Home ព័ត៌មានជាតិ សង្គម អ្នកពាក់ព័ន្ធ...

អ្នកពាក់ព័ន្ធ​ត្រូវ​បង្កើន​ការគ្រប់គ្រង​និង​អភិរក្ស​សត្វព្រៃ​នៅ​អាង​ត្រពាំងថ្ម ខណៈ​រង​ការ​គម្រាមកំហែង​កាន់តែខ្លាំង​ឡើង​

ដោយ​: ភ្នំ​ស្វាយ / បន្ទាយមានជ័យ​: អ្នកពាក់ព័ន្ធ​ត្រូវ​បង្កើន​ការគ្រប់គ្រង និង​អភិរក្ស​សត្វព្រៃ នៅ​អាង​ត្រពាំងថ្ម ដែល​ស្ថិតនៅ​ភូមិសាស្ត្រ​ស្រុក​ភ្នំស្រុក និង​ពាក់ព័ន្ធ​ស្រុក​ស្វាយចេក ថ្មពួក ខេត្តបន្ទាយមានជ័យ និង​ស្រុក​បន្ទាយ​អ​ម្អិ​ល ខេត្ត​ឧ​ត្ត​រ​មានជ័យ​។ ពោលគឺ​ខណៈ​វា​រង​ការ​គម្រាមកំហែង​កាន់តែខ្លាំង​ឡើងលើ​ការធ្វើអោយ​បាត់បង់​សត្វព្រៃ និង​រុករាន​ទន្ទ្រាន​យក​ដី​។​

​នេះ​បើតាម​ស្មារតី​ខ្លឹមសារ​ចេញពី​សិក្ខាសាលា ស្តីពី​ការគ្រប់គ្រង​និង​អភិរក្ស​សត្វព្រៃ​នៅ​អាង​ត្រពាំងថ្ម ធ្វើ​នៅ​មន្ទីរ​បរិស្ថាន​ខេត្តបន្ទាយមានជ័យ កាលពី​ថ្ងៃទី​២៩​ខែធ្នូ​ឆ្នាំ​២០២០ ។​

​លោក យឹម លី ប្រធាន​មន្ទីរ​បរិស្ថាន​ខេត្តបន្ទាយមានជ័យ​បានអោយដឹងថា​៖ សិក្ខា​សាល​នេះ​នឹង​ជួយ​ក្នុង​ផែនការ​យុទ្ធសាស្ត្រ​អភិរក្ស សត្វ​រមាំង​នៅក្នុង​សហគមន៍ ភូមិ​កូនខ្លែង ឃុំ ប៉ោយចារ ស្រុក​ភ្នំស្រុក ។​

​ហើយ​វា​ស្របតាម​ច្បាប់​ស្តីពី​តំបន់ការពារធម្មជាតិ​ដែលមាន​អនុ​ក្រិ​ត្យ​លេខ ១០០ អនក្រ បក ចុះ​ថ្ងៃទី​២៣ ខែឧសភា ឆ្នាំ ២០១៦ នៃ​ការបង្កើត​តំបន់ការពារទេសភាព អាង​ទំពាំង​ថ្ម ស្រុក​ភ្នំស្រុក និង​អនុ​ក្រិ​ត្យ​លេខ ០៧ អនក្រ បក ចុះ ថ្ងៃទី​២៦ ខែមករា ឆ្នាំ​២០១៧ ស្តីពី​ការបង្កើត​របៀង​អភិរក្ស​ជីវចំរុះ​ប្រព័ន្ធ​តំបន់ការពារធម្មជាតិ ដែល​ស្ថិតក្នុង​ភូមិសាស្ត្រ ឃុំ​ប៉ោយចា ស្រុក​ភ្នំស្រុក ឃុំ​ថ្មពួក ស្រុក​ថ្មពួក និង​ឃុំ​បេង ស្រុក​បន្ទាយ​អំពិល​ខេត្ត​ឧ​ត្ត​មានជ័យ ដែលជា​តំបន់​មាន​សារៈសំខាន់​សម្រាប់​សត្វ​ធ្វើការ​បំលាស់​ទី និង​ប្រាស្រ័យ​ទាក់ទង​រក​ចំណីអាហារ​និង​រស់នៅ​ជាមួយគ្នា​។​

