Home ព័ត៌មានជាតិ សន្តិសុខ យុវជន​ពីរ​នាក...

យុវជន​ពីរ​នាក់​បាន​ស្លាប់ និង​ម្នាក់ទៀត​រងរបួស​ធ្ងន់​ដោយសារ​រថយន្តបុក​ម៉ូតូ​ពីរ​គ្រឿង​

ដោយ​: បូកគោ​/​កំ​ពតៈ យុវជន​ពីរ​នាក់​បាន​ស្លាប់​នៅនឹងកន្លែង ចំណែក​ម្នាក់ទៀត​រងរ​បួស​ធ្ងន់​បន្ទាប់ពី​ត្រូវ​រថយន្តបុក​ម៉ូតូ​ពីរ​គ្រឿង​កាលពី​ម៉ោង​៨ និង​១០​នាទី​យប់​ថ្ងៃទី​២៨ ខែធ្នូ​ឆ្នាំ​២០២០​។ ហេតុការណ៍​នេះ បានកើត​ឡើង​នៅលើ​កំណាត់​ផ្លូវជាតិ​លេខ​៣ ក្នុង​ទឹកដី​ភូមិ​បឹង​តា​រោង ឃុំ​ព្រៃ​ឃ្មុំ ស្រុក​ទឹកឈូ​។

​មន្ត្រីនគរបាល​ចរាច​រណ៍​ស្រុក​ទឹកឈូ​បាន​ប្រាប់​ឱ្យដឹងថា​យុវជន​ដែល​បាត់​បង់ជីវិត​ក្នុង​ហេតុការណ៍​នេះ​រួមមាន ១.​ឈ្មោះ កាំ​ង បូរ អាយុ ២៧​ឆ្នាំ មាន​ទីលំនៅ​ឃុំ​តា​កែន ស្រុក​ឈូក ខេត្តកំពត​។ ២. ឈ្មោះ​ស៊ុន ម៉ាច អាយុ ១៩​ឆ្នាំ មាន​ទីលំនៅ​ឃុំ​ត្រពាំង​បី ស្រុក​ឈូក ខេត្តកំពត​។ ចំណែក​អ្នករងរបួស​ឈ្មោះ​ខឿន សុខា អាយុ ៣០​ឆ្នាំ មាន​ស្រុ​កំណើត​នៅ​ខេត្តកំពង់ឆ្នាំង តែ​មក​បម្រើ​ការងារ​នៅ​បូរី​ហ្កា​ស​ស្ថិត​ក្នុងភូមិ​ព្រៃ​ឃ្មុំ ឃុំ​ព្រៃ​ឃ្មុំ ស្រុក​ទឹកឈូ ខេត្តកំពត​។ ជនបង្ក​មិនត្រូវ​បាន​ស្គាល់​អត្តសញ្ញាណ​ទេ​ព្រោះ​បាន​បើករថយន្ត​គេច​បាត់​ភ្លាមៗ​។​

​មុន​គ្រោះថ្នាក់​កើតឡើង មាន​យុវជន​ម្នាក់​ជិះ​ម៉ូតូ​មួយគ្រឿង​ម៉ា​កនិច ពណ៌​ខ្មៅ ក្នុងទិសដៅ​ពី​ជើង​ទៅ​ត្បូង​។ ស្របពេលនោះ​មាន​រថយន្ត​មួយគ្រឿង បើក​មកពី​ក្រោយ​ដោយ​ល្បឿន​លឿន​រួច​បុក​ម៉ូតូ​និ​ច ពេញទំហឹង ហើយ​បន្ត​បុក​ម៉ូតូ​ហុងដា​ឌ្រី​ម​ពណ៌​ខ្មៅ ជិះ​គ្នា​ពីរ​នាក់​មួយគ្រឿង​ទៀត បណ្តាលឱ្យ​ដួលរ​ណូ​ក​រណែល​លើ​ដងផ្លូវ​។ ហើយ​អ្នកបើកបរ​រថយន្ត​មិនបាន​ឈប់​ទេ គឺ​បង្កើនល្បឿន​បើក​គេច​បាត់​តែម្តង​៕​

ទីតាំងផ្សាយពាណិជ្ជកម្ម

- Advertisment -

Most Popular