Home ព័ត៌មានជាតិ សង្គម ការងារ​អភិបាល...

ការងារ​អភិបាល​រាជធានី​សប្តាហ៍​កន្លងទៅនេះ មាន​ទទួល​អំណោយ និង​អញ្ជើញ​អធិបតី​ក្នុង​កិច្ចប្រជុំ​វិសាមញ្ញ​លើក​ទី​២

ដោយ​: រ៉ា​ម៉ន / ភ្នំពេញ​: លោក​ឃួ​ង ស្រេង​អភិបាល​រាជធានី​ភ្នំពេញ ក្នុង​១​សប្តាហ៍​កន្លងទៅនេះ បាន​អញ្ជើញ​ទទួល​ផលិតផល​សម្លាប់​មេរោគ ពី​សប្បុរសជន​និង​បាន​អញ្ជើញ​អធិបតី ក្នុង​កិច្ចប្រជុំ​វិសាមញ្ញ​លើក​ទី​២​នៅ​សាលា​រាជធានី​ភ្នំពេញ​។​

​ពិធី​ប្រគល់​និង​ទទួល​អំណោយ​បានធ្វើ​ឡើង​នា​ព្រឹក​ថ្ងៃទី​២១ ខែធ្នូ​ឆ្នាំ​២០២០ ក្រោម​វត្តមាន លោក ឃួ​ង ស្រេង អភិបាល​រាជធានី​ភ្នំពេញ​និង​តំណាង​ក្រុមហ៊ុន​យូនីលីវើ​(​ខេ​ម​បូ​ឌា​)​លីមីត​ធី​ត​នៅ​សាលា​រាជធានី​ភ្នំពេញ ដោយបាន​ប្រគល់​នូវ​ផលិតផល​សម្លាប់​មេរោគ ដែលមាន​ទាំង ជែ​ល​លាងដៃ​នឹង​សាប៊ូ​បោក​ខោអាវ សរុប​ចំនួន​៨២០​កេស​ស្មើនឹង​ទឹកប្រាក់​ប្រមាណ​១៦០០០​ដុល្លារ​(​មួយ​ម៉ឺន​ប្រាំមួយ​ពាន់​ដុល្លារ​)។

​លោក ឃួ​ង ស្រេង អភិបាល​រាជធានី​និង​លោក ប៉ា សុជាតិ​វង្ស ប្រធាន​ក្រុមប្រឹក្សា​រាជធានី​ភ្នំពេញ​នា​ថ្ងៃទី​២៤​ធ្នូ បាន​អញ្ជើញ​ជា​អធិបតី​នៅក្នុង​កិច្ចប្រជុំ​សាមញ្ញ​លើក​ទី​២ របស់​ក្រុមប្រឹក្សា​រាជធានី​ភ្នំពេញ​នៅ​សាលា​រាជធានី​ភ្នំពេញ ហើយ​ក្នុងឱកាស​នោះ លោក​ឃួ​ង ស្រេង អភិបាល​រាជធានី​ភ្នំពេញ​មានប្រសាសន៍ថា​៖ ប្រឡាយ​ប្រមាណ​១២​ខ្សែ​នៅ​ប៉ែក​ខាងលិច​រាជធានី​ភ្នំពេញ ត្រូវបាន​គេ​រំលោភ​។ កាលពី​ជំនន់​ទឹកភ្លៀង​នាពេល​កន្លងមក ពេល​យើង​ចុះទៅ​កាយ​ស្តារ​ប្រឡាយ​រំដោះ​ទឹក គឺ​សុទ្ធតែ​ដី​មានកម្ម​សិទ្ធិ​របស់គេ​ទៅហើយ នោះ​ហើយ​ជា​បញ្ហា​។ តែ​ទោះបីយ៉ាងណា យើង​ខិតខំ​ដោះស្រាយ​ឱ្យអស់​លទ្ធភាព​ដែលមាន​៕​

ទីតាំងផ្សាយពាណិជ្ជកម្ម

- Advertisment -

Most Popular