Home ព័ត៌មានសំខាន់ៗ សម្តេច​ប្រធាន...

សម្តេច​ប្រធានរដ្ឋសភាៈ តំណក់​ប្រេង​លើកដំបូង នឹង​ក្លាយជា​ប្រភព​ថ្មី​មួយទៀត ជំរុញ​ខឿន​សេដ្ឋកិច្ចជាតិ លើកកម្ពស់​ជីវភាព​ប្រជាពលរដ្ឋ ឱ្យ​កាន់តែ​រីកចម្រើន​

​ដោយៈ សុផល / ភ្នំពេញៈ សម្តេច​អគ្គ​មហា​ពញា​ចក្រី ហេង សំរិន ប្រធានរដ្ឋសភា បាន​សម្តែង​ការ អបអរសាទរ ដែល​កម្ពុជា បានទទួល​ដំណក់​ប្រេង លើកដំបូង និង​បានចាត់ទុក ជា​ធនធាន​មួយ ជំរុញ​ខឿន​សេដ្ឋកិច្ចជាតិ លើកកម្ពស់​ជីវភាព ប្រជាពលរដ្ឋ ឱ្យ​កាន់តែ​រីកចម្រើន​។​

​សម្តេច​ចក្រី ហេង សំរិន បាន​ថ្លែងថាៈ ” ក្នុងនាម​ថ្នាក់ដឹកនាំ ស្ថាប័ន​នីតិប្បញ្ញត្តិ ខ្ញុំ​សូម​ចូលរួម អបអរសាទរ ជាមួយ​ប្រជាពលរដ្ឋ​កម្ពុជា ដែល​ទើប​ទទួលបាន តំណក់​ប្រេង លើកដំបូង និង​ជា​ប្រវត្តិសាស្ត្រ នៅ​ថ្ងៃទី​២៩ ខែធ្នូ ឆ្នាំ​២០២០ ។ តំណក់​ប្រេង​ដំបូង​នេះ បាន​ស្រក់​ចេញមក​បាន ដោយសារ​ឆន្ទៈ​ដ៏​មោះមុត និង​កិច្ចខិតខំ​ប្រឹងប្រែង របស់​រាជរដ្ឋាភិបាល ជាមួយ​ក្រុមហ៊ុន Kris Energy រហូត​សម្រេច​ជា​លទ្ធផល​ធំធេង ជូន​ជាតិ​មាតុភូមិ នាពេលនេះ ” ។​

​សម្តេច​ប្រធានរដ្ឋសភា បាន​ថ្លែង​ទៀតថាៈ ” ការទទួលបាន​តំណក់​ប្រេង នាពេលនេះ ជា​ព្រឹត្តិការណ៍ ប្រវត្តិសាស្ត្រ ដែល​ពលរដ្ឋ​កម្ពុជា បាន​រង់ចាំ​ជា​យូរ​ឆ្នាំ មកហើយ​។ ធនធាន​ដ៏​មានតម្លៃ របស់​ជាតិ​យើង​នេះ នឹង​ក្លាយជា​ប្រភព​ថ្មី មួយទៀត ក្នុងការ​ជំរុញ​ខឿន សេដ្ឋកិច្ចជាតិ លើកកម្ពស់​ជីវភាពរ​ស់​នៅ​របស់ ប្រជាពលរដ្ឋ ឱ្យ​កាន់តែ​រីកចម្រើន ធូរធារ​ឡើង មួយកម្រិត​ទៀត នាពេល​អនាគត “​។​

​សម្តេច​បាន​បញ្ជាក់ថាៈ ” តំណក់​ប្រេង ជា​សមិទ្ធផល​ថ្មី បានកើត​មាន នៅក្រោម​ដំបូល​សន្តិភាព និង​ការអភិវឌ្ឍ​គ្រប់​វិស័យ​។ សូម​ជនរួមជាតិ​ទាំងអស់ ចូលរួម​ថែរក្សា​សុខសន្តិភាព ដែល​កម្ពុជា ទទួល​បានមក ដោយ​លំបាក ឱ្យបាន​គង់វង្ស ដើម្បី​ប្រទេសជាតិ​យើង ទទួលបាន​ការអភិវឌ្ឍ ឥតឈប់ឈរ ជា​រៀងរហូត​ទៅ ” ៕/V​

សម្តេច​ប្រធានរដ្ឋសភាៈ តំណក់​ប្រេង​លើកដំបូង នឹង​ក្លាយជា​ប្រភព​ថ្មី​មួយទៀត ជំរុញ​ខឿន​សេដ្ឋកិច្ចជាតិ លើកកម្ពស់​ជីវភាព​ប្រជាពលរដ្ឋ ឱ្យ​កាន់តែ​រីកចម្រើន​

សម្តេច​ប្រធានរដ្ឋសភាៈ តំណក់​ប្រេង​លើកដំបូង នឹង​ក្លាយជា​ប្រភព​ថ្មី​មួយទៀត ជំរុញ​ខឿន​សេដ្ឋកិច្ចជាតិ លើកកម្ពស់​ជីវភាព​ប្រជាពលរដ្ឋ ឱ្យ​កាន់តែ​រីកចម្រើន​

សម្តេច​ប្រធានរដ្ឋសភាៈ តំណក់​ប្រេង​លើកដំបូង នឹង​ក្លាយជា​ប្រភព​ថ្មី​មួយទៀត ជំរុញ​ខឿន​សេដ្ឋកិច្ចជាតិ លើកកម្ពស់​ជីវភាព​ប្រជាពលរដ្ឋ ឱ្យ​កាន់តែ​រីកចម្រើន​

ទីតាំងផ្សាយពាណិជ្ជកម្ម

- Advertisment -

Most Popular