Home ព័ត៌មានជាតិ សង្គម ប្រជាពលរដ្ឋ ស...

ប្រជាពលរដ្ឋ ស្នើឱ្យ​អាជ្ញាធរ​ជួយ​ដោះស្រាយ​ទំនាស់​ដីធ្លី គ្រឿងញៀន លូ ផ្លូវទឹក​លិច និង​បរិស្ថាន​ជួន​ពួកគាត់​


​ដោយៈ​រ៉ា​ម៉ន​/​ភ្នំពេញៈ ក្នុង​វេទិកា​ផ្សព្វផ្សាយ និង​ពិគ្រោះ​យោបល់​របស់​ក្រុមប្រឹក្សា រាជធានី​ភ្នំពេញ នៅ​ផ្សារ​បុរី​រុងរឿង​សង្កាត់​បាក់​ខែង ខណ្ឌ​ជ្រោយចង្វារ​កាលពី​រសៀល​ថ្ងៃទី​២៩ ធ្នូ ឆ្នាំ​២០២០ ប្រជាពលរដ្ឋ ស្នើសុំ​ឲ្យ​អាជ្ញាធរ ជួយ​ដោះស្រាយ រឿង​ទំនាស់​ដីធ្លី រវាង​ប្រជាពលរដ្ឋ និង​ក្រុមហ៊ុន នៅ​សង្កាត់​ព្រែកលៀប​ស្មើ ៦​ភូមិ និង​រឿង​ក្មេង​ប្រើប្រាស់​គ្រឿងញៀន លូ ផ្លូវទឹក​លិច បញ្ហា​ទឹកស្អាត ភ្លើង និង​បរិស្ថាន​។ វេទិកា​នេះ បានធ្វើ​ឡើង ក្រោម​អធិបតីភាព​លោក ប៉ា សុជាតិ​វង្ស ប្រធាន​ក្រុមប្រឹក្សា​រាជធានី​ភ្នំពេញ និង​លោកស្រី​កែវ សុខ​ពិសី អភិបាលរង​រាជធានី​ភ្នំពេញ​, លោក ឃ្លាំង ហួត អភិបាលខណ្ឌ​ជ្រោយចង្វារ និង​លោក ឯក ស៊ុន​ចាន់ ប្រធាន​ក្រុមការងារ ចុះជួយ​ខណ្ឌ​ជ្រោយចង្វារ ។​

​ក្នុងឱកាស​នោះ លោក ព្រៀប មន្នី ចៅសង្កាត់​ព្រែកលាប បាន​លើកយក​សំណើរ សំណូមពរ​របស់ ប្រជាពលរដ្ឋ តាមរយៈ​លោក​ថា ដោយ​ស្នើសុំ​ឲ្យ​អាជ្ញាធរ​ជួយ​ដោះស្រាយ រក​យុត្ដិធម៌ រឿង​ក្រុមហ៊ុន អ្នកមានអំណាច​បាន​រំលោភបំពាន​យក និង​មិនបាន​ដោះស្រាយ​ឲ្យ​បាន​សមស្រប ណាមួយ​រឿង​ដីធ្លី ដែល​ពួក​គាត​កាន់កាប់ តាំងតែ​ពី​យូរយារ​ណាស់ មកហើយ​នោះ ។​

​ដោយឡែក លោក អឿ ស៊ីផុន ចៅសង្កាត់ ព្រែក​តាសេក ក៏បាន​លើកឡើង​អំពី​សំណូមពរ​របស់ ប្រជាពលរដ្ឋ​នៅ​មូលដ្ឋាន​របស់ខ្លួន​ផងដែរ​ថា​៖ បច្ចុប្បន្ននេះ នៅ​ភូមិ​ចំនួន​៤​បាន​ខ្វះ​ទឹកស្អាត ប្រើប្រាស់​នៅឡើយ ពិសេស​នៅ​ភូមិ​ព្រែក​តាសេក​នេះ តែម្ដង និង​បញ្ហា​មួយទៀត​នោះ​គឺ មាន​ភូមិ​ព្រែក​តា​រ័ត្ន ភូមិ​ព្រែ​ករាំង និង​ភូមិ​ព្រែក​តា​គង់ គឺ​កំពុង​ជួប​បញ្ហា ដែល​ក្រសួងមហាផ្ទៃ​ចុះមក​កំណត់​ព្រុំប្រទល់ ភូមិ​រួច​កាត់​ចួ​ល​ទៅ​ទឹកដី​ខេត្ដ​កណ្ដាល​វិញ ដោយ​មិនបាន​សហការ​ជាមួយ​អាជ្ញាធរ​ខណ្ឌ និង​សង្កាត់​ឲ្យ​ដឹង​នោះ​។ តាមរយៈ​វេទិការ នេះដែរ លោក​ក៏បាន​ស្នើរ​ឲ្យ​អាជ្ញាធរ​រាជធានី​ភ្នំពេញ ជួយ​ប្រាប់​ទៅ​ក្រសួងមហាផ្ទៃ​ឲ្យ​រក្សា​ភូមិ​នេះ នៅក្នុង​សង្កាត់​ព្រែក​តាសេក​ដដែល ។​