​លោក​ញ៉ែម សុធន តំណាង​អង្គការ​សមាគម​អភិរក្ស​សត្វព្រៃ​នៅ​កម្ពុជា​(WCS) បាន​ថ្លែងថា ៖ អង្គការ​បន្ត​សហការ​ជាមួយ​មន្ត្រី​ជំនាញ​អាជ្ញា​ធរមាន​សមត្ថ​កិ​ចក​ច​និង​ប្រជា​សហគមន៍ ក៏​ដូច​អង្គការ សមាគម​ក្រៅ​រដ្ឋាភិបាល​ផ្សេងទៀត​ក្នុង​កិច្ចការ​អភិរក្ស​សត្វព្រៃ​និង​ធនធានធម្មជាតិ​នៅ​អាង​ត្រពាំងថ្ម​នេះ​។ ពិសេស​គឺ​ការពារ​សត្វ​រមាំង​និង​សត្វ​ម្រឹគ​នានា ព្រមទាំង​សត្វ​ក្រៀល​ក្បាល​ក្រហម​ដ៏​ល្បីល្បាញ​និង​ដែល​រង​ការ​គម្រាមកំហែង និង​ជិត​ផុត​ពូ​ជិ​ពិភពលោក​។​

​ចំណែក​លោក ហុង ចំណាន អនុប្រធាននាយកដ្ឋាន​អភិរក្ស​តំបន់ដីសើម​ទឹកសាប​ក្រសួងបរិស្ថាន បានស្នើ​ឲ្យ​អាជ្ញា​ធរមាន​សមត្ថកិច្ច និង​អ្នកពាក់ព័ន្ធ​ទាំងឡាយ បង្កើន​កិច្ចខិតខំ​បំផ្លាញ​នូវ​ការ​គម្រាមកំហែង​នានា លើ​សត្វព្រៃ សត្វ​ស្លាប ប​ច្ឆៈ​ជាតិ រុក្ខជាតិ ព្រៃឈើ​និង​ដី​តំបន់​ការពារ​នេះ​។​

​លោក អោម ចន្ថា អភិបាលរង​ខេត្តបន្ទាយមានជ័យ បាន​ថ្លែងថា​៖ ដូច​ក្នុង​គោលបំណង​នៃ​សិក្ខាសាលា​នេះ គឺ​ដើម្បី​ប្រមូល​នៅ​ធាតុ​ចូល​ពី​គ្រប់​អ្នកពាក់ព័ន្ធ ដែល​បាន​អញ្ជើញ​ចូលរួម និង​ផ្ដល់​ជា​មតិយោបល់​ក្នុងការ​រៀបចំ​ផែនការ​យុទ្ធសាស្ត្រ​អភិរក្ស សត្វ​រមាំង និង​ប្រភេទ​សត្វ​កម្រ​ផ្សេងៗ​ទៀត ដែល​បាន​នឹង​កំពុង​រង​ការគំរាមកំហែង ក៏ដូចជា​ពង្រឹង​កិច្ច​សហស​ការ​វាង​អ្នកជំនាញ និង​អាជ្ញាធរ​មូលដ្ឋាន​អង្គការ​ដៃគូ និង​អ្នកពាក់ព័ន្ធ​ចូលរួម​ថែរក្សា​ការពារ និង​អភិរក្ស​ឲ្យ នៅ​ស្ថិតស្ថេ​គង់វង្ស​សម្រាប់​កូនចៅ​ជំនាន់​ក្រោយ​។​

