ដីព្រាង​នេះ​មាន​គោលបំណង​រៀបចំ​ឲ្យ​ច្បាប់​ស្តីពី​ការងារ​របស់​កម្ពុជា​ឲ្យ​មាន​លក្ខណៈ​ត្រ​ដំ​ត្រសង ជាមួយ​ប្រទេស​ក្នុង​តំបន់​សំដៅ​កែលម្អ​បរិយាកាស​វិនិយោគ​ដោយ​ផ្តោត​សំខាន់​លើ​៖

១.​កែសម្រួល​បទ​ប្បញ្ញត្តិ​ពាក់ព័ន្ធ​នឹង​វេន​ការងារ​ដើម្បី​បង្កើន​ភាព​ទាក់ទាញ​ឧស្សាហកម្ម​ទំនើប​ដូចជា​រោងចក្រ​ផលិត​បរិក្ខារ​អគ្គិសនី គ្រឿង​អេឡិចត្រូនិក​និង​ការកែច្នៃ​ម្ហូប​អា ហារ​ជាដើម​និង​បង្កើន​ការងារ​ជូន​ប្រជាពលរដ្ឋ​។​
២.​ពង្រីក​វិសាលភាព​សេវាកម្ម​របស់​ក្រុមប្រឹក្សា​អាជ្ញាកណ្ដាល​ក្នុងការ​ដោះស្រាយ​វិវាទ​ការងារ​បុគ្គល​សំដៅ​ពង្រឹង​ប្រសិទ្ធភាព​នៃ​យន្តការ​ដោះស្រាយ​វិវាទ​ការងារ​ឲ្យ​កាន់តែ​ធា នា​បាន​នូវ​សុខដុមរមនា​ក្នុង​ទំនាក់ទំនង​វិជ្ជាជីវៈ​។​
៣.​ការគិតគូរ​ទិដ្ឋភាព​ផ្សេងៗ​ដើម្បី​ឆ្លើយតប​ទៅនឹង​ការវិវឌ្ឍ​ផ្នែក​សង្គម​-​សេដ្ឋកិច្ចកម្ពុជា​សំដៅ​លើកកម្ពស់​ផលិតភាព​ការងារ​និង​ពង្រឹង​ភាព​ប្រកួតប្រជែង​សេដ្ឋកិច្ចកម្ពុជា​ទាំង​ក្នុង​តំបន់​និង​សកលលោក​ជាដើម​។​

​ជា​កិច្ចបញ្ចប់ អគ្គបណ្ឌិត​សភាចា​រ្យ អូន ព័ន្ធមុនីរ័ត្ន ឧបនាយករដ្ឋមន្ត្រី​ប្រធាន​អង្គប្រជុំ​បាន​ណែនាំ​ឲ្យ​ក្រុមការងារ​ធ្វើការ​កែសម្រួល​ឯកសារ​នេះ​ស្របតាម​ស្មារតី​នៃ​កិច្ចប្រជុំដើម្បី​បន្ត​នីតិវិធី​គោរព​ស្នើសុំ​ការអនុម័ត​ពី​រាជរដ្ឋាភិបាល ​៕


​ ​
​ ​

ទីតាំងផ្សាយពាណិជ្ជកម្ម

- Advertisment -



Most Popular