Home ព័ត៌មានអន្តរជាតិ ការ​រអិល​បាក់...

ការ​រអិល​បាក់​ព្រិល​ទឹកកក​ដ៏​ធំ​នៅ​អ៊ីរ៉ង់​សម្លាប់​មនុស្ស​១២​នាក់​

​ប្រែ​សម្រួល : កញ្ញា​ដា​លី​ស ៖ ទូរទស្សន៍​រដ្ឋ​បាន​រាយការណ៍​ថា​ក្រុម​អ្នក​ជួយសង្គ្រោះ​អ៊ីរ៉ង់​បានបញ្ចប់​ការស្វែងរក​អ្នក​រស់រានមានជីវិត​កាលពី​ថ្ងៃអាទិត្យ​ទី​២៧​ធ្នូ​បន្ទាប់ពី​ការ​រអិល​បាក់​ព្រិល​ដ៏​ធំ​បានសម្លាប់​​មនុស្ស ១២ នាក់​នៅ​តំបន់​ភ្នំ​ភាគ​ខាងជើង​នៃ​រដ្ឋធានី​។​

​ការ​រអិល​បាក់​ព្រិល​បាន​កើត​ឡើង​នៅ​តំបន់​ចំនួន​បួន​ផ្សេងគ្នា​កាលពី​ថ្ងៃ​សុក្រ​បន្ទាប់ពី​មាន​ខ្យល់​បក់​ខ្លាំង​និង​ការធ្លាក់​ព្រិល​នៅ​មួយ​ថ្ងៃមុន​នោះ​។​

​ជួរ​ភ្នំ​អាល់​បូស កន្លែង​ដែល​ការ​រអិល​បាក់​ព្រិល​បាន​កើតឡើង គឺជា​ទិសដៅ​ទេសចរណ៍​ចុង​សប្តាហ៍​ដ៏​ពេញនិយម​សម្រាប់​ការឡើង​ភ្នំ​។ ថ្ងៃ​សុក្រ​គឺជា​ថ្ងៃ​ឈប់សម្រាក​សម្រាប់​កម្មក​រ​និយោជិត​អ៊ីរ៉ង់​ភាគច្រើន​។​

​ទូរទស្សន៍​រដ្ឋ​បាន​ចាក់ផ្សាយ​វីដេអូ​បង្ហាញ​ក្រុម​សង្គ្រោះបន្ទាន់​ប្រើ​ឧទ្ធម្ភាគចក្រ​ស្វែងរក​អ្នក​បាត់​ខ្លួន​។​អង្គការ​អឌ្ឍចន្ទ​ក្រហម​របស់​អ៊ីរ៉ង់​ក៏​បាន​បញ្ចេញ​នូវ​រូបថត​របស់​ក្រុម​អ្នក​ជួយ​សង្គ្រោះ​លើក​សាកសព​​ច្រក​ថង់​ចេញពី​ឧទ្ធម្ភាគចក្រ​មួយ​កាលពី​ថ្ងៃ​សៅរ៍​ផងដែរ​។​

​របាយការណ៍​បាន​និយាយថា មនុស្ស​ចំនួន ១១ នាក់​បាន​រកឃើញ​ស្លាប់​និង​ម្នាក់​ទៀត​បាន​ស្លាប់​បន្ទាប់ពី​បញ្ជូនទៅ​មន្ទីរពេទ្យ​។ ក្រុម​ជួយសង្គ្រោះ​បាន​រកឃើញ​មនុស្ស ១៤​នាក់​ដែល​បាន​បាត់​ខ្លួន​អំឡុង​​ពេល​ធ្វើ​ប្រតិបត្តិការ​ស្វែងរក​៕

​សាកសព​មនុស្ស​ស្លាប់​ក្នុង​ហេតុការណ៍​រអិល​បាក់​ព្រិល​នៅ​អ៊ីរ៉ង់​កាលពី​ចុង​សប្តាហ៍​

ទីតាំងផ្សាយពាណិជ្ជកម្ម

- Advertisment -



Most Popular