Home ព័ត៌មានសំខាន់ៗ ស្ថានភាព​កូវី...

ស្ថានភាព​កូវី​ដ​១៩​នៅ​ថៃ​មិន​បាន​ធូរស្រាល ១២១​នាក់​ទៀត​ឆ្លង​នៅ​ថៃ​កាលពី​ថ្ងៃអាទិត្យ​

​ប្រែ​សម្រួលៈ​វាសនា​/​បាងកក​៖​មជ្ឈមណ្ឌល​គ្រប់គ្រង​ស្ថានភាព​កូវី​ដ​១៩​ថៃ​(CCSA)​កាលពី​ថ្ងៃអាទិត្យ​បាន​ទទួលស្គាល់ថា ការផ្ទុះ​វីរុស​កូរ៉ូ​ណាបច្ចុប្បន្ន វា​ធ្ងន់ធ្ងរ​ជាង​ការផ្ទុះ​នៅ​រលក​ទី​១​កាលពីដើមឆ្នាំ​នេះ ​និង​បាន​អំពាវនាវ​អោយ​សាធារណជន​អនុវត្តតាម​វិធានការ​គ្រប់គ្រង​ជំងឺ​។​

​លោកតា​វី​ស៊ី​ល វី​សានុ​យ៉ូ​ធី​ន អ្នកនាំពាក្យ CCSA​បាន​និយាយថា ចំនួន​ឆ្លង​បាន​កើន​ជាង​១​ពាន់​នាក់​ក្នុង​រយៈពេល​ខ្លី​មួយ​ដែល​នេះ​បញ្ជាក់ថា ការឆ្លង​វីរុស​នេះ​វា​ធ្ងន់ធ្ងរ​ជាង​កាល​ពី​ការផ្ទុះ​នៅ​រលក​ទី​១ កាល​​ពី​ដើម​ឆ្នាំ​។​

​សរុប​មនុស្ស​១២១​នាក់​បាន​ឆ្លងកូវី​ដ​១៩​កាលពី​ថ្ងៃអាទិត្យ​ទី​២៧​ធ្នូ ក្នុងនេះ​៩៤​នាក់​ឆ្លង​ក្នុង​សហគមន៍​។​

​ចំនួន​នេះ​ធ្វើអោយ​ការ​ឆ្លងកូវី​ដ​១៩​នៅ​ថៃ​កើន​ដល់​៦.១៤១​នាក់​កាលពី​ថ្ងៃអាទិត្យ ខ្ពស់​ជាង​ចំនួន​មុន​ការផ្ទុះកូ​វីដ​១៩​នៅ​ខេត្ត​សាមុត សា​ខន​កាលពី​ជាង​មួយ​សប្តាហ៍​មុន​ចំនួន​១.៨១០​នាក់​។​

​បើ​តាម​អ្នកនាំពាក្យ CCSA ការ​ឆ្លងកូវី​ដ​១៩​ជាប់​ពាក់ព័ន្ធ​នឹង​ការផ្ទុះ​វីរុស​កូរ៉ូ​ណា​នេះ​នៅ​ផ្សាប​ង្គា​មួយ​ក្នុង​ខេត្ត​សាមុត សា​ខន កាលពី​ពាក់កណ្តាល​ខែ​ធ្នូ ឥឡូវ​បាន​រាលដាល​ទៅ​ដល់​ខេត្ត​ចំនួន​៣៨ ដោយ​​ខេត្ត​ឡុប ប៊ូ​រី និង​សុរិន្ទ បាន​រាយការណ៍​អំពី​ការ​រក​ឃើញ​អ្នក​ឆ្លង​ដំបូង​កាលពី​ថ្ងៃអាទិត្យ​។​

​ទោះជា​យ៉ាងណា មន្ត្រី​ថៃ​អះអាងថា មន្ត្រី​សុខាភិបាល​បាន​ត្រៀម​ខ្លួន​បានល្អ និង​មាន​បទពិសោធន៍​ជាង​កាល​ពី​ជំងឺ​នេះ​ផ្ទុះ​កាលពី​ដំបូង​៕

​កម្មករ​ចំណាកស្រុក​និង​អ្នកស្ម័គ្រចិត្ត​សុខាភិបាល ទះដៃ​ស្វាគមន៍​រដ្ឋមន្ត្រី សុខាភិបាល​ដែល​បាន​ចុះទៅពិនិត្យ​ស្ថានភាព​កូវី​ដ​១៩​នៅ​ខេត្ត​សាមុត សា​ខន កាលពី​ថ្ងៃអាទិត្យ​

ទីតាំងផ្សាយពាណិជ្ជកម្ម

- Advertisment -

Most Popular