Home ព័ត៌មានជាតិ សុខាភិបាល ឆ្នាំនេះ ខេត្...

ឆ្នាំនេះ ខេត្ត​ព្រះសីហនុ​មិនមាន​ការរៀបចំ កន្លែង​កំសាន្ត​មាន​លក្ខ​ណះ​ប្រមូលផ្តុំ​ដូច​ឆ្នាំមុនៗ​ទេ​

​ដោយៈ​វ​ណ្ណះ​/​ព្រះសីហនុៈ មន្ត្រី​ផ្លូវការ​ខេត្ត​ព្រះសីហនុ​ថ្លែងប្រាប់​រស្មី​កម្ពុជា នៅ​រសៀល​ថ្ងៃទី​២៨ ខែធ្នូ ឆ្នាំ​២០២០​ថា ក្នុង​ពិធីបុណ្យ​ឆ្លង​ឆ្នាំ​សកល​២០២០ ឆ្លង​ចូល ២០២១​ប៉ុន្មាន​ថ្ងៃ​ទៀត​នេះ រដ្ឋបាលខេត្ត​ព្រះសីហនុ មិនមាន​គម្រោង​រៀបចំ​កម្មវិធី​កំសាន្ត ដោយមាន​ការប្រមូលផ្តុំ ដូចជា​ការប្រគុំ​តន្ត្រី ឬ​ការតាំងពិព័រណ៍ ដូច​បណ្តា​ឆ្នាំ​កន្លងទៅ​ឡើយ ដើម្បី​បង្ការ​ពី​ជំងឺ​កូ​វីដ​-19​។

​ទោះជា​យ៉ាងនេះ ការរៀបចំ​កន្លែង​កំសាន្ត​ទទួល​អ្នក​ទេសចរណ៍ ដូចជា​តំបន់ឆ្នេរ កោះ និង​រមណីយដ្ឋាន​ធម្មជាតិ​ក្នុង​ខេត្ត នៅមាន​លក្ខ​ណះ​ជាធម្មតា ក្នុងនោះ​មន្ត្រី​បាន​ចុះ​អប់រំ​អ្នកលក់ដូរ និង​អ្នកមើលការខុសត្រូវ តាម​ទីតាំង​កំសាន្ត​នានា ឲ្យ​រៀបចំ​ពី​វិធានការ បង្ការ​ជំងឺ​កូ​វីដ​-19 ជា​ចាំបាច់​។​

​ក្រៅពីនេះ កម្លាំងចម្រុះ​គណៈបញ្ជាការ​ឯកភាពរ​ដ្ឋ​បាល​ខេត្ត បាន​ត្រៀម​បម្រុង​កម្លាំង​សម្រាប់​ការរក្សាសន្តិសុខ​សណ្តាប់ធ្នាប់​ទូទៅ ជូន​ពលរដ្ឋ និង​អ្នក​ទេសចរណ៍​ដែល​មកលេង​កំសាន្ត​ខេត្ត​ព្រះសីហនុ​ថ្ងៃ​ឆ្លង​ឆ្នាំ​សកល​នេះ​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular