Home ព័ត៌មានជាតិ សន្តិសុខ ​តា ហុង បន្ត​...

​តា ហុង បន្ត​បើក​សង្វៀន​ជល់​មាន់ នៅ​ទួល​ក្រសាំង យ៉ាង​គគ្រឹកគគ្រេង​ក្នុង​អន្តរកាល​កូ​វីដ​-១៩

ដោយ​: ស​រិ​ទ្ធ / កណ្តាល​: ល្បែងស៊ីសង​ជល់​មាន់​ដ៏​ធំ​មួយកន្លែង ស្ថិត​នៅមុខ​បូរី ថោង សារ៉ាត់ ក្នុង​ចំការ ភូមិ​ព្រែក​សំរោង​៣ ក្រុង​តាខ្មៅ ខេត្តកណ្តាល បាន​បន្ត​បើក​លេង​បាន​យ៉ាង​រលូន ក្នុង​អន្តរកាល កូ​វីដ​-១៩ ហាក់​មិន​ខ្លាច​អាជ្ញាធរ​ពាក់ព័ន្ធ​ទាល់តែសោះ​។

​តាម​ប្រភពព័ត៌មាន​ច្បាស់​ការណ៍ បានអោយ ដឹង​នៅ​ថ្ងៃទី​២៧ ខែធ្នូ ឆ្នាំ​២០២០ នេះ ថា ទីតាំង​នោះ ជា​របស់ តា ហុង ចិញ្ចឹម​គោ ហើយ​គេ​លេង​នៅ​ខាងក្រោយ​ក្រោលគោ​ជាប់មាត់​ស្រះ​ទឹក ដោយ​ក្នុង​មួយថ្ងៃៗ​ជល់​មិនតិចជាង​១០​គូ​នោះទេ ហើយ​ការ​ជល់​នេះ ចាប់ពី​ម៉ោង​២​រសៀល​រហូតដល់​យប់​តែម្តង​។​

​តាម​ប្រភពព័ត៌មាន ដដែល​បន្តថា ក្រុមអ្នកលេង​បាន​ភ្នាល់​គ្នា​ស៊ីសង​ចាញ់ឈ្នះ រាប់លាន​រៀល​បើករថយន្ត​សុទ្ធតែ​ឡាន​ស៊េរី​ទំនើបៗ ហើយ​ឃើញ​មាន​ឡាន​រថយន្ត​សមត្ថកិច្ច ផងដែរ ដោយបាន​ស្រែក​ហូរ​កញ្ជ្រៀវ​ត្រ​ហ៊ឹង​អឺងកង​រំពង​ពេញ​ភូមិ តែម្តង​។

​មិនតែប៉ុណ្ណោះ​ទីតាំង​របស់ តា​ហុង ទួល​ក្រសាំង បាន​អួតអាង​តៗ​គ្នា​ថា មានតែ​សង្វៀន​តា​ហុង​ទេ ដែល​លេង​បាន​សុខ​សប្បាយ ជាងគេ ពោលគឺ មិនមាន​សមត្ថកិច្ច​ខាង​ណា​ហ៊ាន​ចុះបង្ក្រាប នោះទេ​។

​អ្នកដឹង​រឿង​ច្បាស់ បង្ហើប​ប្រាប់ ថា ទីតាំង​នោះ តា ហុង លេង​បាន​ជាង​១០​ឆ្នាំ​មកហើយ កាលពីមុន​ធ្វើ​សង្វៀន​ធំ​ស្អាត​មិន​ចាញ់​កាស៊ីណូ នោះទេ ហើយ​រហូត​ពេលនេះ​គ្រាន់តែ​ដូរ​លោកស្នងការ​អស់​២​រូប​និង​អធិការ​រាប់​ភ្លេច​ផងដែរ តែ​សង្វៀន​នេះ​នៅតែ​បើក​លេង​បាន​រហូត​។​

​ជុំវិញ​បញ្ហា​នេះដែរ បាន​ទំនាក់ទំនង​ទៅ​លោ​វរសេនីយ៍ឯក យី វណ្ណដា អធិការនគរបាល​ក្រុង​តាខ្មៅ ដោយ​លោក​ប្រាប់ថា នឹង​អោយកម្លាំង​ចុះទៅ​មើល​៕

ទីតាំងផ្សាយពាណិជ្ជកម្ម

- Advertisment -

Most Popular