Home ព័ត៌មានជាតិ សន្តិសុខ ​សមត្ថកិច្ច រ...

​សមត្ថកិច្ច រកឃើញ​រថយន្ត របស់​ខ្មាន់កាំភ្លើង ដែល​បាញ់សម្លាប់ មន្ត្រីប៉ូលិស​ព្រហ្មទណ្ឌ​ភ្នំពេញ​

​ដោយៈ ស​រិ​ទ្ធ / ភ្នំពេញៈ សមត្ថកិច្ច បាន​តាម​ប្រមាញ់ រកឃើញ​រថយន្ត​មួយគ្រឿង នៅ​ចំណុច​ផ្លូវ​លេខ ៤២ (​ខាងកើត​ភ្នំ​រាប​) ក្នុងភូមិ​ស្វាយ​ឧ​ត្ត​ម សង្កាត់​ពញា​ពន់ ខណ្ឌ​ព្រែក​ព្នៅ កាលពី​ព្រឹក ថ្ងៃទី​៣០ ខែធ្នូ ឆ្នាំ​២០២០ នេះ ដែល​គេ​អះអាងថា ជា​រថយន្ត​របស់​ខ្មាន់កាំភ្លើង បាញ់សម្លាប់​លោក នាយរង​ការិយាល័យ ព្រហ្មទណ្ឌកំ​រិត​ស្រាល នៃ​ស្នងការដ្ឋាន​នគរបាល រាជធានី​ភ្នំពេញ និង​ជា​ថៅកែ​ហាង​លក់​បាយ ក៏ប៉ុន្តែ​រថយន្ត​នោះ បាន​ត្រូវគេ​ដោះ​ផ្លាកលេខ​ចេញ ។ ទោះជា​យ៉ាងណាក៏ដោយ ស្លាកស្នាម​នៃ​ការខូចខាត ដោយ​ការប៉ះទង្គិច​គ្នា ក្នុង​គ្រោះថ្នាក់​ចរាចរណ៍ បាន​បន្សល់​ជាការ​ដាក់បន្ទុក សម្រាប់​សមត្ថកិច្ច ដកហូត និង​ស្រាវជ្រាវ​បន្ត​។​

​សមត្ថកិច្ច បានបញ្ជាក់​ថាៈ រថយន្ត​នេះ ត្រូវបាន​គេ​ដោះ​ផ្លាកលេខ​ចេញ ដោយ​ចត​អែប​កៀន​ផ្ទះ​តែម្តង​។ សមត្ថកិច្ច ក៏​កំពុង​សង្ស័យថា មាន​ជាប់​ពាក់ព័ន្ធ ជាមួយ​ម្ចាស់ផ្ទះ ក្នុងភូមិ​ស្វាយ​ឧ​ត្ត​ម នេះ​ផងដែរ ។​

​ម្ចាស់ផ្ទះ​នេះ អះអាង​ប្រាប់​សមត្ថកិច្ច​ថាៈ កាលពី​ម៉ោង​ប្រហែល ២ រំលងអធ្រាត្រ ឈានចូល​ថ្ងៃទី​៣០ ខែធ្នូ ឆ្នាំ​២០២០ គាត់​បាន​ធុំក្លិន​ឈ្ងៀម នៅ​ជិត​ផ្ទះ ហើយ​គាត់ បាន​ចេញមក​មើល ក៏​ឃើញ​បុរស​ម្នាក់ បាន​ឡើង​ជិះ​ម៉ូតូ ចេញទៅ​បាត់ ដោយ​ទុក​រថយន្ត ចត​ចោល​នៅ​នៅទីនេះ​។​

​ទោះបីជា​យ៉ាងណា សមត្ថកិច្ច បាន​ឃាត់ខ្លួន​ម្ចាស់ផ្ទះ​នេះ នាំយកទៅ​សាកសួរ នៅ​ប៉ុស្តិ៍នគរបាល​រដ្ឋ​បាលព​ញាព​ន់​។​

​បើតាម​របាយការណ៍​ផ្លូវការ ចុះ​ថ្ងៃទី​៣០ ខែធ្នូ ឆ្នាំ​២០២០ របស់លោក​វរសេនីយ៍ត្រី ជ្រេ​ង ធី នាយ​ប៉ុ​ស្ត៍​នគរបាល រដ្ឋបាល​កា​កាប​ទី​២ នៃ​អធិការដ្ឋាន​នគរបាល ខណ្ឌ​ពោធិ៍​សែន​ជ័យ បាន​រាយការណ៍​ជូន ថ្នាក់លើ​របស់ខ្លួន ស្តីពី​ករណី​ឃាតកម្ម​បាញ់សម្លាប់ បណ្តាលមកពី គ្រោះថ្នាក់​ចរាចរណ៍ ( រវាង​រថយន្ត ជនសង្ស័យ ម៉ាក Lexus RX300 និង​រថយន្ត​ជនរងគ្រោះ ម៉ាក Ford Raptor F150 ) កាលពី​វេលា​រំលងអធ្រាត្រ ឈានចូល​ថ្ងៃទី​៣០ ខែធ្នូ ឆ្នាំ​២០២០ នៅ​ចំណុច​មុខ ផ្ទះសំណាក់ សាំង​ហ័​រ​ទៀន លើផ្លូវ​សហព័ន្ធរុស្ស៊ី ស្ថិត​ក្នុងភូមិ​ក្បាលដំរី​២ សង្កាត់​កា​កាប​ទី​២ ខណ្ឌ​ពោធិ៍​សែន​ជ័យ បានឱ្យដឹងថា នៅ​ថ្ងៃទី​២៩ ខែធ្នូ ឆ្នាំ​២០២០ វេលា​ម៉ោង ២២ និង ៥៦​នាទី ជនរងគ្រោះ ឈ្មោះ រ៉េត ស៊ី​ណែ​ត ហៅ ញ៉​ក់ អាយុ ៣៩ ឆ្នាំ មុខរបរ នគរបាល​ការិយាល័យ ព្រហ្មទណ្ឌ​កម្រិត​ស្រាល ឋានៈ​នាយរង​ការិយាល័យ ឋានន្តរសក្តិ វរៈសេនីយ៍ទោ ទីលំនៅ​បច្ចុប្បន្ន ផ្ទះ​លេខ ១៦៩ ផ្លូវ​លេខ ១៦៩ ភូមិ​៤ សង្កាត់​វាលវង់ ខណ្ឌ​៧​មករា​ និង​ឈ្មោះ វ៉ាន់ ភី​លីន ភេទ​ប្រុស អាយុ​២៩​ឆ្នាំ បាន​ចេញពី​ហាង ហូប​ស៊ុប នៅ​ម្តុំ​វត្តភ្នំ ហើយ​ជនរងគ្រោះ ក៏បាន​បើករថយន្ត​ម៉ាក Ford Raptor F150 ពណ៌​ស ផលិត​ឆ្នាំ ២០២០ ពាក់​ផ្លាកលេខ ភ្នំពេញ 2BD 3738 ដោយ​ឈ្មោះ វ៉ាន់ គឺ​លីន រួម​ដំណើរ​ជាមួយ តាម​បណ្តោយ​ផ្លូវ សហព័ន្ធរុស្ស៊ី ពី​ទិសខាងកើត មក​ខាងលិច ពេលមកដល់ ចំណុចកើតហេតុ ខាងលើ ក៏មាន​រថយន្ត​ម៉ាក Lexus RX300 ពណ៌​ខ្មៅ ពាក់​ផ្លាកលេខ សៀមរាប 2A 4546. ជិះ​នៅក្នុង​រថយន្ត មាន​ចំនួន ៥ នាក់ (​ប្រុស ២​នាក់ ស្រី ២ នាក់ និង​ក្មេង​តូច​ម្នាក់​) បានមក​បុក​ពីក្រោយ រថយន្ត Ford Raptor F150 បណ្តាលអោយ​ខូចខាត ។ ចំណែក​រថយន្ត​ម៉ាក Lexus RX300 ខូចខាត​ខាងស្ដាំ ផ្នែក​ខាងមុខ ។ ពេលនោះ ជនរងគ្រោះ បើករថយន្ត​បាំង ពី​ខាងមុខ​រថយន្ត Lexus RX300 រួច​ដក​អាវុធខ្លី ម៉ាក Glock 19 , AALU204 ភ្ជង់​ទៅលើ​រថយន្ត Lexus RX300 ក្នុង​គោលបំណង មិនអោយ​បើក​គេចខ្លួន ។ បន្ទាប់មក ជនបង្ក​ទាំងពីរ​នាក់ ក៏បាន​ចុះមក​ចរចា ជាមួយ​ជនរងគ្រោះ ដោយ​ព្រមព្រៀង យក​រថយន្ត Ford Raptor F150 ទៅ​ជួសជុល នៅ​ម្តុំ​ក្រោយ​មន្ទីរពេទ្យ​លោកសង្ឃ ហើយក៏​បាន​បើករថយន្ត មក​អែប​ខាង​ទាំងអស់គ្នា ។ ពេលនោះ មនុស្ស​ស្រី ២ នាក់ និង​កូនក្មេង​តូច​ម្នាក់ ( ខាង​ភាគី​រថយន្ត Lexus RX300 ) បាន​ជិះ PassApp ( ម៉ូតូ​កង់​បី ) ចេញពី​កន្លែងកើតហេតុ ទៅមុន​។ ចំណែក​ជនរងគ្រោះ និង​ឈ្មោះ ង៉ាន់ ភី​លីន អង្គុយ​មើល​រថយន្ត Ford Raptor F150 ដែល​ខូចខាត ក៏​ស្រាប់តែ​ជនល្មើស ពីរ​នាក់ ដែលជា​ជនបង្ក គ្រោះថ្នាក់​ចរាចរណ៍ បាន​ដក​អាវុធខ្លី មិន​ស្គាល់​ម៉ាក ពណ៌​ទឹកប្រាក់ បាញ់​សំដៅ​ជនរងគ្រោះ ពីក្រោយ ចំនួន ៤ គ្រាប់ បណ្តាលអោយ​ស្លាប់ នៅ​កន្លែងកើតហេតុ ។ ចំណែក​ជនល្មើស ទាំងពីរ​នាក់ បាន​បើករថយន្ត Lexus RX300 ឆ្ពោះទៅ​ទិស​ខាងលិច តាមផ្លូវ​សហព័ន្ធរុស្ស៊ី គេចខ្លួន ហើយ​ឈ្មោះ ង៉ាន់ ភី​លីន បាន​ស្ទុះ​មក​មើល ជនរងគ្រោះ ហើយ​ដក​អាវុធខ្លី របស់​ជនរងគ្រោះ ពី​ក្នុង​ហោប៉ៅ ខាងស្តាំ​បាញ់ ចំនួន ៣ គ្រាប់​ឡើងទៅ​លើ​៕/V

សមត្ថកិច្ច ​រកឃើញ​រថយន្ត របស់​ខ្មាន់កាំភ្លើង ដែល​បាញ់សម្លាប់ មន្ត្រីប៉ូលិស​ព្រហ្មទណ្ឌ​ភ្នំពេញ​

សមត្ថកិច្ច ​រកឃើញ​រថយន្ត របស់​ខ្មាន់កាំភ្លើង ដែល​បាញ់សម្លាប់ មន្ត្រីប៉ូលិស​ព្រហ្មទណ្ឌ​ភ្នំពេញ​

សមត្ថកិច្ច ​រកឃើញ​រថយន្ត របស់​ខ្មាន់កាំភ្លើង ដែល​បាញ់សម្លាប់ មន្ត្រីប៉ូលិស​ព្រហ្មទណ្ឌ​ភ្នំពេញ​

សមត្ថកិច្ច ​រកឃើញ​រថយន្ត របស់​ខ្មាន់កាំភ្លើង ដែល​បាញ់សម្លាប់ មន្ត្រីប៉ូលិស​ព្រហ្មទណ្ឌ​ភ្នំពេញ​

ទីតាំងផ្សាយពាណិជ្ជកម្ម

- Advertisment -

Most Popular