ហាង​សាច់​អាំង​ជប៉ុន​មួយ ណែនាំ​ពលរដ្ឋ​ខ្មែរ​សាក​រសជាតិ​សាច់គោគុណភាព​ខ្ពស់ ពី​អាមេរិក អូស្ត្រាលី និង​ជប៉ុន​

ដោយៈ​សុផល​/ភ្នំពេញ​៖ ភោជនីយដ្ឋាន​ជប៉ុន BBQ Japanese Yakiniku Garden Tokyo គឺជា​យីហោ​នៃ​ភោជនីយដ្ឋាន​ខ្នាត​អន្តរជាតិ​ដែលមាន​ស្តង់ដារ​ខ្ពស់​ទើបនឹង​បើក​ថ្មី​នៅក្នុង អគារ 313 Quayside​។ អាគារ​ពាណិជ្ជកម្ម​មួយ​នេះ​គឺ​ស្ថាបនា និង​គ្រប់គ្រង​ដោយ​ហុងកុង​លែ​ន (HKL) ដែលមាន​បម្រើ​ជូន​ដូចជា អាហារ និង​ភេសជ្ជៈ ដែលមាន​ទីតាំង​ស្ថិតនៅតាម​បណ្ដោយ​មហាវិថី​ព្រះស៊ីសុវត្ថិ ដែល​នៅ​ចំ​ចន្លោះ​វត្ត​ឧណ្ណាលោម និង​ព្រះបរមរាជវាំង​។​

​អ្នកគ្រប់គ្រង​ទូទៅលោកTakayuki Hiramatsuបាន​មានប្រសាសន៍ថា៖ភោជនី​យ​ដ្ឋា​ន​ Yakiniku ឬ ភោជនីយដ្ឋាន​សាច់​អាំង​បែប​ប្រពៃណី​ជប៉ុន ដើមឡើយ​គឺ​យក​លំនាំ​តាម​សាច់​អាំង​បែប​កូរ៉េ បន្ទាប់ពី​សង្គ្រាមលោកលើកទី​ពីរ​។ ជនជាតិ​ជប៉ុន​បាន​កែច្នៃ​មុខម្ហូប​ទៅតាម​ចំណង់​ចំណូលចិត្ត​ផ្ទាល់ខ្លួន​របស់​ពួកគេ រាប់បញ្ចូល​ទាំង​ការនិយម​ប្រើប្រាស់​សាច់គោ​ដែលមាន​គុណភាព​ខ្ពស់​ប៉ុណ្ណោះ​។ ជាការ​ពិតណាស់លោក Hiramatsu បាន​បញ្ជាក់​ទៀតថា ភោជនីយដ្ឋាន​របស់លោក​គឺ ផ្តល់ជូន​នូវ​បទពិសោធន៍​នៃ​ការ​ញាំ​សាច់​អាំង​បែប​សាច់​អាំង​បែប​ជប៉ុន​ជាមួយ​រសជាតិ​ដ៏​ពិសេស និង​មានតែ​មួយគត់ ដែល​ប្រជា​ជន​កម្ពុជា​មិនទាន់បាន​ស្គាល់​។​

​លោក Hiramatsu បាន​បន្តថា​« នៅពេលដែល​ក្រុមការងារ​យើង​បានមក​ទស្សនកិច្ច​កាល​ពី ៣​ឆ្នាំមុន យើង​បាន​សង្កេតឃើញថា ប្រជាជន​កម្ពុជា​មិនមាន​ទម្លាប់​ញាំ​សាច់​គោ​ដែលមាន​គុណភាព​ខ្ពស់​នោះទេ​។ ខ្ញុំ​យល់​ពី​អារម្មណ៍​មួយ​នេះ ពីព្រោះ​កាលពី​ខ្ញុំ​កំ​ពុងតែ​ពេញវ័យ សាច់គោ​គឺមាន​តម្លៃ​ថ្លៃ​ណាស់​។ មធ្យោបាយ​តែមួយគត់​ដែល​គ្រួសារ​របស់ខ្ញុំ​អាច​ទទួលទាន​សាច់គោ​ដែលមាន​គុណភាព​ខ្ពស់​បែបនេះ​គឺមាន​តែ​ទៅ​ញាំ​នៅ ភោជនីយដ្ឋានYakiniku​។ដូច​ទៅនឹង​ស្ថាបនិក​របស់​យើង ខ្ញុំ​ជឿជាក់ថា​ប្រជាជន​កម្ពជា​​ទាំងអស់​សម​នឹង​ទទួលបាន​នូវ​សាច់គោ​ដែលមាន​គុណភាព​ខ្ពស់និង​ការស្វាគមន៍​ដ៏​ក​ក់​ក្ដៅ​របស់​ជនជាតិ​ជប៉ុន ចាប់តាំងពី​ភាព​យកចិត្តទុកដាក់ភាពរ​ស់រាយ​រាក់ទាក់ និង​ភាព​ស្រស់ស្រាយ​នៃ​បុគ្គលិក​របស់​យើង​។គោលដៅ​របស់​យើង​គឺ​ផ្តល់នូវ​ការធានាទុក​ចិត្ត​ទៅ​កាន់​រាល់​អតិថិជន​ថាពួកគេ​នឹង​ចាកចេញ​ជាមួយនឹង​ស្នាមញញឹមនិងភាព​ពេញ​ចិត្ត​»​។​

​ដើម្បី​ធានាបាន​ថា​សាច់គោ​ពិត​ជាមាន​គុណភាព​ខ្ពស់ លោក Hiramatsu បាន​នាំចូល​នូវ​សាច់គោ​បន្ទះ​ដែល​ល្អ​ជាងគេ ពី​សហរដ្ឋ​អា​មេ​រិច និង​ប្រទេស​អូស្ដ្រាលី រួមជាមួយ​សាច់គោ​បន្ទះ Wagyu ពី​ប្រទេស​ជប៉ុន​ផងដែរ​។ គ្រប់​មេ​ចុងភៅ​ទាំងអស់​គឺ​ត្រូវតែ​ឆ្លងកាត់​វគ្គ​បណ្ដុះបណ្ដាល​បច្ចេកទេស​នៃ​ការ​កាត់​សាច់​ជា​បន្ទះៗ ដើម្បី​ផ្ដល់ជូន​នូវ​បន្ទះ​សាច់​ដែល​មានគុណ​ភាពល្អ និង​រសជាតិ​ឆ្ងាញ់​ជាពិសេស​។​

​ដើម្បី​ទទួលបាន​ការយល់ដឹង​ទូទៅ​ពីអ្វី​ដែល​ភោជនីយដ្ឋាន​ផ្ដល់ជូន​, លោក Hiramats លើកទឹកចិត្ត​អតិថិជន​ឱ្យ​សាក​ភ្លក់​នូវ​រសជាតិ​នៃ សាច់​អណ្ដាតគោ សាច់​ចំឡក​និង​ឆ្អឹង​ជំនី​ខ្លីៗ រួម​បន្ថែម​នូវ​ស្រា​ស៊ូ​ជូ ១​កែវ​ផងដែរ​។ នៅក្នុង​ប្រពៃណី​នៃ​ម្ហូប​ជប៉ុន សាច់​អាំង​ជាធម្មតា​គឺ​ត្រូវបាន​គេ​និយម​ញាំ​ដោយមាន​រោយ​អំបិល និង​ក្រូចឆ្មា ឬក៏​ញាំ​ជាមួយ​ទឹក​ជ្រលក់​ពិសេស​ដែល​ធ្វើឡើង​ខុសៗ​គ្នា​ទៅតាម​រូបមន្ត​របស់​ភោជនីយដ្ឋាន Yakiniku នីមួយៗ​។ទឹកជ្រលក់​ដែល​បង្កើតឡើង​ពី​ក្រុមការងារ​នៃភោជនីយដ្ឋានBBQ Japanese Yakiniku Garden Tokyo ត្រូវបាន​កែសម្រួល​ទៅតាម​ចំណង់​ចំណូល​នៅក្នុង​ស្រុក សម្រាប់​រសជាតិ​ផ្អែម និង​ជូរ​។​


​មាន​ទីតាំងនៅ​ជាន់​ទី​៣ នៃ អគារ 313 Quayside ភោជនីយដ្ឋាន BBQ Japanese Yakiniku Garden Tokyo អាច​ឲ្យ​អតិថិជន​មើល​ទេសភាព​នៃ​មាត់ទន្លេ នាពេល​ថ្ងៃ​និង​ពេល​រាត្រី​។ ភោជនីយដ្ឋាន​អាច​ទទួលភ្ញៀវ​រហូតដល់ ១២០​នាក់ ជាមួយ​ផ្ទៃក្រឡា​ទំហំ​ប្រមាណ​ជាង​៤៥០​ម៉ែត្រការ៉េ​។ អតិថិជន​អាចធ្វើ​ការ​កក់​តុ​បាន​តាមរយៈ​ទំព័រ​ហ្វេ​ស​បុក​របស់​ភោជនីយដ្ឋាន​ផ្ទាល់ សម្រាប់ តុ​ធម្មតា​ដែល​ត្រូវបាន​រចនា​ឡើង​ដោយ​បញ្ចូល​គ្នា​រវាង​រចនាបទ​ជប៉ុន និង​អឺរ៉ុប ឬក៏​អាចធ្វើ​ការ​កក់​ដោយ​ឥតគិតថ្លៃ​លើ​បន្ទប់ វី​អាយ​ភី ៤​បន្ទប់ និង​បន្ទប់​ផ្ទាល់ខ្លួន ៣​បន្ទប់ ដែល​ផ្ដល់ជូន​នូវ​ភាព​ឯកជន និង​ទស្សនីយភាព​ដ៏​អស្ចារ្យ​នៃ​ដង​វិថី​នៅ​ខាងក្រោម​។​

​លើសពីនេះ លោក Hiramatsu ជឿជាក់ថា​ភោជនីយដ្ឋាន​របស់គាត់​ជា​ភោជនីយដ្ឋាន​ដំបូង​នៅក្នុង​ទីក្រុង​ភ្នំពេញ ដែល​ប្រើប្រាស់​នូវ​ប្រព័ន្ធ​ហ្គាស​សម័យថ្មី និង​ប្រព័ន្ធ​ធ្យូង​អាំង​ដែល​ភាព​ច្នៃប្រឌិត ដែល​អនុញ្ញាត​ឲ្យ​អតិថិជន​អាច​កំណត់​កម្រិត​កម្ដៅ​ដោយ​ការ​គ្រប់​គ្រង់​លំហូរ​នៃ​ខ្យល់​។ ប្រព័ន្ធ​នេះ​គឺ​បាន​រចនា​ឡើង​ជាមួយ​បំពង់ខ្យល់​ដែល​ស្រូប​ផ្សែង នៅ​ខាងក្រោម​កម្រាល​ឥដ្ឋ ដែល​អនុញ្ញាត​ឲ្យ​អតិថិជន​រីករាយ​ជាមួយ​សាច់​អាំង​បែប​ជប៉ុន ដោយ​ពុំមាន​ក្លិន​ជាប់​ខ្លូន​ទៀត​នោះឡើយ​។​

​នាពេល​បច្ចុប្បន្ននេះ ភោជនីយដ្ឋាន​នេះបើក​ដំណើរការ ពី​ម៉ោង៥:០០ ល្ងាច ដល់​ម៉ោង​ ១១:៣០ នាទី​យប់​។ នាពេលខាងមុខ​លោក Hiramatsu​ក៏មាន​គម្រោង​ក្នុង​ការ​បើក​ដំណើរការ​នាពេល​ថ្ងៃត្រង់​ដើម្បី​បម្រើ​ដល់ពេល​សម្រាក​រប​ស់បុ​គ្គ​លិ​ក​ការិយា​ល័យ​សម្រាប់​អាហារ​ពេល​ថ្ងៃត្រង់​។​គាត់​ក៏​ចង់​ចាប់ផ្ដើម​ប្រើប្រាស់​សាច់គោ​ដែល​គុណភាព​ខ្ពស់​ពី​កសិករ​នៅក្នុង​ស្រុក ខណៈពេលដែល​កំពុង​ពង្រីក​មុខម្ហូប​បន្ថែម ដើម្បីឱ្យ​មាន​ការ​រួម​បញ្ចូល​បន្លែ​ទៅតាម​រដូវ​កាល​បន្ថែមទៀត​ផងដែរ រួមផ្សំ​ជាមួយនឹង​ការ​អាំង​សាច់​គោ​បែប​នៅផ្ទះ (Home Style Beef) ស៊ុប​ដំឡូង (Potato Stew) និង សាច់មាន់​បំពង (Deep-Fried Chicken) ដែល​សុទ្ធសឹង​ជា​ចំណូលចិត្ត​របស់​ប្រជាជន​ជប៉ុន ។ យោងតាម​ប្រសាសន៍​លោក Hiramatsu ខណៈពេលដែល​ភោជនីយដ្ឋាន BBQ Japanese Yakiniku Garden Tokyo ជា​ភោជនីយដ្ឋាន​សាច់​អាំង​ដំបូង​គេ ចក្ខុវិស័យ​របស់​យើង​គឺ​តែងតែ​ផ្ដល់ជូន​ដល់​ប្រជាជន​កម្ពុជា​នូវ​បទពិសោធន៍​ដ៏​សំបូរបែបនៃ​អាហា​រ​ជប៉ុន​ពិតៗ​និង​មាន​គុណភាព​ខ្ពស់​៕ph

 

ទីតាំងផ្សាយពាណិជ្ជកម្ម

- Advertisment -

Most Popular