Home ព័ត៌មានសំខាន់ៗ សាវតា​នៃ​វិស័...

សាវតា​នៃ​វិស័យ​ប្រេង​នៅ​កម្ពុជា

ដោយៈ ជា​សីហៈ​/​ភ្នំពេញៈ តំណក់​ប្រេងកាត​ដំបូង​របស់​កម្ពុជា​បានទទួល​ជា​លើកដំបូង កាលពី​ថ្ងៃទី ២៩ ខែ ធ្នូ ឆ្នាំ​២០២០ ក្រោយ​ពេលដែល​វិស័យនេះ​ត្រូវបាន​រលត់​ទាំងស្រុងកាលពី​ឆ្នាំ​១៩៧០ ។​

​សម្តេច​តេ​ជោ ហ៊ុន សែន នាយករដ្ឋមន្ត្រី​​កម្ពុជា បានប្រកាស​អំពី សមិទ្ធផល​ថ្មី​នេះ តាម​បណ្តាញ​សង្គម និង​តាម​ការប្រកាស​ផ្សាយ​ផ្ទាល់​តាម​ទូរទស្សន៍ ជាតិ​កាលពី​ម្សិលមិញ ។ ទាក់ទង​នឹង​កំណប់​រ៉ែ​ខ្មៅ​នេះ​កម្ពុជា​ធ្លាប់មាន​រោងចក្រចម្រាញ់ ប្រេងកាត​មួយ ប៉ុន្តែ​វា​បាន​បំផ្លាញ​នៅ​ឆ្នាំ​១៩៧០ ។ បណ្តាញ​សង្គម​មួយ​ដែល​ត្រូវបាន​គេ​មាន​ប្រភព​ស្និទ្ធ​នឹង​ព្រះបរមរាជវាំង​បាន​ចែករំលែក​ថា រោងចក្រ​ខ្មែរ​ចម្រាញ់ ប្រេងកាត​មួយ​ត្រូវបាន​អភិវឌ្ឍន៍ឡើង​ក្រោម​ព្រះរាជ​កិច្ចដឹកនាំ នៃ​ព្រះករុណា​ព្រះបាទ សម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា​ឯករាជ្យ បូរណភាព​ដែនដី និង​ឯកភាព​ជាតិខ្មែរ ព្រះ​បរម​រតន​កោដ្ឋ ជាទីគោរព​សក្ការៈ​ដ៏​ខ្ពង់ខ្ពស់​បំផុត ។​

​រោងចក្រ​នេះ​បានធ្វើ​ឲ្យ​កម្ពុជា​មានការ​រីកចម្រើន​លើ​គ្រប់​វិស័យ​និង​ក្លាយជា​រដ្ឋ​ដ៏​ជឿនលឿនមួយ​នៅក្នុង​តំបន់ ព្រមទាំង​ទទួលបាន​ការកោតសរសើ​រលើ​ឆាក​អន្តរជាតិ​ក្រោម​ចលនា សង្គមរាស្ត្រនិយម ដែលមាន​ព្រះ​អង្គជា​ព្រះមហា​អគ្គ​មគ្គុទ្ទេសក៍​ដ៏​ឆ្នើម ។​

​នៅ​ថ្ងៃទី​០១ ខែមករា ឆ្នាំ​១៩៦៩ ក្រោម​កិច្ចសហប្រតិបត្តិការ​ក​ម្ពុ​ជា​–​បារាំង​ព្រះរាជាណាចក្រ កម្ពុជា​បានចាប់ផ្តើម​ដំណើរការ​រោងចក្រ​ខ្មែរ​ចម្រាញ់​ប្រេងកាត​របស់ខ្លួន​ក្នុង​ទឹកដី​នៃ​ខេត្តព្រះសីហនុ ដែលមាន​ដើមទុន​វិនិយោគ​ចំនួន ២២០​លាន​រៀល ក្នុងនោះ​រដ្ឋ​កាន់កាប់ភាគហ៊ុន​ចំនួន ៦៥​ភាគរយ និង​ក្រុមហ៊ុន​បារាំង​អែល​ហ្វ៍ អ៊ុយ​ញូ កាន់កាប់​ភាគហ៊ុន​ចំនួន ៣៥​ភាគរយ​ ហើយ​ដែល​រោងចក្រ​ចម្រាញ់​ប្រេងកាត​នេះ​មាន​សមត្ថភាព​ចម្រាញ់ និង​លក់​ផលិតផល​ដំបូង​បាន ៦០០.០០០​តោន នៃ​ប្រេងកាត​ឆៅ​សមត្ថភាព​ទទួល​កប៉ាល់ ដឹក​ប្រេងកាត​ទម្ងន់ ៤៥.០០០​តោន​បាន និង​ចម្រាញ់​ប្រេងកាត​ឆៅ ៥០០​ពាន់​តោន​ក្នុង មួយឆ្នាំ តម្លៃ​រោងចក្រ​បាន​កើនឡើង​ដល់ ៤០០​លាន​រៀល និង​វិនិយោគទុន​សរុប​មានតម្លៃ ៨០០​លាន​រៀល ។

​ប្រភព​ដដែល​បាន​បន្តថា នៅ​សម័យ​នោះ​សម្តេចព្រះ​ប្រមុខរដ្ឋ នរោត្តម សីហនុ​បាន​ស្តេច យាង​ជា​ព្រះរាជាធិបតីភាព​ដ៏​ខ្ពង់ខ្ពស់​បំផុត ក្នុង​ព្រះ​រាជពិធី​សម្ពោធ​ឲ្យ​ដំណើរការ​ជា​ផ្លូវការ នៃ​រោងចក្រ​ខ្មែរ​ចម្រាញ់​ប្រេងកាត ក្នុង​ក្រុងព្រះសីហនុ នា​ថ្ងៃទី​១៩ ខែ​វិ​ចិ្ឆ​កា ឆ្នាំ​១៩៦៩ នៅ​ចំពោះមុខ​លោក​រដ្ឋមន្ត្រី​ប្រតិភូ​បារាំង ទទួលបន្ទុក​ផ្នែក​ផែន​ការណ៍ និង​ការរៀបចំ​ដែនដី និង​លោកជំទាវ អង់​ដ្រេ​បេ​ត​តង់​កួរ​។ ក្រោយមក​រោងចក្រ​នេះ​បាន​ទទួលរង​ការបំផ្លាញ ក្រោយ​រដ្ឋប្រហារ​ឆ្នាំ​១៩៧០​។ នេះ​គឺជា​សាវតា​នៃ​វិស័យ​ប្រេង​នៅ​កម្ពុជា ប៉ុន្តែ​ប្រភព​ដដែល មិនបាន​លើកឡើង​អំពី​កំណប់​ប្រេងកាត​នៅ​កម្ពុជា​ទេ ។

ប៉ុន្តែសម័យតេជោសែនកម្ពុជា​អាច​ទាញ​តំណក់ប្រេង​បានជាលើកដំបូង។នេះជាមហាសមិទ្ធផលជាប្រវត្តិសាស្រ្តបន្ទាប់ពីកកម្ពុជាទទួលបានសន្តិភាពពេញលេញេរយៈពេល២២ឆ្នាំ៕​/PC/

ទីតាំងផ្សាយពាណិជ្ជកម្ម

- Advertisment -

Most Popular