Home ព័ត៌មានអន្តរជាតិ ទីក្រុង​ប៉េកា...

ទីក្រុង​ប៉េកាំង​រឹតបន្តឹង​វិធានការ​ទប់ស្កាត់​កូវី​ដ​១៩ នៅពេល​ករណី​ឆ្លង​ថ្មី​ត្រូវបាន​រកឃើញ​នៅ​ទូទាំង​ទីក្រុង​

​ប្រែ​សម្រួលៈ​វាសនា​/​ប៉េកាំង​(​ស៊ីន​ហួរ​)៖​ទីក្រុង​ប៉េកាំង​របស់​ចិន​បាន​រឹតបន្តឹង​វិធានការ​ទប់ស្កាត់​ការឆ្លង​រាលដាល​ជំងឺ​កូវី​ដ​១៩​ចំ​ពេល​ប្រទេស​ចិន​ត្រៀម​ចាប់ផ្តើម​ការធ្វើដំណើរ​ទ្រង់ទ្រាយ​ធំ​បំផុត​ក្នុង​លោក​​ក្នុងអំឡុងពេល​ឈប់សម្រាក​ប្រចាំឆ្នាំ ។​

​អាជ្ញាធរ​ក្រុង​កាលពី​ថ្ងៃអាទិត្យ​បាន​រាយការណ៍​ការឆ្លង​វីរុស​កូរ៉ូណា​ខ្ពស់​បំផុតដ​ល់​ថ្ងៃទី​៤​ជាប់​គ្នា​។​

​ក្នុង​កិច្ចប្រជុំ​មួយ​ដឹកនាំ​ដោយ​លេខា​បក្ស​ក្រុង កៃ គី លោក​បាន​អំពាវនាវ​អោយ​គ្រប់​សង្កាត់​ក្នុង​ក្រុង​ប៉េកាំង​អោយ​ដាក់​មូលដ្ឋាន​របស់​ខ្លួន​ក្នុងស្ថានភាព​បែប​គ្រាអាសន្ន ហើយ​បិទ​តំបន់​ប្រជាជន​រស់នៅ​និ​​ង​ភូមិ​ណា​ដែល​មាន​ឆ្លង​វីរុស​កូរ៉ូណា​។​

​សង្កាត់​ស៊ុន​យី ដែល​គេ​រកឃើញ​វីរុស​កូរ៉ូណា​ច្រើនជាងគេ ត្រូវបាន​ប្រកាស​ជា​តំបន់​ដូច​សម័យ​សង្គ្រាម​មួយ និង​បាន​ប្រមូល​មនុស្ស​ទាំង​៨​សែន​នាក់​ក្នុង​សង្កាត់​មក​ធ្វើតេស្តិ៍​រក​វីរុស​។​

​សូមបញ្ជាក់​ថា ចិន​គ្រប់គ្រង​ការផ្ទុះ​ជំងឺ​កូវី​ដ​១៩​បាន​ល្អ​ប្រសើរ​ជាទូទៅ តែ​ការឆ្លង​ម្តង​ម្កាល​បាន​កើតមាន​នៅ​តាម​ទីក្រុង​មួយចំនួន​។​អាជ្ញាធរ​មាន​ផែនការ​ចាក់​វ៉ាក់សាំង​លើ​មនុស្ស​៥០​លាន​នាក់​សំរាប់​​ជន​ក្នុង​ក្រុម​ប្រឈម​ខ្ពស់​អោយបាន​មុន​ពេល​ឈប់​សម្រាក​ចូល​ឆ្នាំ​ថ្មី​របស់​ប្រជាជន​ចិន​រយៈពេល​១​សប្តាហ៍​ចាប់ពី​ថ្ងៃ​១១​កុម្ភៈ ។​

​ក្រុង​ប៉េកាំង​បាន​ស្នើសុំ​អ្នក​បំរើការ​រដ្ឋការ​ស៊ីវិល ស្នាក់​នៅក្នុង​ក្រុង​ចាប់ពី​ថ្ងៃ​០១​មករា រហូត​ដល់​ថ្ងៃ​ឈប់សម្រាក និង​បាន​សុំ​អោយ​សាធារណជន​ជៀសវាង​ការធ្វើដំណើរ​មិនចាំបាច់​ក្នុង​អំឡុង​ពេល​នេះ​។​ទី​​កន្លែង​សាធារណៈ​ដូចជា ឧទ្យាន និង​ព្រះវិហារ​បាន​បន្ថយ​ម៉ោង​បើក​ទទួលភ្ញៀវ ហើយ​ព្រះវិហារ​កាតូលិក​ខ្លះ​នៅ​ក្រុង​ប៉េកាំង​បាន​បិទ​តែម្តង​។​

​ចិនដីគោក​បាន​រាយការណ៍​ការឆ្លង​វីរុស​កូរ៉ូណា​២២​ករណី ក្នុងនេះ​១២​ឆ្លង​ក្នុងស្រុក ៥​នាក់​នៅ​ក្រុង​ប៉េកាំង និង​១០​ទៀត​ចូល​មក​ពី​ខាងក្រៅ តែ​មិន​មាន​អ្នកស្លាប់​បន្ថែម​ដោយ​ជំងឺឆ្លង​នេះ​ទេ​។​

​ក្នុងពេល​ជាមួយគ្នា និយ័ត​ករ​អាកាសចរណ៍​ចិន បាន​និយាយ​កាលពី​ថ្ងៃអាទិត្យ​ថា ខ្លួន​ផ្អាក​ការហោះហើរ​ទៅកាន់​និង​មក​ពី​អង់គ្លេស​រហូត​ដល់​ថក​ងៃ​១០​មករា​ដោយ​សារ​ផ្ទុះ​វីរុស​កូរ៉ូណា​ប្រភេទ​ថ្មី​នៅទីនោះ​។​

​ជាមួយ​នឹង​ចំនួន​នេះ ចិនដីគោក​មាន​អ្នក​ឆ្លង​វីរុស​កូរ៉ូ​ណាសរុប ៨៦.៩៥៥​នាក់​គិត​ត្រឹម​ថ្ងៃ​សៅរ៍ និង​៤.៦៣៤​នាក់​បាន​ស្លាប់​ដោយ​ជំងឺ​កូវី​ដ​១៩៕

​ប្រជាជន​ពាក់​ម៉ាស់​ការពារ​ពេល​ជិះ​រថភ្លើង​ក្រោម​ដី​នៅ​ក្រុង​ប៉​កាំ​ង​កាលពី​ថ្ងៃ​២៥​ធ្នូ​

ទីតាំងផ្សាយពាណិជ្ជកម្ម

- Advertisment -



Most Popular