Home ព័ត៌មានជាតិ សន្តិសុខ រថយន្ត​ដឹក​គ្...

រថយន្ត​ដឹក​គ្រឿងចក្រ ធ្លាក់​ចេញពី​ផ្លូវ របួស បីនាក់​

ដោយៈ ទេព មង្គល / មណ្ឌលគិរីៈ បុរស​បីនាក់ បាន​រងរបួស​ស្រាល ដោយសារ​រថយន្ត ដឹក​គ្រឿងចក្រ បាន​ធ្លាក់​ចេញពី​ផ្លូវ នៅតាម​បណ្តោយ ផ្លូវជាតិ​លេខ​៧៦ ត្រង់ចំណុច​អូរ​ងើយ ស្ថិត​ក្នុងភូមិ​អណ្តូង​ក្រឡឹង ឃុំ​សែន​មនោ​រម្យ ស្រុក​អូ​រាំង ខេត្តមណ្ឌលគិរី កាលពី​វេលា ទៀបភ្លឺ ថ្ងៃទី​២៦ ខែធ្នូ ឆ្នាំ​២០២០ ។​

​សមត្ថកិច្ច​ដែល​បាន​ចុះជួយ​សង្គ្រោះ​ជនរងគ្រោះ ជាប់​ក្នុង​កាប៊ីន​រថយន្ត បានឱ្យដឹងថាៈ មូលហេតុ​នៃ​គ្រោះថ្នាក់​នេះ គឺ​តៃកុង បើកបរ​ខុស​បច្ចេកទេស បុក​លេខ​មិន​ចូល ហើយ​ជាន់ ហ្វ្រាំង ក៏​មិន​ស៊ី និង​មាន​ដឹក​អា​ប៊ុល រុញ​ដី ១​គ្រឿង​ផង​នោះ ក៏​ធ្លាក់​ចេញពី​ផ្លូវ ក្រឡាប់ តែម្តង​។​

​វរៈសេនីយ៍ឯក វ៉ាន់ ដា​នី​ន អធិការនគរបាល ស្រុក​អូ​រាំង បានបញ្ជាក់​ថាៈ រថយន្ដ​រងគ្រោះ ផលិត​នៅ​កូរ៉េ ចំណុះ ៣ តោន ពណ៌ ស ពាក់​ផ្លាកលេខ ភ្នំពេញ ៣c-៥៣៦៣ បើកបរ​ដោយ ឈ្មោះ ឈឹម សំណាង អាយុ​២៩​ឆ្នាំ រស់នៅ​ភូមិ​ស្វាយ​ធំ ឃុំ​ស្វាយ​ធំ ស្រុក​ស្វាយជ្រុំ ស្វាយរៀង ហើយ​អ្នករួមដំណើរ​ជាមួយ មាន​ពីរ​នាក់​គឺ ឈ្មោះ យ៉ុ​ន យ៉េ​ង អាយុ ២៩ ឆ្នាំ រស់នៅ​ភូមិ​៣៥ ឃុំ​តា​អុង ស្រុក​ចំការលើ ខេត្តកំពង់ចាម និង​ឈ្មោះ ភឿន រ៉ាវី អាយុ ៣០ ឆ្នាំ រស់នៅ​ភូមិ​ខ្នា​ធំ ឃុំ​ពា​រាម ស្រុក​បាទី ខេត្តតាកែវ ។

​បច្ចុប្បន្ន បុរស​ទាំង​បីនាក់ កំពុង​សំរាក​ព្យាបាល នៅ​មន្ទីរពេទ្យបង្អែក ខេត្តមណ្ឌលគិរី ក្នុងនោះ ម្ចាស់​រថយន្ត កំពុង​ស្វែងរក​រថយន្ត ដើម្បី​អូស​ឡើង​ផងដែរ​៕/V-PC

ទីតាំងផ្សាយពាណិជ្ជកម្ម

- Advertisment -

Most Popular