Home ព័ត៌មានជាតិ សន្តិសុខ រថយន្ត​ដឹក​ថ្...

រថយន្ត​ដឹក​ថ្ម បុក​ជាមួយ​រថយន្តក្រុង ស្លាប់​បី​នាក់ របួសធ្ងន់ បី​នាក់​

ដោយៈ សុខ សុ​ភ័​ណ្ឌ / កំពង់ស្ពឺៈ នារីពីរ​នាក់ និងបុរសម្នាក់ បាន​ស្លាប់​នៅក្នុង​រថយន្តក្រុង​ដឹក​អ្នកដំណើរ និង​បុរស បីនាក់​ បាន​រងរបួស​ធ្ងន់ ដោយសារ​រថយន្ត​ដឹក​ថ្ម បុក​រថយន្តក្រុង ដឹក​អ្នកដំណើរ នៅតាម​បណ្តោយ​ផ្លូវជាតិ​លេខ​៤ ត្រង់​ចន្លោះ​គីឡូម៉ែត្រ​លេខ ១០៥​និង​១០៦ ស្ថិតក្នុង​ភូមិ​ទី​៦ ឃុំ​ត្រែងត្រយឹង ស្រុក​ភ្នំស្រួច ខេត្តកំពង់ស្ពឺ កាលពី​វេលា​ម៉ោងជាង ១ រសៀល ថ្ងៃទី​៣០ ខែធ្នូ ឆ្នាំ​២០២០ ។​

​សមត្ថកិច្ច​មូលដ្ឋាន បានផ្ដល់​ព័ត៌មាន​ឱ្យដឹងថាៈ រថយន្ត​ម៉ាក ហ្វ៊ុ​យ​ហ្សូ (FUSO) ពណ៌​ខៀវ ពាក់​ផ្លាកលេខ ខេមរភូមិន្ទ ០១ 3-2869 សណ្ដោង​សឺ​មី​រ៉ឺម៉ក ពណ៌​លឿង ក្រហម ពាក់​ស្លាក​លេខ ខេមរភូមិន្ទ ០១ 4A-2869 អ្នកបើកបរ​ឈ្មោះ ចាន់ ទី ភេទ​ប្រុស អាយុ​ ២០ ឆ្នាំ រស់នៅ​ភូមិ​សាមគ្គី ឃុំ​ត្បែង​ត្រ​យឹ​ង ស្រុក​ភ្នំស្រួច ខេត្តកំពង់ស្ពឺ បាន​បើក​ពី​ទិស​ខាងលិច ទៅខាង​កើត លុះដល់​ចំណុច​ខាងលើ បាន​រេ​ចង្កូត​ទៅ​កៀរ រថយន្ត​ម៉ាក KIA ពណ៌​លឿង ពាក់​ផ្លាកលេខ សៀមរាប 3A-1240 (​ប្រភេទ​រថយន្តក្រុង​ដឹក​អ្នកដំណើរ​) អ្នកបើកបរ​ពុំទាន់ ស្គាល់ឈ្មោះ និង​អាស័យដ្ឋាន (​បាន​ចុះ​រត់​គេចខ្លួនបាត់​) ដែល​កំពុង​បើកបរ បញ្ច្រាសទិស​គ្នា បណ្តាល​ឲ្យ​​នារី ពីរ​នាក់ៈ ១.​ឈ្មោះ ផេ​ន ណា​រ៉ា អាយុ​២២​ឆ្នាំ រស់នៅ​ភូមិ​ស្រែ​ប្រាំ ឃុំ​ត្រពាំង​ស្រុក ស្រុក​ត្បូងឃ្មុំ ខេត្ត​ត្បូងឃ្មុំ , ២.​ឈ្មោះ ជា ស្រស់ អាយុ​២៦​ឆ្នាំ រស់នៅ​ភូមិ​សែន​អភិវឌ្ឃន៍​១ ឃុំ​ទី​ពីរ ស្រុក​សន្ទុក ខេត្តកំពង់ធំ​ និង​៣. ឈ្មោះ ហេង វណ្ណៈ ភេទ​ប្រុស អាយុ ៤៥ ឆ្នាំ រស់នៅ​ភូមិ​ទី​១ សង្កាត់​ដងទង់ ក្រុង​ខេមរភូមិន្ទ ខេត្តកោះកុង ។ ទាំង បីនាក់ ដែលជា​អ្នកដំណើរ បាន​ស្លាប់​ភ្លាមៗ នៅ​កន្លែងកើតហេតុ ក្នុង​រថយន្តក្រុង​ដឹក​អ្នកដំណើរ​។​ ចំណែក​បុរស​បីនាក់ ​បានរងរបួស​ធ្ងន់ (ក្នុងនោះ​មួយ​នាក់ ជា​អ្នកបើកបរ រថយន្ត FUSO និងពីរនាក់​ទៀត ជា​អ្នករួម ដំណើរ​ក្នុង​រថយន្តក្រុង មិនទាន់​ស្គាល់ឈ្មោះ និង​អាស័យដ្ឋាន​) ។

​ប្រភព បាន​បន្តថា អ្នករងរបួស​ធ្ងន់ ទាំងបី​នាក់ បាន​បញ្ជូនទៅ​សង្គ្រោះ នៅឯ​មន្ទីរពេទ្យបង្អែក ខេត្តកំពង់ស្ពឺ​។​ ​ឯសព​ជនបាន​ប្រគល់ជូន​ក្រុមគ្រួសារ​។ វត្ថុតាង រថយន្ត​ទាំងពីរ​គ្រឿង ត្រូវបាន​ស្ទួ​ច និង​អូស​យកមក​រក្សាទុក នៅ​អធិការដ្ឋាន រង់ចាំ​ដោះស្រាយ នៅពេល​ក្រោយ​ ៕/V​-PC

ទីតាំងផ្សាយពាណិជ្ជកម្ម

- Advertisment -



Most Popular