មេទ័ព​ជើងគោក ទទួល​អំណោយ​ពី​សមាគម​មូលនិធិ សម្តេច​តេ​ជោ ដើម្បី​អភិវឌ្ឍន៍​សហគ្រាស​ធុន​តូច និង​មធ្យម​នៅ​កម្ពុជា​

ដោយៈ មុនី​រ័ត្ន / ភ្នំពេញៈ លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គ​មេបញ្ជាការរង នៃ​កងយោធពល​ខេមរភូមិន្ទ មេបញ្ជាការ​កងទ័ពជើងគោក បាន ទទួល​អំណោយ ពី​ឧកញ៉ា តែ តាំង​ប៉ ប្រធាន​ក្រុមប្រឹក្សាភិបាល សមាគម​មូលនិធិ​សម្តេច​តេ​ជោ ដើម្បី​អភិវឌ្ឍន៍ សហគ្រាស​ធុន​តូច និង​មធ្យម​នៅ​កម្ពុជា ជូន​ដល់​បញ្ជាការដ្ឋាន កងទ័ពជើងគោក នៃ​កងយោធពល​ខេមរភូមិន្ទ នៅ​បញ្ជាការដ្ឋាន​កងទ័ពជើងគោក នៅ​ព្រឹក​ថ្ងៃទី​២៩ ខែធ្នូ ឆ្នាំ​២០២០​។​

​អំណោយ​ទាំងនោះ មានដូចជាៈ ទឹកត្រី​ចំនួន ៦.០០០ ដប ទឹកស៊ីអ៊ីវ​ចំនួន ៦.០០០ ដប ទឹក​សំលាប់​មេរោគ ចំនួន ១.០០០​ដប និង​ថវិកា​ចំនួន ២ ម៉ឺន​ដុល្លារ សហរដ្ឋអាមេរិក​។​

​ក្នុងនាម​កងទ័ពជើងគោក លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គ​មេបញ្ជាការរង នៃ​កងយោធពល​ខេមរភូមិន្ទ មេបញ្ជាការ​កងទ័ពជើងគោក បាន​ថ្លែងអំណរគុណ ចំពោះ​សមាគម​មូលនិធិ សម្តេច​តេ​ជោ ដើម្បី​អភិវឌ្ឍន៍​សហគ្រាស​ធុន​តូច និង​មធ្យម នៅ​កម្ពុជា​។ លោក​បាន​ចាត់ទុកថាៈ អំណោយ​ដ៏​ថ្លៃថ្លា​នេះ ជា​ទឹកចិត្ត​ដ៏​សប្បុរស និង​ជាការ​ចែករំលែក ដ៏​មាន​សារៈសំខាន់ ដើម្បី​ចូលរួម​គាំទ្រ ដល់​កងទ័ព ក្នុងការ​ដោះស្រាយ សេចក្តីត្រូវការ​ផ្សេងៗ របស់​អង្គភាព​៕/V​

ទីតាំងផ្សាយពាណិជ្ជកម្ម

- Advertisment -

Most Popular