​លោក ប៉ា សុជាតិ​វង្ស ប្រធាន​ក្រុមប្រឹក្សា​រាជធានី​ភ្នំពេញ បាន​បញ្ជាក់ថា វេទិកា​ផ្សព្វផ្សាយ និង​ពិគ្រោះ​យោបល់​របស់​ក្រុមប្រឹក្សា​រាជធានី នៅ​រសៀល​នេះ គឺ​ផ្តោត​សំខាន់​ពាក់ព័ន្ធ នឹង​កង្វល់​ផ្ទាល់​របស់​ប្រជាពលរដ្ឋ ក្នុងនោះ​រួមមាន បញ្ហា​សន្តិសុខ សណ្តាប់ធ្នាប់ បញ្ហា​បរិស្ថាន និង​បញ្ហា​អភិវឌ្ឍន៍​នៅ​មូលដ្ឋាន​។​

​សម្រាប់​រដ្ឋបាល​រាជធានី​ភ្នំពេញ ការចូលរួម​មតិយោបល់ និង​លើកឡើង​នូវ​សំណើ​សំណួរ សំណូមពរ​របស់​ប្រជាពលរដ្ឋ ពិត​បាន​នាំមក​នូវ​សក្តានុពល​យ៉ាង​ធំធេង និង​បានធ្វើ​ឲ្យ​រដ្ឋបាល​រាជធានី​ភ្នំពេញ ឆ្លុះបញ្ចាំង​នូវ​ចំណុច​អសកម្ម​នាពេល​កន្លងមក ដើម្បី​រដ្ឋបាល​រាជធានី​ធ្វើការ​កែលម្អ​ឡើងវិញ និង​អភិវឌ្ឍន៍​ក្នុង​មូលដ្ឋាន​ឲ្យ​បានល្អ​ប្រសើរ និង​ស្វែងរក​នូវ​ដំណោះស្រាយ​ជូន​ប្រជាពលរដ្ឋ​ឲ្យ​មាន​តម្លាភាព និង​មាន​ប្រសិទ្ធភាព​ក្នុងនាម​ជា​តំណាង​ឲ្យ​រដ្ឋបាល​សាធារណៈ​។​

​លោក​បន្ដថា តាមរយៈ​វេទិការ​ផ្សព្វផ្សាយ និង​ពិគ្រោះ​យោបល់​របស់​ក្រុមប្រឹក្សា​រាជធានី​ត្រូវបានធ្វើ ឡើង​ក្នុង​១​ឆ្នាំ​ម្តង​សម្រាប់​មួយ​ខណ្ឌៗ មានន័យថា ទាំង​១៤
​ខណ្ឌ​ចំណុះ​ឲ្យ​រដ្ឋបាល​រាជធានី​ភ្នំពេញ នឹងធ្វើ​ឡើង​ចំនួន​១២​ដង​ផងដែរ ស្រប​ពេលដែល​រដ្ឋ បាល​រាជធានី​ភ្នំពេញ បាន​បើក​វេទិកា​នេះ បាន​ចំនួន​១២​ខណ្ឌ​មកហើយ រួមទាំង​ខណ្ឌ​ជ្រោយចង្វារ​នេះ នៅសល់តែ​២​ខណ្ឌ​ទៀត​យើង​បញ្ចប់​៕​

ទីតាំងផ្សាយពាណិជ្ជកម្ម

- Advertisment -

Most Popular