Home កម្សាន្ត តារាចម្រៀង Or...

តារាចម្រៀង Original Song សារី សុភាព ស្លាប់​ទាំង​វ័យក្មេង​ដោយ​ជួប​គ្រោះថ្នាក់​ចរាចរណ៍​

ដោយ​: បញ្ញា​សាស្ដ្រ / ភ្នំពេញ​: នេះ​ជា​ព័ត៌មាន​មួយ​ដ៏​តក់ស្លុត ដែល​បាន​កើតឡើង​នឹកស្មាន​មិន​ដល់ ព្រោះ​តារា​វ័យក្មេង​ឈ្មោះ សារី សុភាព បាន​ជួប​នូវ​គ្រោះថ្នាក់​ចរាចរណ៍ បណ្ដាល​ឲ្យ​បាត់បង់​ជីវិត​។ មរណៈភាព​នេះ ធ្វើ​ឲ្យ​មិត្ត​សិល្បករ​ទាំងអស់​ហួសចិត្ត​មិន​នឹកស្មាន​ដល់​ថា មានរឿង​បែបនេះ​ឡើយ​។

​ម្នាក់ៗ​បានត្រឹមតែ​សោកស្តាយ ហើយ​អំពាវនាវ​ដល់​អ្នក​ដែល​ស្គាល់​តារា​រូបនេះ​ចូលរួម​ពិធីបុណ្យ​។ សព តម្កល់​នូវ​វត្ត​ទួល​សង្កែ រាជធានី​ភ្នំពេញ​។​

​លោក សារី សុភាព មាន​អាយុ​២៤ ឆ្នាំ​ជា តារាចំរៀង Original song និង​ជា​អ្នកធ្វើ​ភ្លេង​ឲ្យ​ខាង​ផលិតកម្ម​មួយចំនួន​ផងដែរ​។ ការបាត់​បង់ជីវិត​នេះ គឺជា​ការបាត់បង់​ធនធានមនុស្ស​មួយ ដែល​ពោរពេញ​ដោយ​សម​ត្ថិ​ភាព​ផងដែរ​។ តារា​អ​ភ័​ព្ទ​រូបនេះ នៅសល់តែ​ម្តាយ​ចាស់ជរា​នៅ​ខេត្តកំពត ដោយ​ខំ​រកប្រាក់​ផ្ញើ​ទៅ​ម្តាយ​ជាប្រចាំ​។

​ប្រភព​ស្និទ្ធ បាន​ប្រាប់ថា មុនពេល​បាត់បង់​ជីវិត​នេះ សារី សុភាព ក៏បាន​ធ្វើ​បទ​ចម្រៀង​មួយ​បទ ដែលមាន​ខ្លឹមសារ និង​សាច់ភ្លេង​ពិ​រោះ​រណ្តំ ដែល​គេ​រំពឹងថា នឹងមាន​ភាពលេច​ធ្លោ ពេល​បទ​ចម្រៀង​ត្រូវបាន​ចរាចរ លើ​ទីផ្សារ​សិល្បៈ​៕

ទីតាំងផ្សាយពាណិជ្ជកម្ម

- Advertisment -



Most Popular