Home ព័ត៌មានជាតិ សន្តិសុខ បុរស​ម្នាក់ ប...

បុរស​ម្នាក់ បាន​ស្លាប់ នៅពេល​បើក​ម៉ូតូ​លឿន ដួល​បោក​ក្បាល​នឹង​បង្គោលរបង​ផ្ទះ​អ្នកភូមិ

ដោយៈ ស​រិ​ទ្ធ / ស្វាយរៀងៈ បុរស​ម្នាក់ បាន​ស្លាប់​ភ្លាមៗ នៅ​កន្លែងកើតហេតុ​នៅពេល បុរស​នោះ បាន​បើក​ម៉ូតូ​លឿន ហើយ​រេ​ចង្កូត​ដួល បោក​ក្បាល​នឹង​បង្គោលរបង ផ្ទះ​អ្នកភូមិ កាលពី​វេលា​ម៉ោងជាង ៣ រសៀល ថ្ងៃទី​២៧ ខែធ្នូ ឆ្នាំ​២០២០ លើផ្លូវ​លេខ ៣១៧B ស្ថិត​ក្នុងភូមិ​ថ្នល់កែង ឃុំ​ពពែ​ត ស្រុក​ស្វាយទាប ។​

​សមត្ថកិច្ច​នគរបាល ស្រុក​ស្វាយទាប បាន​ឲ្យ​ដឹងថាៈ បុរស​ដែល​ស្លាប់​នោះ ឈ្មោះ កៅ ភា​រិ​ន អាយុ​២៩​ឆ្នាំ មុខរបរ ជា​កម្មករ​រោងចក្រ រស់​ភូមិ​បត់ស្លឹក សង្កាត់​ច្រកម្ទេស ក្រុង​បាវិត ខេត្តស្វាយរៀង បើក​ម៉ូតូ​ម៉ាក HONDA DREAM ស៊េរី​ឆ្នាំ​២០១៩ ពណ៌​ខ្មៅ ពាក់​ស្លាក​លេខ ស្វាយរៀង ១O- ៩១០២​។​

​អ្នកភូមិ បានឱ្យដឹងថាៈ មុនពេល​កើតហេតុ មាន​បុរស​ម្នាក់ បាន​បើក​ម៉ូតូ ម៉ាក​ហុងដា សេ​១២៥ លើផ្លូវ​លេខ ៣១៧B ក្នុង​ល្បឿន​លឿន ស្រាប់តែ​រេ​ចង្កូត ដួល​បោក​ក្បាល នឹង​បង្គោល របង​ផ្ទះ​អ្នកភូមិ បណ្តាល​ឲ្យ​ស្លាប់​ភ្លាមៗ បង្ក​ការភ្ញាក់ផ្អើល ដល់​អ្នកធ្វើដំណើរ ចោមរោម​មើល និង​រាយការណ៍ ទៅ​សមត្ថកិច្ច​មូលដ្ឋាន​។ ក្រោយ​កើតហេតុ​សមត្ថកិច្ច នគរបាល បានមក​ធ្វើ​កំណត់ហេតុ និង​ប្រគល់​សព​ឱ្យ​ក្រុមគ្រួសារ​៕/V​-PC

ទីតាំងផ្សាយពាណិជ្ជកម្ម

- Advertisment -

Most Popular