Home ព័ត៌មានសំខាន់ៗ ទំហំ​ពាណិជ្ជក...

ទំហំ​ពាណិជ្ជកម្ម​ទ្វេភាគី​កម្ពុជា​-​ថៃ​បាន​កើនឡើង​ជាង ៩ ប៊ី​លាន​ដុល្លារ​អាម៉េរិក​នៅ​ឆ្នាំ​២០១៩​ ​

ដោយៈ​តារា​រិ​ទ្ធ​/​ភ្នំពេញ​៖​បើតាម​នាយករដ្ឋមន្ត្រី​ថៃ​,​ពាណិជ្ជកម្ម​ទ្វេភាគី​កម្ពុជា​-​ថៃ​បាន​កើនឡើង​យ៉ាង​លឿន​គួរ ឱ្យកត់សម្គាល់​ពី​ប្រមាណ ៣០០ លាន​ដុល្លារ​អាម៉េរិក​កាលពី ២០​ ឆ្នាំមុនមក​ជាង ៩ ប៊ី​លាន​ដុល្លារ​អាម៉េរិក​នៅ​ឆ្នាំ​២០១៩ ។​ការវិនិយោគ​របស់​ថៃ​នៅ​កម្ពុជា​បាន​កើនឡើង​ដោយបាន​រួមចំណែក​ជា​វិជ្ជមាន​ដល់​សេដ្ឋកិច្ចកម្ពុជា​ស្របពេលដែល​សេដ្ឋកិច្ច​ថែ​ទទួលបាន​នូវ​អត្ថប្រយោជន៍​យ៉ាងច្រើន​ពី​កម្លាំង​ពលកម្ម​និង​កិច្ចសហប្រតិបត្តិការ​សេដ្ឋ កិច្ច​របស់​ប្រទេស​កម្ពុជា​ផងដែរ ។​

Cambodia’s Prime Minister Hun Sen (L) and Thailand’s Prime Minister Prayuth Chan-ocha shake hands during a news conference after an agreement signing ceremony at the Government House in Bangkok, Thailand, December 19, 2015. REUTERS/Jorge Silva – RTX1ZCF6

​នៅក្នុង​សារលិខិត​មួយ​ផ្ញើជូន​សម្តេច​អគ្គមហាសេនាបតី​តេ​ជោ ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​នៅក្នុង​ឱកាស​ខួប​អនុស្សាវរីយ៍​លើក​ទី​៧០​នៃ​ការបង្កើត ទំនាក់ទំនង​ការទូត​កម្ពុជា​-​ថៃ​, លោក ប្រា​យុទ្ធ ច័ន្ទ​អូ​ឆា នាយករដ្ឋមន្ត្រី​នៃ​ព្រះរាជាណាចក្រ​ថៃ​បាន​គូសបញ្ជាក់ថា​ទំនាក់ទំនង​រវាង​ប្រទេស​កម្ពុជា​និង​ថៃ​ពេលនេះ​កាន់តែ មាន​ភាពរឹងមាំ​ជាង​ពេលណា​ទាំងអស់​ជាមួយនឹង​កិច្ចសហប្រតិបត្តិការ​ដ៏​ធំ​ទូលាយ​និង​ផលប្រយោជន៍​រួម​លើ​គ្រប់​វិស័យ​។​

​លោក ប្រា​យុទ្ធ ច័ន្ទ​អូ​ឆា បាន​បន្តថា​៖​ជា​ប្រទេសជិតខាង​ជា​មិត្ត​តំបន់​ព្រំដែន​របស់​យើង​កំពុង​ទទួលបាន​នូវ​ស្ថិរភាព​និង​សន្តិភាព​យូរអង្វែង​ដោយមាន​ពាណិជ្ជកម្ម​ឆ្លងដែនរីកចម្រើន​ឥតឈប់ឈរ​ដែល​នាំមក​នូវ​ការងារ​បន្ថែម​និង​បាន​លើកកម្ពស់​ជីវភាព​រស់​នៅ​របស់​ប្រជាជន​យើង​ឱ្យ​កាន់តែ​ប្រសើរឡើង​។​

