ដោយៈ ពៅនិមល / ភ្នំពេញ: នៅឆ្នាំ២០២១ ខាងមុខ ការនាំអង្ករចេញ ទៅកាន់ទីផ្សារ ប្រទេសអង់គ្លេស កម្ពុជា សង្ឃឹមថា នឹងល្អប្រសើរ ខណៈដែលក្នុងមួយឆ្នាំៗ អង្ករកម្ពុជា បង្ហាញវត្តមានលក់ នៅប្រទេសនេះ ចន្លោះប្រមាណពី ៣ ទៅ ៤ ម៉ឺនតោន។ នេះបើតាមលោក លុន យ៉េង អគ្គលេខាធិការ នៃសហព័ន្ធស្រូវអង្ករកម្ពុជា បានប្រាប់រស្មីកម្ពុជា ឱ្យដឹងនៅព្រឹកថ្ងៃទី២៩ ខែធ្នូ ឆ្នាំ២០២០ នេះ។
លោកអគ្គលេខាធិការ នៃសហព័ន្ធស្រូវអង្ករកម្ពុជា រូបនេះ បានឱ្យដឹងថាៈ ទាក់ទិននឹងការប្រកាស របស់ក្រសួងពាណិជ្ជកម្ម កាលពីពេលថ្មីៗនេះ ដែលអំពាវនាវឱ្យអ្នកនាំចេញ ត្រូវមកស្នើសុំវិញ្ញាបនបត្រ បញ្ជាក់ដើមកំណើតទំនិញ ទម្រង់ អេ (CO FORM A) គឺជាការល្អ ដើម្បីបញ្ជាក់ប្រភព ដើមកំណើតទំនិញ ដែលនឹងត្រូវនាំចេញ ទៅកាន់អង់គ្លេស ដោយរួចពន្ធ ចាប់ពីដើមខែមករា ឆ្នាំ២០២១ តទៅ។
លោកបានបន្តថាៈ អង់គ្លេស ចាកចេញពីសហគមអឺរ៉ុប (អ៊ីយូ) ការផ្តល់ប្រពន្ធអនុគ្រោះពន្ធ (WTO) មិនជារឿងអី្វផ្សេង ឬថ្មីនោះទេ ហើយការស្នើសុំវិញ្ញាបនបត្រ បញ្ជាក់ដើមកំណើតទំនិញនេះ ជាការគោរពតាមច្បាប់ពាណិជ្ជកម្ម។ លោកបានបន្ថែមថាៈ “ទម្រង់នឹងអត់មានអីទេ គ្រាន់តែការទៅបំពេញបែបបទ នីតិវិធីប្រកាសទំនិញទេ អត់មានពាក់ព័ន្ធអ្វីទៅ លើសហគមអឺរ៉ុបអីទេ ទៅប្រទេសណា ក៏ត្រូវបំពេញទម្រង់ដែរ គ្រាន់តែទម្រង់ផ្សេងៗគ្នា ហៅថា FORM ផ្សេងគ្នា ទៅអាស៊ាន FORM D ទៅអាម៉េរិក FORM នេះទៅ ទៅអឺរ៉ុប FORM ផ្សេងៗគ្នា គ្រាន់ថា កន្លងមក រយៈពេលថ្មីៗ ពីមុន ទៅសហគមនអឺរ៉ុប គេប្រើ ឌឺរ៉េច មានន័យថា បំពេញក្នុងស៊ីស្ទឹម គេតែម្តង ឥឡូវនេះ ដោយសារប្រហែលជាអង់គ្លេសអត់ទាន់ធ្វើអីរួច ចឹងគាត់ឱ្យយើង បំពេញតាមប្រព័ន្ធ ដែលអាចអនុវត្តបាន ដូចក្រសួងពាណិជ្ជកម្ម ផ្សព្វផ្សាយអ៊ីចឹង”។
ពាក់ព័ន្ធនឹងការអំពាវនាវរបស់ ក្រសួងពាណិជ្ជកម្ម ខាងលើ គឺបន្ទាប់ពីក្រសួងពាណិជ្ជកម្ម អន្តរជាតិចក្រភពអង់គ្លេស បានប្រកាសជាផ្លូវការ ប្រទេសអភិវឌ្ឍន៍តិចតួច ទាំង ៤៧ ដែលរួមមាន កម្ពុជា គឺនឹងទទួលបានការអនុគ្រោះពន្ធ (ជីអេសភី=GSP) ក្នុងនោះ កម្ពុជាត្រូវបានចាត់ថ្នាក់ ក្នុងក្របខ័ណ្ឌ នៃប្រទេសអភិវឌ្ឍន៍តិចតួច ដូច្នេះរាល់ការនាំចូលពីកម្ពុជា នឹងត្រូវរួចពន្ធ ជាមួយអត្រាពន្ធស្មើសូន្យ រាល់គ្រប់មុខទំនិញ លើកលែងតែអាវុធ៕/V
កម្ពុជា សង្ឃឹមថា ការនាំទំនិញ ទៅកាន់អង់គ្លេស នឹងកើនឡើង នៅក្រោមប្រព័ន្ធអនុគ្រោះពន្ធ ជីអេសភី
កម្ពុជា សង្ឃឹមថា ការនាំទំនិញ ទៅកាន់អង់គ្លេស នឹងកើនឡើង នៅក្រោមប្រព័ន្ធអនុគ្រោះពន្ធ ជីអេសភី
កម្ពុជា សង្ឃឹមថា ការនាំទំនិញ ទៅកាន់អង់គ្លេស នឹងកើនឡើង នៅក្រោមប្រព័ន្ធអនុគ្រោះពន្ធ ជីអេសភី
កម្ពុជា សង្ឃឹមថា ការនាំទំនិញ ទៅកាន់អង់គ្លេស នឹងកើនឡើង នៅក្រោមប្រព័ន្ធអនុគ្រោះពន្ធ ជីអេសភី
