Home ព័ត៌មានជាតិ សេដ្ឋកិច្ច តម្លៃ​ដី​នឹង​...

តម្លៃ​ដី​នឹង​កើនឡើង​រយៈពេល​៥​ឆ្នាំ​ទៀត ខណៈ​តំបន់​ខ្លះ​នឹង​កើន​ដល់​១​គុណ​នឹង​៥​ធៀប​

ដោយ​:​ច្រាយ ចំណាន​/ភ្នំពេញៈ អ្នកជំនាញ​អចលនទ្រព្យ​បាន​អះអាងថា សកម្មភាព​ទិញ​លក់ និង​ការ​ដើរហើរ​របស់​ប្រជាពលរដ្ឋ​បានចាប់ផ្តើម​កើនឡើង ដែលជា​សញ្ញា​វិជ្ជមាន​សំរាប់​វិស័យ​អចលនទ្រព្យ​នៅ​ឆ្នាំ​២០២១​ខាងមុខនេះ​។​

ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា លោក​ច្រឹ​ក សុខ​នី​ម​បាន​មានប្រសាសន៍៍​ឲ្យ​ដឹង​តាម​ទូរស័ព្ទ​នា​ព្រឹក​ថ្ងៃទី​២៨ ខែធ្នូ​ន​ថា ចាប់ពី​សប្តាហ៍​មុន​មក យើង​ឃើញ​ប្រជាពលរដ្ឋ​បានចាប់ផ្តើម​សកម្មភាព ដើរហើរ និង​សកម្មភាព​ទិញ​លក់​អចលនទ្រព្យ​បាន​កើន​ឡើងវិញ​បណ្តើរៗ​ហើយ ខណៈ​តំបន់​ជាយក្រុង​មាន​សកម្មភាព​ផុសផុល​ជាងគេ​។​

លោក​បន្តថា “​អចលនទ្រព្យ ពិសេស​ដីធ្លី​នឹង​កើនឡើង​រយៈពេល​៥​ឆ្នាំ​ទៀត ដោយ​តម្លៃ​ដីធ្លី​ក្នុង​ក្រុង​នឹង​កើនឡើង​១​គុណ​នឹង​៥ នៅ​តំបន់​ជាយក្រុង​នឹង​កើនឡើង​១​គុណ​នឹង​បី និង​តំបន់​តាម​បណ្តា​ខេត្ត​នានា​នឹង​កើនឡើង​មួយ​គុណ​នឹង​បី​”​។​លោក​បន្តថា “​និន្នាការ​នេះ គាំទ្រ​ដោយ​សូចនាករ​មួយចំនួន​ដូចជា ការ​រើ​តំបន់ឧស្សាហកម្ម​ចេញពី​ទីក្រុង ទៅកាន់​តំបន់​ជាយក្រុង ពិសេស​នៅក្នុង​ខេត្តកណ្តាល និង​កំពង់ស្ពឺ​”​។​

លោក ច្រឹ​ក សុខ​នី​ម បាន​បន្តថា ដី​នៅតាម​បណ្តា​ខេត្ត និង​តំបន់​ជាយក្រុង នៅមាន​តម្លៃ​ទាប​នៅឡើយ ដែលមាន​ឳ​កាស​ឡើង​បន្តទៀត ព្រោះ​តម្លៃ​បច្ចុប្បន្ន​ឡើង​មិនទាន់​ដល់​កម្រិត​នោះទេ​។​លោក​បន្តថា សក្តានុពល​នៅតាម​បណ្តា​ខេត្ត ទាមទារ​ឲ្យ​មានការ​វិនិយោគ​ច្រើន ពិសេស​វិនិយោគិន​ក្នុងស្រុក ដើម្បី​ធ្វើ​ឲ្យ​តម្លៃ​សេដ្ឋកិច្ច និង​សកម្មភាព​សេដ្ឋកិច្ច​នៅតាម​បណ្តា​ខេត្ត​មាន​ភាព​រីកចម្រើន​លឿន​។​

​លោក​បន្តថា បើ​ធៀប​តម្លៃ​អចលនទ្រព្យ​កម្ពុជា ជាមួយនឹង​ប្រាក់ចំណូល​សំរាប់​ប្រជាជន​ម្នាក់​ក្នុង​មួយឆ្នាំ គឺ​ខុសគ្នា​ឆ្ងាយ​ណាស់ ប៉ុន្តែ​អ្វីដែល​គេ​វាស់ គឺ​សេដ្ឋកិច្ចកម្ពុជា ជា​សេដ្ឋកិច្ច​ទីផ្សា​សេរី ហេតុនេះ​យើង​ត្រូវ​ធៀប​កម្ពុជា​ជាមួយ​បណ្តា​ប្រទេស​ក្នុង​តំបន់ ដូច្នេះ​ការកើនឡើង​តម្លៃ​អចលនទ្រព្យ គឺ​នៅមានកម្រិត បើ​ធៀប​តម្លៃ​ជាមួយ​ប្រទេស​ក្នុង​តំបន់​៕​

ទីតាំងផ្សាយពាណិជ្ជកម្ម

- Advertisment -

Most Popular