Home ព័ត៌មានជាតិ សង្គម រដ្ឋបាលខេត្ត​...

រដ្ឋបាលខេត្ត​បាត់ដំបង ឧបត្ថម្ភ​មឈូស និង​ចូល​បុណ្យសព ៨​នាក់ ដែល​ស្លាប់​ដោយ គ្រោះថ្នាក់​ចរាចរណ៍

ដោយៈ​គ្រញូង/បាត់ដំបងៈ នៅ​រសៀល​ថ្ងៃទី​២៥ ខែធ្នូ ឆ្នាំ​២០២០ លោក ណុប ដា​រ៉ា អភិបាលរង ខេត្តបាត់ដំបង បាន​ចាត់តាំង​ឲ្យ​ក្រុមការងារ នាំយក​ថវិកា ទៅ​ចូល​បុណ្យសព ដែល​ស្លាប់​ដោយ​គ្រោះថ្នាក់​ចរាចរណ៍ ចំនួន​៨​នាក់ ក្នុងនោះ​សព​មួយ ទទួលបាន​ថវិកា ១០ ម៉ឺន​រៀល និង​បាន​ឧបត្ថម្ភ​មឈូស ចំនួន ៧ បន្ថែមទៀត ចំពោះ​សព​ដែល​ក្រីក្រ គ្មាន​ថវិកា ទិញ​មឈូស​ដាក់​សព​។​

​គួរ​បញ្ជាក់ថា កាលពី​ម៉ោងជាង ៩ យប់​ថ្ងៃទី​២៤ ខែធ្នូ នៅ​ចំណុច​ភូមិ​ពពាលខែ ឃុំ​អូរ​តា​គី ស្រុក​ថ្មគោល តាម​បណ្តោយ​ផ្លូវជាតិ​លេខ​៥ មាន​គ្រោះថ្នាក់​ចរាចរណ៍ ដ៍​គួរ​ឲ្យ​រន្ធត់​មួយ កើតឡើង​រវាង​រថយន្ត​តូយ៉ូតា កាមរី (​គូថ​ហើម​) តូច និង​រថយន្ត​ហ៊ីយ៉ាន់ដាយ ដឹក​ទឹកកក បណ្ដាល​ឲ្យ​ស្លាប់​មនុស្ស​ចំនួន ៨​នាក់ នៅនឹងកន្លែង និង​របួសធ្ងន់​ស្រាល ២​នាក់ ហើយ​សព ទាំង ៨ នាក់ ត្រូវបាន​តម្កល់​ធ្វើបុណ្យ នៅក្នុង​វត្ត​អូរ​តា​គី ស្រុក​ថ្មគោល ខេត្តបាត់ដំបង​។​

​ចំណែក​អ្នករ​បូស​ធ្ងន់ និង​ស្រាល ២ នាក់ ត្រូវ​ដឹក​ទៅ​សង្គ្រោះ នៅ​មន្ទីរពេទ្យបង្អែក​ស្រុក ថ្មគោល​។ ដោយឡែក​រថយន្ត ទាំងសងខាង​ខូច​ខ្ទេច ត្រូវ​អូស​យកទៅ រក្សាទុក​នៅ​ស្នងការ ដ្ឋា​ន​នគរបាល​ខេត្ត រង់ចាំ​ដោះស្រាយ នៅពេល​ក្រោយ​៕/V-PC

ទីតាំងផ្សាយពាណិជ្ជកម្ម

- Advertisment -

Most Popular