Home ព័ត៌មានជាតិ សន្តិសុខ សមត្ថកិច្ច តា...

សមត្ថកិច្ច តាម​ឃាត់​ឡាន​ដឹក​ដើម​រាំង គ្មាន​ច្បាប់​អនុញ្ញាត នៅ​ស្រុក​ខ្សាច់កណ្តាល​

ដោយៈ ស​រិ​ទ្ធ / កណ្តាលៈ ដោយមាន​ការចង្អុលបង្ហាញ និង​បញ្ជា​ពី​លោក ឧ​ត្ត​ម​សេនីយ៍​ទោ ឈឿន សុចិ​ត្ត ស្នងការ​នគរបាល ខេត្តកណ្តាល នា​វេលា​ម៉ោង ១០ និង ៣០​នាទី ព្រឹក​ថ្ងៃទី​២៦ ខែធ្នូ ឆ្នាំ​២០២០ នេះ លោក​ឧ​ត្ត​ម​សេនីយ៍​ត្រី លី សុជាតិ ស្នងការរង​ទទួល​ផែនការ​ងារ ប្រឆាំង​បទល្មើស​សេដ្ឋកិច្ច បាន​ដឹកនាំ​កម្លាំង តាម​ឃាត់​រថយន្ត​ចំនួន ២ គ្រឿង ដែល​ដឹក​ដើម​រាំង គ្មាន​ច្បាប់​អនុញ្ញាត នៅ​ផ្លូវជាតិ​លេខ​៨ ភូមិ​តាំង​ឫស្សី ឃុំរ​កាជ​ន្លឹ​ង ស្រុក​ខ្សាច់កណ្ដាល​។​

​លោក​ឧ​ត្ត​ម​សេនីយ៍​ត្រី លី សុជាតិ បាន​ថ្លែង​ប្រាប់ថាៈ ជនសង្ស័យ​ម្ចាស់​ដើម​រាំង ចំនួន​២​នាក់ មានឈ្មោះ ភោគ សុខា អាយុ​៣៤​ឆ្នាំ មាន​លំនៅ ភូមិ​ទូ​រី​កណ្ដាល ឃុំ​ព្រែក​ពោធិ៍ ស្រុក​ស្រី​សន្ធរ ខេត្តកំពង់ចាម មុខរបរ បើកបរ​រថយន្ត និង ឈ្មោះ​សេង ឈន់ អាយុ ៣៨​ឆ្នាំ មាន​លំនៅ​ភូ មិ​ដូង ឃុំ​ដូង ស្រុក​រមាសហែក ខេត្តស្វាយរៀង បុរស​ទាំងពីរ​នាក់ មានមុខ​របរ ជា​អ្នកបើកបរ​រថយន្ត ដូចគ្នា ។​

​ក្រោយមក កម្លាំង​បាន​ចូលរួម​សហការ ជាមួយ​សង្កាត់រដ្ឋបាល​ជលផល ខ្សាច់កណ្តាល និង សង្កាត់រដ្ឋបាល​ជលផល រការ​កោង ដើម្បី​ត្រួតពិនិត្យ​រថយន្ត ខាងលើ រកឃើញ​វត្ថុតាង រួមមានៈ ១-​រថយន្ត ម៉ាក​សាំ​យ៉ុង ពណ៌​ស ពាក់​ស្លាក​លេខ​ភ្នំពេញ 2E- 2321 ម្ចាស់​ឈ្មោះ ភោគ សុខា ។ ២-​រថយន្ត​ម៉ាក​សាំ​យ៉ុង ពណ៌​ទឹកប្រាក់ ពាក់​ស្លាក​លេខ ភ្នំពេញ 2E-4484 ម្ចាស់​ឈ្មោះ សេង ឈន់ ។ ៣-​ដើម​រាំង​១​គល់ ប្រវែង​៤​ម៉ែត្រ អង្កត់ផ្ចិត ០,៥០​ម៉ែត្រ ។ ៤-​ដើម​រាំង​១​គល់ ប្រវែង​១,៥០​ម៉ែត្រ អង្កត់ផ្ចិត​ប្រហែល ០,៤០ ម៉ែត្រ ។ ៥-​ដើម​រាំង​ចំនួន ២ គល់ ប្រវែង ៣ ម៉ែត្រ អង្កត់ផ្ចិត​ប្រហែល ០,៥០ ម៉ែត្រ ។ សរុប​ចំនួន ៤​គល់ នៅរស់ ។​

​បន្ទាប់ពី​ក្រុមការងារ បាន​ត្រួតពិនិត្យ​រួច ជនសង្ស័យ ជា​ម្ចាស់​ដើម​រាំង បាន​យល់ព្រម បង់ប្រាក់​ពិន័យ​អន្តរការណ៍ តាមច្បាប់​ស្ដីពី​ជលផល ៕/V​

សមត្ថកិច្ច តាម​ឃាត់​ឡាន​ដឹក​ដើម​រាំង គ្មាន​ច្បាប់​អនុញ្ញាត នៅ​ស្រុក​ខ្សាច់កណ្តាល​

សមត្ថកិច្ច តាម​ឃាត់​ឡាន​ដឹក​ដើម​រាំង គ្មាន​ច្បាប់​អនុញ្ញាត នៅ​ស្រុក​ខ្សាច់កណ្តាល​

សមត្ថកិច្ច តាម​ឃាត់​ឡាន​ដឹក​ដើម​រាំង គ្មាន​ច្បាប់​អនុញ្ញាត នៅ​ស្រុក​ខ្សាច់កណ្តាល​

សមត្ថកិច្ច តាម​ឃាត់​ឡាន​ដឹក​ដើម​រាំង គ្មាន​ច្បាប់​អនុញ្ញាត នៅ​ស្រុក​ខ្សាច់កណ្តាល​

សមត្ថកិច្ច តាម​ឃាត់​ឡាន​ដឹក​ដើម​រាំង គ្មាន​ច្បាប់​អនុញ្ញាត នៅ​ស្រុក​ខ្សាច់កណ្តាល​

សមត្ថកិច្ច តាម​ឃាត់​ឡាន​ដឹក​ដើម​រាំង គ្មាន​ច្បាប់​អនុញ្ញាត នៅ​ស្រុក​ខ្សាច់កណ្តាល​

ទីតាំងផ្សាយពាណិជ្ជកម្ម

- Advertisment -

Most Popular