​ដូច្នឹង​ , ​ម្ល៉ឹង​ , ​ហ្នឹង​ , ​អី​? , ​អ៊ីចឹង​

ដោយៈ​ ដកស្រង់​ពី​វចនានុក្រម ​សម្តេច​សង្ឃរាជ ជួន ណាត

​ដូច្នឹង​
(​ដូច​-​ច្នឹង​)
​នាមសព្ទ​
​ដូច​ហ្នឹង​, ដូចនេះ​, ដូច្នេះ ( ទោះបី​សរសេរ ដូច​ហ្នឹង ក៏ត្រូវ​អាន ដូច្នឹង ដែរ ) ។​

​ម្ល៉ឹង​
​និបាតសព្ទ​
​យ៉ាងហ្នឹង​, ដូច្នឹង ។ ពាក្យ​និបាត​ប្រាប់​អាការ​នៃ​សេចក្ដី​កំបាំង​ឲ្យ​ឃើញ​ជាក់ច្បាស់​
​ខូច​ម្ល៉ឹងៗ​; ម្ល៉ឹងម្ល៉ឹង​ឬ ?; ដល់​ម្ល៉ឹង​; ទាំង​ម្ល៉ឹង​; ល្អ​ម្ល៉ឹង​; ឈឺ​ធ្ងន់​ម្ល៉ឹង​ហើយ​នៅតែ​ក្អេងក្អាង​ទៀត ។ ល ។​

​ហ្នឹង​
​វិសេសនសព្វនាម​
​នុះ​
​ហ្នឹងហើយ នុះហើយ​; ហ្នឹងឯង នុះឯង​; ដំណើរ​ហ្នឹង ដំណើរ​នុះ ។​
​និបាតសព្ទ​
( ព​. សា​. ) ដូច្នឹង​, អីចឹង​; អើ ( អ្នក​ម្នាក់​ប្រាប់ថា ) : ទៅ​កុំ​ខាន​ហ្ន៎ះ​!, ( អ្នក​ម្នាក់​ឆ្លើយតប​ថា ) ហ្នឹង ! ។ ហ្នឹងហើយ ! អ៊ីចឹង​ហើយ !​។ ហ្នឹងឯង ! អ៊ីចឹង​ឯង ។ បើ​និយាយ​មាន​សំឡេង​ខ្ពស់​ស្រួច​ខ្លាំង ត្រូវ​សរសេរ​ដាក់​ជើងក្អែក ( + ) នេះ​ពីលើ​ជា ហ្នឹ៎ ង​ហើយ​!; ហ្នឹ៎ងឯ៎ង ! ( សម្រាប់​សម្ដី​សាមញ្ញ ) ។​

​អី​?
​និបាតសព្ទ​
​ពាក្យ​សាមញ្ញ​ប្រើ​ជា​ជំនួស​ពាក្យ អ្វី ? ជា​សម្ដី​សួរ​ដោយ​ឆ្ងល់​
​មាន​ការណ៍​អី ?, ហៅ​អី​?, រក​អី​? ។ អីចឹង ? អ្វី​ដូច្នឹង​? ។ អីចុង​? ឬ អីចុះ​? អ្វី​ដូច្នោះ​? ។ អីចេះ​? អ្វី​ដូច្នេះ​? ។ អីហ្នឹង​? អ្វី​ហ្នឹង​? ។​ល​។​

​អ៊ីចឹង​
​និបាតសព្ទ​
( ព​. សា​. ) យ៉ាងហ្នឹង​, -​ដូច​ហ្នឹង​, ដូច្នឹង​
​ធ្វើ​អ៊ីចឹង​មិនត្រូវ​ទេ​, ធ្វើ​អ៊ីចេះ​វិញ​! ( កុំ​ប្រើ អញ្ចឹង ) ។​

ទីតាំងផ្សាយពាណិជ្ជកម្ម

- Advertisment -

Most Popular