Home ព័ត៌មានជាតិ សេដ្ឋកិច្ច សណ្ឋាគារ​ទំនើ...

សណ្ឋាគារ​ទំនើប​មួយ ចំណាយលុយ ៥ លាន​ដុល្លារ អភិរក្ស​អគារ​សម័យ​អាណានិគម​បារាំង អាយុ​ជាង ១០០ ឆ្នាំ​

ដោយៈ សុផល / ភ្នំពេញៈ សណ្ឋាគារ ហៃ​យ៉ា​ត់ រី​ជិន​ស៊ី ភ្នំពេញ បាន​ចំណាយលុយ ប្រមាណ ៥ លាន​ដុល្លារ សហរដ្ឋអាមេរិក ដើម្បី​អភិរក្ស​វីឡា សម័យ​អាណានិគម​បារាំង ដែលមាន​អាយុ​ជាង មួយ​សតវត្សរ៍​។​

​ការរក្សា​ទុក​នេះ ក្នុង​គោលបំណង​រក្សា​ដាន នៃ​ប្រវត្តិសាស្ត្រ ការវិវឌ្ឍ​នៃ​ស្ថាបត្យកម្ម និង​អត្តសញ្ញាណ នៃ​សហគមន៍​នោះ ជាពិសេស​អគារ​បុរាណ​។ វីឡា​សម័យ​អាណានិគម នេះ សម្រាប់​ជាន់​ទី​១ ត្រូវបាន​អភិរក្ស ជា​កន្លែង​ទទួល​បដិសណ្ឋារកិច្ច​ភ្ញៀវ ដែល​នឹង​ផ្ដល់ ជូន​ភ្ញៀវ នូវ​ទស្សនីយភាព អំពី​រចនាបទ​ខ្មែរ និង​សម័យ​អាណានិគម​បារាំង ។​

​សណ្ឋាគារ ហៃ​យ៉ា​ត់ រី​ជិន​ស៊ី ភ្នំពេញ បានរួម​ចំណែក រក្សា​អត្តសញ្ញាណ ក្នុង​តំបន់ ដែលជា​បណ្ដុំ នៃ​ស្ថាប័ន​ធំៗ ពាណិជ្ជកម្ម វប្បធម៌ និង​សាសនា ដូចជា ព្រះបរមរាជវាំង វាល​ព្រះមេរុ សារមន្ទីរ​ជាតិ សាកលវិទ្យាល័យ ភូមិន្ទ​វិចិត្រសិល្បៈ ទន្លេចតុមុខ វត្ត​អារាម អគារ​សម័យ អាណានិគម​បារាំង ផ្សារ​បែប​ប្រពៃណី និង​កន្លែង​លក់​ស្នាដៃ​សិល្បៈ​។ រចនាបទ​ពហុ​សម័យ នៃ​សណ្ឋាគា ហៃ​យ៉ា​ត់ រី​ជិន​ស៊ី ភ្នំពេញ នឹង​ផ្ដល់​បទពិសោធន៍ បដិសណ្ឋារកិច្ច​ដ៏​ល្អ ផ្ដាច់​គេ​មួយ ជូន​ដល់​ភ្ញៀវ​ជាតិ និង​អន្តរជាតិ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular