Home ព័ត៌មានជាតិ សន្តិសុខ ជនសង្ស័យ​ម្នា...

ជនសង្ស័យ​ម្នាក់​លួច​ម៉ូតូ​នៅផ្ទះ​សំណាក់​យីហោ​៦៩ ត្រូវ​នគរបាល​ឃាត់ខ្លួន​

ដោយ​:​ស​រិ​ទ្ធ / ភ្នំពេញ​: ជនសង្ស័យ​ម្នាក់​លួច​យក​ម៉ូតូ នៅ​ចំណុច​ផ្ទះសំណាក់​យីហោ​៦៩ នៅ​ផ្លូវ​បេតុង ក្រុម​៧៨ ភូមិ​១៤ សង្កាត់​ទន្លេបាសាក់ ខណ្ឌចំការមន បាន​ត្រូវ​នគរបាល​ប៉ុស្តិ៍​រដ្ឋបាល​ទន្លេបាសាក់​ឃាត់ខ្លួន កាលពី​ម៉ោង​០៦​និង​៣០​នាទី​ព្រឹក​ថ្ងៃទី​២៩ ខែធ្នូ ឆ្នាំ​២០២០​។​

​ជនសង្ស័យ​ឈ្មោះ ចិន ចំរើន ហៅ​ពៅ ភេទ​ប្រុស​អាយុ​២៩​ឆ្នាំ ស្នាក់​នៅផ្ទះ​គ្មាន​លេខ​ផ្លូវ​៣៦៩​ភូមិ​ដើម​ចាន់ សង្កាត់​ច្បារអំពៅ​២ ខណ្ឌ​ច្បារអំពៅ​។ ចំណែក​ជនរងគ្រោះ​ឈ្មោះ ចៀវ គឹមហុង ភេទ​ប្រុស អាយុ​៣២​ឆ្នាំ​ស្នាក់​នៅផ្ទះ​៦៩ ផ្លូវ​បេតុង ក្រុម​៧៨ ភូមិ​១៤ សង្កាត់​ទន្លេបាសាក់ ខណ្ឌចំការមន មុខរបរ​បើករថយន្ត​។​

​សមត្ថកិច្ច​បានឱ្យដឹង​ថា មុនពេល​កើតហេតុ​ជន​រង​គ្រោ បាន​ជិះ​ម៉ូតូ​មក​ដេក​នៅក្នុង​ផ្ទះសំណាក់​ដោយ​បាន​ចត​ក្បែរ​ម៉ូតូ​របស់គេ និង​បាន​ចាក់សោ​រក​ម៉ូតូ និង​មាន​ចាក់សោរ​ច្រវា​ក់នៅ​កង់​ម៉ូតូ ហើយក៏​ដេកលក់​។ លុះ​ក្រោយមក​ស្រាប់តែ​ក្រុម​ជនសង្ស័យ​បាន​ចូលមក​ធ្វើ​សកម្មភាព​កាច់​សោ​រក​ម៉ូតូ និង​កាត់​សោរ​ច្រវាក់​កង់​ម៉ូតូ​រួច​បណ្តើរ​ម៉ូតូ​ជិះ​ចេញទៅ​បាត់​។ បាន​បន្តិចក្រោយមក​ជ​ន​សង្ស័យ​ឈ្មោះ ចិន ចំរើន ក៏​បានមក​ធ្វើ​សកម្មភាព​លួច​ម៉ូតូ​ម្តងទៀត តែ​ត្រូវបាន​សន្តិសុខ​ឃើញ​ទាន់​ស្រែក​ឆោឡោ​លឺ​ដល់​សមត្ថកិច្ច ដែល​កំពុង​ល្បាត​ក្បែរ​នោះ ក៏​មកឃាត់​ជនសង្ស័យ​បាន រួមទាំង​វត្ថុតាង​ធ្វើ​សកម្មភាព​យកមក​កាន់​ប៉ុស្តិ៍នគរបាល​រដ្ឋ​បាលទ​ន្លេ​បាសាក់ ដើម្បី​សាកសួរ និង​ចាត់ការ​តាម​នីតិវិធី​ច្បាប់​តែម្តង​។​

​បច្ចុប្បន្ន ជនសង្ស័យ រួមទាំង​វត្ថុតាង​ត្រូវ​បា ន​បញ្ជូន​ទៅកាន់​អធិការដ្ឋាន​នគរបាល​ខណ្ឌចំការមន ដើម្បី​ចាត់ការ​បន្ត​៕

ទីតាំងផ្សាយពាណិជ្ជកម្ម

- Advertisment -



Most Popular