Home ព័ត៌មានជាតិ សង្គម ពលរដ្ឋ​ជួប​កា...

ពលរដ្ឋ​ជួប​ការលំបាក​១០០​គ្រួសារ ទទួល​អំណោយ​ពី​សាខា​កាកបាទក្រហម​ខេត្តកំពត​

ដោយ​: បូកគោ / កំពត​: គណៈកម្មាធិការ​កាកបាទ​ក្រហម​កម្ពុជា​សាខា​ខេត្តកំពត បានផ្តល់​អំណោយ​មនុស្សធម៌​ជូន​ប្រជាពលរដ្ឋ​ដែលមាន​ជីវភាព​ខ្វះខាត​មកពី​ក្រុង​កំពត និង​ស្រុក​ទឹកឈូ​ចំនួន​១០០​គ្រួសារ​។ ពិធី​នេះ​បានធ្វើ​ឡើង​កាលពី​ព្រឹក​ថ្ងៃទី​២៨ ខែធ្នូ ឆ្នាំ​២០២០ នៅ​សាលាស្រុក​ទឹកឈូ​។​

​លោក ជាវ តា​យ ប្រធាន​គណៈកម្មាធិការ​កាកបាទក្រហមកម្ពុជា​សាខា ខេត្តកំពត​មានប្រសាសន៍ថា បច្ចុប្បន្ន ជំងឺ​កូ​វីដ​១៩​កំពុង​រាតត្បាត​ជាស​កល​ក្នុង​ពិភពលោក​ទាំងមូល​។ ទោះបី​កម្ពុជា​ស្ថិតក្រោម​ចំណាត់ការ និង​វិធានការ​ពី​ប្រមុខ​រាជរដ្ឋាភិបាល ក៏ដូចជា​ក្រសួងសុខាភិបាល​ប្រកបដោយ​ប្រសិទ្ធភាព​ក្តី សូម​បងប្អូន​បន្ត​ប្រុងប្រយ័ត្ន​បន្ថែមទៀត​ដើម្បី​បញ្ចៀស​នូវ​ការឆ្លង​រីក​រាលដាល​ចូលក្នុង​សហគមន៍​ឱ្យខាងតែបាន​។ លើសពីនោះ ត្រូវ​ថែរក្សា​សុខភាព បង្កើន​កិច្ចការ​អនាម័យ​តាម​លក្ខណៈ​បុគ្គល ឬ​ក្នុងសង្គម​គ្រួសារ​ឱ្យបាន​ជា​ចាំបាច់​។

​លោក​ប្រធាន​គណៈកម្មាធិការ​បា​នប​ន្ត​ថា ស្ថិតក្នុង​កាលៈទេសៈ​នេះ សូម​អំពាវនាវ​ដល់​ប្រជាពលរដ្ឋ ដែលមាន​សមាជិកគ្រួសា​រ​ជា​ពលករ​ទើប​វិលត្រឡប់​មកពី​ធ្វើការ​នៅក្រៅ​ប្រទេស ត្រូវ​យកចិត្តទុកដាក់​តាម​ការណែនាំ​ពី​ប្រមុខ​រាជរដ្ឋាភិបាល ក៏ដូចជា​ក្រសួងមហាផ្ទៃ និង​ក្រសួងសុខាភិបាល​ដោយ​ដាក់​ការ​ស្នាក់នៅ​ដាច់ដោយឡែក ឬ​ធ្វើ​ច​ត្តា​ឡី​ស័ក រយៈពេល​១៤​ថ្ងៃ​តាម​កាលកំណត់​។ ពិសេស​ត្រូវ​ចៀសវាង​ការជួបជុំ​ប្រមូល​ផ្ដុំគ្នា​ដោយមាន​មនុស្ស​ច្រើន​បើ​គ្មាន​ភាពចាំបាច់​ណាមួយ​ទេ​។​

​លោក​ជាវ តា​យ​បាន​បញ្ជាក់ថា​ការអនុវត្ត​បានល្អ​ប្រសើ​រ​តាម​ចំណាត់ការ និង​វិធានការ​ទាំងនេះ ជា​កិច្ច​ឆ្លើយតប​ចំពោះ​ការយកចិត្តទុកដាក់រ​បស់​ប្រមុខ​រាជរដ្ឋាភិបាល ដែល​តែងមាន​ក្តី​ព្រួយបារម្ភ​ពី​សុវត្ថិភាព​របស់​បងប្អូន​នោះ​។ ម្យ៉ាងទៀត សម្ដេចនាយក​រដ្ឋមន្ត្រី និង​សម្តេច​ប្រធាន​កាកបាទក្រហមកម្ពុជា តែង​គិតគូរ​នូវ​ទុក្ខលំបាក​របស់​ប្រជាពលរដ្ឋ​គ្រប់​កាលៈទេសៈ​ទាំងអស់​។​

​សូមបញ្ជាក់ថា អំណោយ​ដែល​គ្រួសារ​នីមួយៗ​ទទួលបាន រួមមាន អង្ករ​ទម្ងន់​២៥​គីឡូក្រាម មី​១​កេស ទឹកត្រី​១​យួរ ស្ករស​១​គីឡូក្រាម និង​ថវិកា​មួយចំនួនទៀត​៕​

ទីតាំងផ្សាយពាណិជ្ជកម្ម

- Advertisment -

Most Popular