Home ព័ត៌មានសំខាន់ៗ សម្តេច​តេ​ជោ​...

សម្តេច​តេ​ជោ​ហ៊ុនសែន​នាយករដ្ឋមន្ត្រី​កម្ពុជា​នឹង​ថ្លែង​សារ​ពិសេស​មួយ​នៅ​ព្រឹក​នេះ​

ដោយ​:​បូព៌​ព្រឹក្ស​/​ភ្នំពេញ​:​នៅ​ព្រឹក​ថ្ងៃទី​២៩​ខែធ្នូ នេះ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​នឹង​អញ្ជើញ​ថ្លែង​សារ​ពិសេស​ពាក់ព័ន្ធ​នឹង​ការបិទ​បញ្ចប់​ព្រឹត្តិការណ៍​សហគមន៍ ២៨ វិច្ឆិកា និង​ចំណុច​សំខាន់ៗ​ផ្សេងទៀត​ពី​ក្រុង​តាខ្មៅ​ខេត្តកណ្តាល ។​

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញថ្លែង សារពិសេសមួយចេញពីគេហដ្ឋាន នាក្រុងតាខ្មៅ ដោយផ្សាយផ្ទាល់តាម គេហទំព័រហ្វេសប៊ុក សម្ដេចតេជោ នាយករដ្ឋមន្ត្រី ទូរទ្សន៍ជាតិកម្ពុជា និងផ្សាយបន្តផ្ទាល់ដោយប្រព័ន្ធផ្សព្វផ្សាយ នៅក្នុងប្រទេសកម្ពុជាផងដែរ។
ប្រធានបទសារពិសេសនាព្រឹកនេះ សម្តេចតេជោនាយករដ្ឋមន្ត្រី នឹងថ្លែងពាក់ព័ន្ធព្រឹត្តិការណ៍ «សហគមន៍២៨វិច្ឆិកា» សមិទ្ធផលជាច្រើនរបស់ជាតិ និងប្រជាជនកម្ពុជា ដែលសម្រេចបានក្រោម ម្លប់សុខសន្តិភាពកើតចេញពីនយោបាយឈ្នះ-ឈ្នះ និងដំណឹងល្អនៃការទទួលបានដំណក់ប្រេងលើក ដំបូងរបស់កម្ពុជា៕

​ទន្ទឹមនេះ​កូ​វីដ​១៩​នា​ថ្ងៃ​នេះដែរ មិនមាន​ករណី​ឆ្លង​ថ្មី និង​មិនមាន​ករណី​ជាសះស្បើយ​បន្ថែម​ទេ​។​គិត​ត្រឹម​ព្រឹក ថ្ងៃទី​២៩ ខែធ្នូ​នេះ អ្នក​ឆ្លង​សរុប ចំនួន ៣៦៤ នាក់ អ្នកជា​សះស្បើយ​ចំនួន ៣៦០ នាក់​និង អ្នក​កំពុង​ព្យាបាល​ចំនួន​៤ នាក់​។​
​ដោយឡែក​នៅក្នុង​ផេ​ក​ផ្លូវការ​របស់​សម្តេច​តេ​ជោ​ហ៊ុនសែន​នា​ព្រឹក​នេះ​ក៏បាន​បង្ហាញ​ពី​ដំណក់​ប្រេង​លើកដំបូង​របស់​កម្ពុជា​នឹង​ចាប់ផ្តើម​ផលិត​ចេញពី​អណ្តូងប្រេង​ទី​១ ឈ្មោះ A-0ID នៃ ផ្លាត​ហ្វ​ម A នៅក្នុង​ប្លុក​នៃ​ឈូង​សមុទ្រ​កម្ពុជា នៅ​ថ្ងៃទី​២៩​ធ្នូ នេះ​ដែល​គាប់​ជួន​ជាមួយ​ថ្ងៃ​ខួប​លើក​ទី​២២ នៃ​ការបញ្ចប់​សង្គ្រាម​នាំមក​នូវ​ការឯកភាព​ជាតិ ឯកភាព​ទឹកដី តាមរយៈ​នយោបាយ​ឈ្នះ​-​ឈ្នះ (២៩​ធ្នូ ១៩៩៨-២៩ ធ្នូ ២០២០)​។ ថ្ងៃទី ២៩ ធ្នូ ១៩៩៨ បង្កលក្ខណៈ​សម្បត្តិ​គ្រប់យ៉ាង​ឱ្យ​យើង​មាន​ដំណក់​ប្រេង​លើកដំបូង​នៅ​កម្ពុ​ជានា​ថ្ងៃទី ២៩ ធ្នូ ២០២០ នេះ​៕​សរន​

ទីតាំងផ្សាយពាណិជ្ជកម្ម

- Advertisment -



Most Popular