Home ព័ត៌មានសំខាន់ៗ បាញ់សម្លាប់​ប...

បាញ់សម្លាប់​បុរស​ម្នាក់​ក្រោយ​រថយន្ត​ប៉ះគ្នា​តែ​សង្ស័យ​ជា​រឿង​គុំនុំ​

​ដោយៈ​ចាន់តូ​/​ភ្នំពេញ​: នាយ​នគរបាល​ម្នាក់​បាន​ស្លាប់ បន្ទាប់ពី​គូភាគី​ម្ខាង​ទៀត​បាញ់​៩​គ្រាប់ ផ្ដើមចេញពី​គ្រោះថ្នាក់​ចរាចរណ៍​រថយន្ត LEXUS RX300 បើក​ទៅបុក​ពីក្រោយ​រថយន្ត Ford Raptor ខូចខាត​ស្តុ​ប​ក្រោយ​។ ហេតុការណ៍ បាញ់ប្រហារ​នេះ​បានកើត​ឡ់ង​នៅវេលា ម៉ោង​១២ និង​៣០​នាទី​យប់​រំលងអធ្រាត្រ​ឈានចូល​ថ្ងៃ​ពុធ ទី​៣០ ខែធ្នូ ឆ្នាំ​២០២០ ត្រង់ចំណុច​មុខផ្ទះ​សំណាក់ សាំង ហ៊រ​ទៀន នៅតាម​បណ្តោយ​ផ្លូវ មហាវិថី​សហ​ពន្ធ​រុស្ស៊ី ជាប់​របង​ព្រលានយន្តហោះ​អន្តរជាតិ​ភ្នំពេញ ក្នុងភូមិ​ក្បាលដំរី​២ សង្កាត់​កា​កាប​ទី​២ ខណ្ឌ​ពោធិ៍​សែន​ជ័យ​។​

​ជនរងគ្រោះ​ដែល​ស្លាប់​មានឈ្មោះ រ៉េត ស៊ី​ណែ​ត (​ហៅ​ញ៉​ក់​) ភេទ​ប្រុស អាយុ​៤០​ឆ្នាំ ជនជាតិខ្មែរ​
​មុខរបរ នាយរង​ការិយាល័យ​ព្រហ្មទណ្ឌ​កម្រិត​ស្រាល​រាជធានី​ភ្នំពេញ​។ ដោយ​ជិះ​រថយន្ត​ម៉ាក​
Ford Raptor ពណ៌​ស ពាក់​ស្លាក​លេខ ភ្នំពេញ 2BD.3738 ។ ចំណែក​ជនដៃដល់​ជិះ​រថយន្ត​ម៉ាក Lexus RX300 ពណ៌​ខ្មៅ ពាក់​ស្លាក​លេខ សៀមរាប 2A.4546 ។​

​តាម​សំដី​បុរស​ម្នាក់​បាន​រៀបរាប់​ប្រាប់​ឲ្យ​ដឹងថា​ដំបូង​ឡើយ​គាត់​បានឃើញ​រថយន្ត ហ្វ​ត មួយគ្រឿង​បើក​តាម​បណ្ដោយ​ផ្លូវ​សហព័ន្ធរុស្ស៊ី​ក្នុងទិសដៅ​ពី​កើ​តទៅ​លិច ខណៈ​មកដល់​ចំណុចកើតហេតុ​ខាងលើ​ស្រាប់​តែមាន​រថយន្ត​លុ​ច្ស​ស៊ី​ស RX300 ពណ៌​ខ្មៅ​បាន​បើក​តាម​បណ្ដោយ​ផ្លូវ​សហព័ន្ធរុស្ស៊ី​ទិសដៅ​ពី​កើតមក​លិច​ស្រប​ទិស គ្នា​បានមក​បុក​ចំ​គូថ​រថយន្ត​ខាងក្រោយ បណ្ដាល​ឲ្យ​បែក​ស្តុ​ប និង​ឆ្កូត​កាង​បន្តិចបន្តួច ហើយ​ភាគី​ទាំងពីរ​ក៏​ចុះ​សម្របសម្រួល​គ្នា​ដោយ មិនមាន​ការជជែក​តឹងសរសៃក​នោះទេ​។ គ្រាន់តែ​ភាគី​ខាង​រថយន្ត ហ្វ​ត ឱ្យ​ខាង​រថយន្ត​បង្ក​យកទៅ​ជួសជុល​អោយ​ស្អាត​ដូចដើម​វិញ​តែប៉ុណ្ណោះ​។ ស្រាប់តែ​ពេលនោះ​ភាគី​ជនដៃដល់ ម្នាក់​បាន​ឡើងលើ​រថយន្ត​បញ្ឆេះ​ម៉ាស៊ីន និង​បក្ខពួក​២​នាក់​ទៀត​បាន​ដក​កាំភ្លើងខ្លី​មិន​ចាំ​ម៉ាក បាញ់ប្រហារ​ទៅលើ​ជនរងគ្រោះ​ចំនួន​៩​គ្រាប់​បណ្ដាលឱ្យ​ត្រូវចំ​ក្បាល ចំ​ដើមទ្រូង និង​ពោះ បាន​ស្លាប់​ក្រោយពេល​បញ្ជូនទៅ​មន្ទីរពេទ្យ​។ ក្រោយ​បង្កហេតុ​រួច​ជនដៃដល់ រត់គេចខ្លួន​បាត់ ។ ប្រភព​ដដែល​បាន​បន្តទៀតថា​ករណី​បាញ់សម្លាប់​ខាងលើនេះ​សង្ស័យ​ជា​រឿង​គំនុំ​ច្រើនជាង​។​

​បច្ចុប្បន្ន​កម្លាំង សមត្ថកិច្ច​កំពុងតែ​ស្រាវជ្រាវ តាម​ចាប់​ជនដៃដល់ ដើម្បី​យកមក​ផ្តន្ទាទោស​តាមផ្លូវ​ច្បាប់​៕​

 

ទីតាំងផ្សាយពាណិជ្ជកម្ម

- Advertisment -

Most Popular