​លោក អោម ចន្ថា បាន​បន្តថា​៖ ជា​រៀងរាល់ខែ​ក្រុមការងារ​អនុវត្ត​គម្រោង បានរៀបចំ​កិច្ចប្រជុំ​ផ្សព្វផ្សាយ​អំពី​អត្ថប្រយោជន៍ នៃ​ការអភិរក្ស និង​ច្បាប់​ព្រៃ ច្បាប់បរិស្ថាន និង​ការងារ​សហគមន៍ ដល់​ប្រជាពលរដ្ឋ​ដែល​រស់នៅ​ជាប់ និង​តំបន់​អភិរក្ស​សត្វ​ក្រៀល ក្នុង​អាង​ត្រពាំងថ្ម​។​

​មិនតែប៉ុណ្ណោះ​គម្រោង ក៏បាន​រៀបចំ​ផ្ទាំង​ប៉ាណូ​ផ្សព្វផ្សាយ​អំពី​ប្រភេទ​សត្វព្រៃ​សំខាន់ៗ និង​ទីតាំង​សត្វព្រៃ​រស់នៅ ដើម្បី​ទាក់ទាញ​ភ្ញៀវទេសចរ​ឲ្យ​មក​កម្សាន្ត​ទស្សនា​សត្វព្រៃ​កាន់តែ​ច្រើនឡើង​ទៀត និង​ដើម្បី​ឲ្យ​ប្រជាពលរដ្ឋ​ចូលរួម​ការពារ​ប្រភេទ​សត្វព្រៃ​នេះ ឲ្យ​បាន​ច្រើន​ថែមទៀត​ផងដែរ​។​

​លោក​បន្តទៀតថា ៖ ប៉ុន្តែ​គួរ​ឲ្យ​ស្ដាយ ដែល​ពពួកសត្វ​ស្លាប​ទឹក​មួយចំនួន​បានធ្វើការ​ផ្លាស់​ទី​ទៅ​ឆ្ងាយ​ពី​តំបន់​អភិរក្ស​សត្វ​ក្រៀល ដែលមាន​ការពិបាក​ក្នុងការ​ការពារ​និង​គ្រប់គ្រង​។​

​វា​ក៏​រង​ផលប៉ះពាល់​ពី​ភាពមិន​មានព្រៃ​គ្រប់គ្រាន់​សម្រាប់​សត្វ​ទឹក សំខាន់​ធ្វើ​សំបុក​ពង​កូន​ការបាញ់​ការដាក់​អន្ទាក់​ការបំពុល​សត្វព្រៃ​គ្រប់​ប្រភេទ​នៅតែ​កើតមានឡើង​។​

​ហេតុនេះ រាល់​លទ្ធផល​និង​សមិទ្ធិផល​ការងារ​អភិរក្ស​សត្វ​ខាងលើនេះ គឺ​ពិតជា​មិនអាច​ខ្វះ​បាន​ពី​កិច្ចសហការ​គាំទ្រ​ធ្វើការ​រួមគ្នា​ជាមួយ​ដៃគូ និង​ការប្រឹក្សា​យោបល់​ជាមួយ​អង្គការ សមាគម សហគមន៍​។​

​ពោលគឺ​នឹង​នៅតែ​បន្ត​ជា​ចាំបាច់​នៅ​កិច្ចសហប្រតិបត្តិការ​គាំទ្រ​ពី​រដ្ឋបាល ខេត្ត​ស្រុក​មន្ទីរជំនាញ​ពាក់ព័ន្ធ​ទាំងអស់ ដើម្បី​ជំនះ​ទៅ​កត្តា​ប្រឈម​ទាំងឡាយ ដែល​នៅសល់​និង​រួមគ្នា​ជា​ដៃគូ​បន្តការងារ​នេះ​៕

ទីតាំងផ្សាយពាណិជ្ជកម្ម

- Advertisment -

Most Popular