Home ព័ត៌មានអន្តរជាតិ ការបោះឆ្នោត​ន...

ការបោះឆ្នោត​នៅ​សាធារណរដ្ឋ​អាហ្វ្រិក​កណ្តាល​ញាំញី​ដោយ​អំពើហិង្សា​

​ប្រែ​សម្រួល : កញ្ញា​ដា​លី​ស ៖ អ្នក​បោះឆ្នោត​បាន​ទៅ​បោះឆ្នោត​កាលពី​ថ្ងៃអាទិត្យ​ទី​២៧​ធ្នូ​នៅ​សាធារណរដ្ឋ​អាហ្វ្រិក​កណ្តាល​ក្នុង​ការបោះឆ្នោត​ប្រធានាធិបតី​និង​រដ្ឋសភា​ដែល​រំខាន​ដោយ​ការផ្ទុះ​អាវុធ​ចុង​​ក្រោយបង្អស់​នៅក្នុង​សង្គ្រាម​ស៊ីវិល​ដែល​អូសបន្លាយ​ពេល​យ៉ាង​យូរ ខណៈ​អ្នកបោះឆ្នោត​ជាច្រើន​មិន​អាច​ទៅ​បោះ​បានទេ​។​

​ប្រធានាធិបតី​ក្នុង​តំណែង​បច្ចុប្បន្ន​លោក ហ្វូ​ស្ទីន អា​ឆេង ទូ​អាដេ​រ៉ា គឺជា​អ្នក​ឈាន​មុខ​គេ​នៅក្នុង​ការបោះឆ្នោត បន្ទាប់​ពី​ភាពច្របូកច្របល់​រយៈពេល​មួយ​សប្តាហ៍​ដែល​កត់សម្គាល់​ដោយ​ការ​ចោទ​ប្រ​​កាន់​ពី​ការប៉ុនប៉ង​ធ្វើ​រដ្ឋប្រហារ ក្រុម​ឧទ្ទាម​ដណ្តើម​កាន់កាប់​ទីប្រជុំជន​ធំ​បំផុត​ទី​បួន និង រុស្ស៊ី​និង​រ្វ៉ាន់​ដា​បញ្ជូន​យោធា​ដើម្បី​ជួយ​រដ្ឋាភិបាល​ដែល​កំពុង​ជួប​ការលំបាក​។​

​កង​ថែរក្សា​សន្តិភាព​របស់​អង្គការសហប្រជាជាតិ​និង​ទាហាន​ក្នុងស្រុក​ព្រមទាំង​រ្វ៉ាន់​ដា​កំពុង​ល្បាត​តាម​ដងផ្លូវ​នៃ​រដ្ឋធានី​កាលពី​ថ្ងៃអាទិត្យ​ដោយ​មាន​រថពាសដែក​ពាស​ពេញ​ខាងក្រៅ​ការិយាល័យ​បោះឆ្នោត​។​

​ទោះបីជា​ស្ថានីយ​ខ្លះ​បាន​បើក​យឺត​នៅ​ទីក្រុង​បាង​ហ្គី​ដោយសារ​កង្វះ​ខាត​សម្ភារៈ​បោះ​ឆ្នោត​ក៏​ដោយ ក៏​មន្ត្រីជាន់ខ្ពស់​នៃ​ការបោះឆ្នោត​បាន​ប្រាប់​ទីភ្នាក់ងារ​សារព័ត៌មាន AFP​ថា​ស្ថានីយ​ទាំងនោះ​នឹង​បើក​​ចំហរ​រហូតដល់​រៀបចំ​ការបោះឆ្នោត​រួចរាល់​។​

​លោក ហូ​ថេន រី​ន ជា​គ្រូបង្រៀន បាន​និយាយថា “​វា​ពិតជា​មាន​សារៈសំខាន់​ណាស់​សម្រាប់​ខ្ញុំ​ក្នុង​ការរស់នៅ​ក្នុង​នាម​ជា​ពលរដ្ឋ​ម្នាក់​។ ខ្ញុំ​គិតថា​ការបោះឆ្នោត​នេះ​នឹង​ផ្លាស់ប្តូរ​ប្រទេស​របស់​យើង​មិន​ថា​​នរណា​ក្លាយជា​ប្រធានាធិបតី​នោះទេ​”​។​

​បេក្ខជន​ចំនួន ១៦ នាក់​កំពុង​ប្រជែង​យក​តំណែង​ជា​ប្រធានាធិបតី ដោយ​គូប្រជែង​សំខាន់​បំផុត​របស់​លោក​ទូ​អាដេ​រ៉ា គឺ អតីត​នាយករដ្ឋមន្ត្រី អ៊ែង​សិន ច​ច ដូ​ឡូហ្គេ​ឡេ​។​

​ស្ថានីយបោះឆ្នោត​បានចាប់ផ្តើម​បិទ​នៅ​ម៉ោង ៥ ល្ងាច ហើយ​លទ្ធផល​បឋម​រំ​ពឹង​ដឹង​នៅ​ថ្ងៃទី ៤ ខែ​មករា និង លទ្ធផល​ចុងក្រោយ​នៅ​ថ្ងៃទី ១៩ ខែ​មករា​៕

​ការបោះឆ្នោត​ប្រព្រឹត្ត​ទៅ​ក្រោយ​ភាពចលាចល​ពេញ​មួយ​សប្តាហ៍​

​លោក ហ្វូ​ស្ទីន អា​ឆេង ទូ​អាដេ​រ៉ា ប្រធានាធិបតី​សាធារណរដ្ឋ​អាហ្វ្រិក​កណ្តាល

ទីតាំងផ្សាយពាណិជ្ជកម្ម

- Advertisment -

Most Popular