Home ព័ត៌មានជាតិ សន្តិសុខ បន្ត​សវនាការ​...

បន្ត​សវនាការ​ជំនុំជម្រះ សំណុំរឿង​លោក សម រ​ង្ស៉ី ជា​ជនជាប់ចោទ ទៅ​ថ្ងៃ ២២ មករា ខាងមុខ​

ដោយៈ ស​រិ​ទ្ធ​ / ភ្នំពេញៈ សំណុំរឿង​ញុះញង់​កងទ័ព មិនឱ្យ​ស្តាប់​បទបញ្ជា របស់​រាជរដ្ឋាភិបាល ស្របច្បាប់ ដែលមាន​លោក សម រ​ង្ស៉ី ជា​ជនជាប់ចោទ បាន​ត្រូវ​តុលាការ លើក​ពេល​បន្ត​សវនាការ ជំនុំជម្រះ​ទៅ ថ្ងៃទី​២២ ខែមករា ឆ្នាំ​២០២១ ខាងមុខនេះ បន្ទាប់ពី​បាន​ដំណើរការ សវនាការ​ពេញ​មួយ​ព្រឹក ថ្ងៃទី​២៩ ខែធ្នូ ឆ្នាំ​២០២០​នេះ​។​

​ក្នុង​សវនាការ​ជំនុំជម្រះ​នេះ មាន​លោក រស់ ពិសិដ្ឋ ជា​ចៅក្រម​ជំនុំជម្រះ និង​លោក សេង ហៀ​ង ជា​តំណាង​អយ្យការ ដោយមាន​ការចូលរួម ពី​លោក សំ សុ​គង់ ជា​មេធាវី​ការពារ ជនជាប់ចោទ​។​

​គួររំលឹកថា កងយោធពល​ខេមរភូមិន្ទ បានដាក់​ពាក្យ​ប្តឹង សម រ​ង្ស៉ី កាលពី​ព្រឹក​ថ្ងៃទី​៧ ខែធ្នូ ឆ្នាំ​២០១៧ កន្លងទៅ ពាក់ព័ន្ធ​នឹង​ករណី​ញុះញង់ កុំ​ឲ្យ​យោធិន ស្តាប់បង្គាប់ រាជរដ្ឋាភិបាល​ស្របច្បាប់ ដោយ​កងទ័ព​ចាត់ទុកថា ការលើកឡើង​នោះ ធ្វើ​ឲ្យ​ខូច​ទឹកចិត្ត​កងទ័ព និង​ប្រមាថ​ថ្នាក់ដឹកនាំ កងយោធពល​ខេមរភូមិន្ទ​។ ក្នុង​ពាក្យបណ្តឹង បាន​បញ្ជាក់ថា ការអំពាវនាវ​របស់​លោក សម រ​ង្ស៉ី ធ្វើ​ឲ្យ​ប៉ះពាល់ ដល់​សន្តិសុខ នៃ​រដ្ឋ ដែលជា​បទល្មើស ចែង​នៅក្នុង​ក្រមព្រហ្មទណ្ឌ​កម្ពុជា​។​
​ការដាក់​ពាក្យបណ្តឹង បានកើត​ឡើង ក្រោយពេល​លោក សម រ​ង្ស៉ី អតីត​ប្រធាន​គណបក្ស​សង្គ្រោះ​ជាតិ បាន​អំពាវនាវ​ឲ្យ​កងទ័ព បង្វែរ​កាណុង មកលើ​រាជរដ្ឋាភិបាល ហើយ​បាន​បង្គាប់​ឲ្យ​កងទ័ព ឈប់​ស្តាប់​បញ្ជា​រាជរដ្ឋាភិបាល ស្របច្បាប់​៕/V

បន្ត​សវនាការ​ជំនុំជម្រះ សំណុំរឿង​លោក សម រ​ង្ស៉ី ជា​ជនជាប់ចោទ ទៅ​ថ្ងៃ ២២ មករា ខាងមុខ​

ទីតាំងផ្សាយពាណិជ្ជកម្ម

- Advertisment -

Most Popular