Home ព័ត៌មានសំខាន់ៗ តុលាការ សម្រេ...

តុលាការ សម្រេច​ចោទប្រកាន់ សម រ​ង្ស៉ី ពីបទ​ប្រមាថ ចំពោះ​អង្គ​ព្រះមហាក្សត្រ​

ដោយៈ ស​រិ​ទ្ធ / ភ្នំពេញៈ លោក សេង ហៀ​ង ព្រះរាជអាជ្ញារង អម​សាលាដំបូង រាជធានី​ភ្នំពេញ នៅ​ថ្ងៃទី​២៨ ខែធ្នូ ឆ្នាំ​២០២០ នេះ បានសម្រេច​ចោទប្រកាន់ ឈ្មោះ សម រ​ង្ស៉ី ពីបទ​ប្រមាថ ចំពោះ​អង្គ​ព្រះមហាក្សត្រ រួច​បញ្ជូន​សំណុំ​រឿងនេះ ទៅ​ចៅក្រម​ស៊ើបសួរ ដើម្បី​ចាត់ការ​បន្ត តាម​នីតិវិធី​។​

​យោងតាម​មាត្រា ៤៣៧ (​ស្ទួន​) នៃ​ក្រមព្រហ្មទណ្ឌ បាន​បញ្ជាក់ថា បទ​ប្រមាថ​ចំពោះ អង្គ​ព្រះមហាក្សត្រ ត្រូវ​ប្រឈម​នឹង​ការជាប់​ពន្ធនាគារ ពី​១​ឆ្នាំ ទៅ ៥​ឆ្នាំ បើសិនជា​តុលាការ រកឃើញថា មាន​ពិរុទ្ធភាព ដូច​ការចោទប្រកាន់ នេះ​មែន​។​

​ការចោទប្រកាន់​នេះ បានកើត​ឡើង ក្រោយ​ពេលដែល លោក កើត រិ​ទ្ធ រដ្ឋមន្ត្រី​ក្រសួងយុត្តិធម៌ បានចេញ​អធិបញ្ជា ចុះ​ថ្ងៃទី​២៥ ខែធ្នូ ឆ្នាំ​២០២០ ទៅ​លោក ច្រឹង ខ្មៅ ព្រះរាជអាជ្ញា អម​សាលាដំបូង រាជធានី​ភ្នំពេញ ឱ្យ​ចាត់វិធានការ តាមច្បាប់​ជាបន្ទាន់ និង​តឹងរឹង​បំផុត ចំពោះ​ទណ្ឌិត សម រ​ង្ស៉ី ដែល​ប្រមាថ​យ៉ាងធ្ងន់ធ្ងរ ចំពោះ​អង្គ​ព្រះមហាក្សត្រ​កម្ពុជា​។​

​លោក កើត រិ​ទ្ធ បានចាត់ទុក​ថាៈ «​ខ្លឹមសារ​នៃ​សារ ដែល​ឈ្មោះ សម រ​ង្ស៉ី បាននិងកំពុង​ផ្សព្វផ្សាយ ជា​សាធារណៈ តាមរយៈ​បណ្តាញ​សង្គម​នេះ គឺជា​ការប្រមាថ ចំពោះ​អង្គ​ព្រះមហាក្សត្រ ដោយបាន​ធ្វើឱ្យប៉ះពាល់ យ៉ាងធ្ងន់ធ្ងរ ដល់​សេចក្តីថ្លៃថ្នូរ និង​ព្រះកិត្តិនាម​របស់ ព្រះមហាក្សត្រ នៃ​ព្រះរាជាណាចក្រ​កម្ពុជា ជាទីគោរព​សក្ការៈ ដ៏​ខ្ពង់​ខ្ពស់បំផុត របស់​ប្រជារាស្ត្រ​ខ្មែរ ទូទាំងប្រទេស​»៕/V

តុលាការ សម្រេច​ចោទប្រកាន់ សម រ​ង្ស៉ី ពីបទ​ប្រមាថ ចំពោះ​អង្គ​ព្រះមហាក្សត្រ​

ទីតាំងផ្សាយពាណិជ្ជកម្ម

- Advertisment -



Most Popular