Home ព័ត៌មានជាតិ ទេសចរណ៍ អ្នក​ទេសចរណ៍​...

អ្នក​ទេសចរណ៍​ជ្រើសរើស​តំបន់​ទឹកធ្លាក់​អូរ​ជាំ​បោះតង់​សម្រាក​ចុង​សប្តាហ៍​

ដោយ​: ភ្នំ​ខៀវ​/ បាត់ដំបង​: ភ្ញៀវ​ទេសចរណ៍​ក្មុង​ស្រុក​ជ្រើសរើស​តំបន់​ទឹកធ្លាក់​អូរ​ជាំ បោះតង់​សម្រាក​លំហែកាយ​ចុង​សប្តាហ៍​។​

​កញ្ញា កេ​សី ជា​និស្សិត​រស់នៅក្នុង​ស្រុក​សង្កែ ខេត្តបាត់ដំបង​បាន​ប្រាប់​ឲ្យ​ដឹង​នៅ​ថ្ងៃទី​២៧ ខែធ្នូ ឆ្នាំ​២០២០​ថា នាង​ជាមួយ​មិត្តភក្តិ​មាន​គ្នា​ទាំងអស់​ចំនួន ៨​នាក់ គោលបំណង​ដំណើរ​កម្សាន្ត​ថ្ងៃនេះ ដើម្បី​សម្រាក​មួយ​យប់​ផ្លាស់ប្តូរ​បរិយាកាស ពិសេស​ពេល​រាត្រី​នៅ​ជ្រលង​ភ្នំ និង​មានទឹក​ថ្លាឆ្វេង​ហូរ​គួច​ត្របាញ់​យ៉ាង​ត្រជាក់ ដែល​ធ្វើ​គ្រប់គ្នា​មាន​អារម្មណ៍​សប្បាយរីករាយ និង​ស្រស់ស្រាយ​ជាទីបំផុត​។ ក្រុម​នាង​បានជ្រើសរើស​គោលដៅ​តំបន់​ទឹកធ្លាក់​អូរ​ជាំ ក្នុងការ​ដើរលេង​បន្ធូរ​អារម្មណ៍​នេះ ដោយសារ​សម្លឹង​ឃើញថា​នៅទីនេះ​ជា​តំបន់​ធម្មជាតិ​ព៌​ណ​ប៉ៃ​តង​នៅ​ព​ទ្ធ​ជុំវិញ មាន​ឮ​សំឡេង​សត្វ​ស្រែកយុំ​ទ្រហឹងអឺងកង ស្នូរ​សំឡេង​ទឹក​ហូរ​រងំ និង​ម្យ៉ាងទៀត​វា​ជា​បំពេញ​សេចក្តីប្រាថ្នា​របស់​ពួកនាង​ដែល​ប៉ង​តាំងពី​យូរ​មក​ផង​។​

​ចំណែក​លោក ម៉េង ជាំ​ង អ្នកគ្រប់គ្រង​សហគមន៍​អេកូ​ទេសចរណ៍​ទឹកធ្លាក់​អូរ​ជាំ​បានបញ្ជាក់​ឲ្យ​ដឹង​ដែរ​ថា តំបន់​អេកូ​ទេសចរណ៍​ទឹកធ្លាក់​អូរ​ជាំ មាន​ទីតាំង​ឋិត​នៅក្នុង​ភូមិ​អូរ​ជាំ ឃុំ​កំពង់​ល្ពៅ ស្រុក​សំឡូត ខេត្តបាត់ដំបង បានចាប់ផ្តើម​ទទួលភ្ញៀវ​ឲ្យ​ចូល​លេង​តាំងពី​ឆ្នាំ ២០១៣​មក​។ ក្នុងស្ថានភាព​ដែល​ប្រទេស​រង​ការប៉ះពាល់​ដោយ​ជំងឺ​កូ​វីដ​-១៩ លើកដំបូង​ភ្ញៀវ​បាន​ថយចុះ​យ៉ាងច្រើន ប៉ុន្តែ​រយៈពេល​ចុងក្រោយ​នេះ ភ្ញៀវ​ទេសចរណ៍​បាន​ហក់​ឡើង​ខ្ពស់​ជា​បន្តបន្ទាប់​ឡើងវិញ ភាគច្រើន​ភ្ញៀវ​ចូលមក​សម្រាក​ដោយ​បោះតង់​នៅពេល​យប់​ដែល​សហគមន៍​បានរៀបចំ​ត្រៀម​ទុក​។​

​លោក ម៉េង ជាំ​ង បន្ថែមថា តំបន់​ទេសចរណ៍​ទឹកធ្លាក់​អូរ​ជាំ​មានការ​ការពារ​សុវត្ថិភាព​យ៉ាង​ល្អប្រសើរ មាន​កម្លាំង​សមាជិក​សហគមន៍ រួមទាំង​កម្លាំង​ប្រជា​ការពារ​មួយចំនួនទៀត​ផងដែរ​យាម​ប្រចាំការ ដើម្បី​ធានា​សន្តិសុខ​ជូន​ដល់​ភ្ញៀវ​ដែល​ចូល​លេង​ក​ម្សា​នៅទីនេះ​។ កាលពីមុន​នៅទីនេះ​មាន​ភ្ញៀវ​ចូល​លេង​ត្រឹមតែ​ថ្ងៃ​បុណ្យទាន​ប៉ុណ្ណោះ ប៉ុន្តែ​បច្ចុប្បន្ននេះ​មាន​ភ្ញៀវ​បែប​ជា​លក្ខណ​:​គ្រួសារ ជា​លក្ខណ​:​មិត្តភក្តិ ឬ​ក្រុមការងារ​ផង បាននាំគ្នា​ចូល​លេង​លំហែរ​កាយ​ជា​រៀងរាល់​ពេល​មិនដែល​រលស់​ថ្ងៃ​។ ភ្ញៀវ​ភាគច្រើន​ជា​ភ្ញៀវ​នៅក្នុង​ស្រុក​មាន​មកពី​ខេត្ត​ជាច្រើន​ដូចជា​: ខេត្តបាត់ដំបង ភ្នំពេញ ខេត្តសៀមរាប ប៉ៃលិន និង​ខេត្តបន្ទាយមានជ័យ​ជាដើម​។​

​រយៈពេល ១០​ខែ​ដើមឆ្នាំ ២០២០​នេះ​មាន​ភ្ញៀវ​ទេសចរណ៍​ដែល​ចូល​មកលេង​ក្នុង​ខេត្តបាត់ដំបង មាន​សរុប​ចំនួន ៤៤៨,២១៩ នាក់ ក្នុងនោះ​ភ្ញៀវ​ជាតិ​មាន​ចំនួន ៤១៦,០៦២​នាក់ និង​ភ្ញៀវ​អន្តរជាតិ​មាន​ចំនួន ៣២,១៥៧ នាក់​៕​

ទីតាំងផ្សាយពាណិជ្ជកម្ម

- Advertisment -

Most Popular