Home ព័ត៌មានជាតិ សន្តិសុខ ​បុរស​ម្នាក់ ...

​បុរស​ម្នាក់ បើក​ម៉ូតូ​លឿន ជ្រុល​បុក​រថយន្ត​ដឹកទំនិញ បណ្តាល​ឲ្យ​ស្លាប់​

​ដោយៈ ស​រិ​ទ្ធ / ភ្នំពេញៈ បុរស​ម្នាក់ បាន​ស្លាប់ ដោយសារតែ​បុរស​នោះ បាន​បើក​ម៉ូតូ​លឿន ជ្រុល​បុក​រថយន្ត​ដឹកទំនិញ មួយគ្រឿង ដែល​បើក​ឆ្លងផ្លូវ កាលពី​វេលា​ម៉ោង ១២​និង​៣០​នាទី រំលងអធ្រាត្រ ឈានចូល​ថ្ងៃទី​២៩ ខែធ្នូ ឆ្នាំ​២០២០ នៅ​ចំណុច​មុខ​ផ្សារ​សុ​វណ្ណា តាម​បណ្តោយ​ផ្លូវ​លេខ ២៧១ ស្ថិតក្នុង​សង្កាត់​ទំនប់ទឹក ខណ្ឌចំការមន​។​

​ប្រភពពី​សមត្ថកិច្ច បាន​ឲ្យ​ដឹងថាៈ មុនពេល​កើតហេតុ គេ​បានឃើញ រថយន្ត​ដឹកទំនិញ មួយគ្រឿង ពាក់​ស្លាក​លេខ តាកែវ 3A0720 បើក​តាម​បណ្តោយ​ផ្លូវ​លេខ ១៩៩ ក្នុងទិសដៅ​ពី​ខាងកើត ទៅខាង​លិច​។ នៅពេល​មកដល់ ចំណុចកើតហេតុ រថយន្ត​នោះ ក៏បាន​បើក​ឆ្លងផ្លូវ​លេខ ២៧១ បត់​ឆ្វេង ស្រាប់​តែមាន​បុរស​ម្នាក់ បើក​ម៉ូតូ​ហុងដា អ៊ែរ​ប្ល៊ែ​ក ពណ៌​ក្រហម ពាក់​ស្លាក​លេខ ភ្នំពេញ 1HY -7617 តាម​បណ្តោយ​ផ្លូវ​លេខ ២៧១ ក្នុងទិសដៅ​ពី​ខាងត្បូង ទៅខាង​ជើង ដោយមាន​ល្បឿន​លឿន ក៏​ជ្រុល​ទៅបុក​ពី​ចំហៀង ពេញទំហឹង បណ្តាល​ឲ្យ​អ្នកបើក​ម៉ូតូ ស្លាប់ នៅពេល​បញ្ជូន ទៅដល់​មន្ទីរពេទ្យ​។ ក្រោយ​កើតហេតុ សមត្ថកិច្ច បាន​ចុះទៅ​វាស់វែង យក​រថយន្ត​និង​ម៉ូតូ ទៅ​រក្សាទុក រង់ចាំ​ដោះស្រាយ តាមច្បាប់​៕/V


ទីតាំងផ្សាយពាណិជ្ជកម្ម

- Advertisment -

Most Popular