​ប្រទេស​ទាំងពីរ​កម្ពុជា​-​ថៃ បានចាប់ផ្តើម​ទំនាក់ទំនង​ការទូត​ជាមួយគ្នា​ឡើងវិញ​នៅ​ថ្ងៃទី​១៩ ខែធ្នូ ឆ្នាំ​១៩៥០​ហើយ​នៅ​ថ្ងៃទី​១៩​ខែធ្នូឆ្នាំ​២០២០កន្លងទៅណេះ​គឺជា​ខួប​អនុ ស្សាវ​រី​យ៍​លើក​ទី​៧០ នៃ​ការបង្កើត​ទំនាក់ទំនង​ការទូត​របស់​ប្រទេស​ទាំងពីរ​។ ពាណិជ្ជកម្ម​ទ្វេភាគី​កម្ពុជា​-​ថៃ បាន​កើនឡើង​យ៉ាង​លឿន​គួរឱ្យកត់សម្គាល់​ពី​ប្រមាណ ៣០០ លាន​ដុល្លារ​អាម៉េរិក​កាលពី​២០​ឆ្នាំមុន​មកជា​ង​៩​ប៊ី​លាន​ដុល្លារ​អាម៉េរិក​នៅ​ឆ្នាំ​២០១៩ ។ ការវិនិយោគ​របស់​ថៃ​នៅ​កម្ពុជា​បាន​កើនឡើង​ដោយបាន​រួមចំណែក​ជា​វិជ្ជមាន​ដល់ សេដ្ឋកិច្ចកម្ពុជា​ស្រប​ពេលដែល​សេដ្ឋកិច្ច​ថែ​ទទួលបាន​នូវ​អត្ថប្រយោជន៍​យ៉ាងច្រើន​ពី​កម្លាំង​ពលកម្ម​និង​កិច្ចសហប្រតិបត្តិការ​សេដ្ឋកិច្ច​របស់​ប្រទេស​កម្ពុជា​ផងដែរ​។​

​លោកនាយក​រដ្ឋមន្ត្រី​ថៃ​អះអាងថា​យើង​ក៏បាន​ទទួល​នូវ​វឌ្ឍនភាព​ដ៏​ល្អប្រសើរ​ក្នុង​ការតភ្ជាប់​របស់​យើង​ដែល​ស្តែងចេញ​តាមរយៈ​ស្ពាន​មិត្តភាព​ថៃ​-​កម្ពុជា​(​បាន​ណង​អៀន​- ស្ទឹង​បត់​)​ដែល​ត​ភ្ជាប់​ខេត្ត​ស្រះកែវ​និង​ខេត្តបន្ទាយមាន ជ័យ​និង​ការ​ស្តារឡើងវិញ​នូវ​សេវាកម្ម​ផ្លូវដែក​ដែល​នឹង​ត​ភ្ជាប់​សហគមន៍​នៃ​ប្រទេស​ថៃ​និង​កម្ពុជា​ក្នុងពេល​ឆាប់ៗ ព្រម ទាំង​និង​រួមចំណែក​ដល់​លំហូរ​ពាណិជ្ជកម្ម​ប្រកបដោយ​ប្រសិទ្ធភាព​បន្ថែមទៀត​។​

​នៅក្នុង​វិស័យ​អប់រំ វិទ្យាស្ថាន​បច្ចេកវិទ្យា​កំពង់​ឈើទាល​និង​វិទ្យាស្ថាន​បច្ចេកវិទ្យា​កំពង់ស្ពឺ​គឺជា​គំរូ​នៃ​ភាពជោគជ័យ​សម្រាប់​ស្ថាប័ន​វិជ្ជាជីវៈ​ដទៃទៀត​ហើយ​បានផ្តល់​ឱកាស​ជាច្រើន​ដល់​យុវជន​កម្ពុជា​ដើម្បី​ទទួលបាន​ភាពជោគជ័យ​។​ថ្មីៗ​នេះ​យើង​ក៏បាន​ធ្វើការ​រួមគ្នា​ក្នុងការ​កាត់បន្ថយ​ផលប៉ះពាល់​នៃ​ការរីក​រាលដាល​នៃ​ជំងឺ​កូ​វីដ​១៩​ទៅលើ​សេដ្ឋកិច្ច និង​សង្គម​របស់​យើង​ផងដែរ ដែល​បើកផ្លូវ​សម្រាប់​កិច្ចសហប្រតិបត្តិការ​ឱ្យ​កាន់តែ​ជិតស្និទ្ធ​ថែមទៀត​ដើម្បី​ដោះស្រាយ​បញ្ហា​ប្រឈម​ក្នុង​តំបន់​និង​អន្តរជាតិ​នាពេល​អនាគត ។​លោក​មាន​ជំនឿ​យ៉ាង​មុតមាំ​ថា​មិត្តភាព​រវាង​ថៃ​និង​កម្ពុ​ជាមាន​ភាពរឹងមាំ​និង​ឋិតថេរ​ហើយ​ប្រជាជន​របស់​យើង​ជាពិសេស​យុវជន​ជំនាន់​ក្រោយ​របស់​យើង​នឹង​បន្តធ្វើ​ការ​ជា មួយ​គ្នា​ឆ្ពោះទៅរក​អនាគត​ដ៏​ត្រចះត្រចង់​មួយ​ដើម្បី​សន្តិភាព វិបុលភាពនិង​ការអភិវឌ្ឍ​រួមគ្នា​៕

ទីតាំងផ្សាយពាណិជ្ជកម្ម

- Advertisment -

Most Popular