Home ព័ត៌មានជាតិ សន្តិសុខ បុរស​ម្នាក់ រ...

បុរស​ម្នាក់ របួសធ្ងន់​ដោយសារ បើក​ម៉ូតូ បុក​ជាមួយ​រ៉ឺម៉ក​កង់​បី​

ដោយៈ ស​រិ​ទ្ធ / ភ្នំពេញៈ បុរស​ម្នាក់ រងរបួស​ធ្ងន់ ដោយសារ​បើក​ម៉ូតូ បុក​ជាមួយ​រ៉ឺម៉ក​កង់​បី កាលពី​វេលា​ម៉ោង ៧​និង​៣០​នាទី ព្រឹក​ថ្ងៃទី​២៦ ខែធ្នូ ឆ្នាំ​២០២០ នៅតាម​បណ្តោយ មហាវិថី​ឈ្នះ ឈ្នះ ក្នុងភូមិ​កប់​ស្រូវ​ធំ សង្កាត់​គោក​រកា ខណ្ឌ​ព្រែក​ព្នៅ ។​

​សមត្ថកិច្ច បាន​ឲ្យ​ដឹងថា មុនពេល​កើតហេតុ មាន​បុរស​ម្នាក់ បាន​បើកបរ​ម៉ូតូ ម៉ា​កក​ហុងដា សេ​១២៥ ស៊េរី​ឆ្នាំ​២០១៨ ពាក់​ផ្លាកលេខ កំពង់ឆ្នាំង 1H-2905 ក្នុង​ល្បឿន​លឿន​ធ្វើដំណើរ ក្នុងទិសដៅ​ពី​ខាងលិច ទៅខាង​កើត​, លុះ​មកដល់​ចំណុចកើតហេតុ បាន​បុក​ពេញទំហឹង ជាមួយ​ម៉ូតូ​រ៉ឺម៉ក​កង់​បី ពាក់​ស្លាក​លេខ ភ្នំពេញ 1BX-3705 បាន​បើក​ឆ្លងផ្លូវ ពី​ទិស​ខាងត្បូង ទៅខាង​ជើង បណ្តាល​ឲ្យ​ភាគី​ខាង​ម៉ូតូ រងរបួស​ធ្ងន់ ត្រូវបាន​បញ្ជូនទៅ​សង្គ្រោះ​ភ្លាមៗ នៅ​មន្ទីរពេទ្យ​។​

​ក្រោយ​កើតហេតុ សមត្ថកិច្ច​មូលដ្ឋាន បាន​ចុះមក​វាស់វែង យក​សម្ភារ​ទាំងសងខាង រក្សាទុក ដើម្បី​រង់ចាំ​ការដោះស្រាយ នៅពេល​ក្រោយ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular