Home ព័ត៌មានជាតិ សង្គម រដ្ឋបាលខេត្ត​...

រដ្ឋបាលខេត្ត​បន្ទាយមានជ័យ​ជម្រុញ​ប្រសិទ្ធភាព​ការទទួល​ពលករ​និង​ត្រៀម​សម្រួល​ផ្លាស់ប្តូរ​ទីតាំង​មណ្ឌល​ច​ត្តា​ឡី​ស័ក​

ដោយ​: ភ្នំ​ស្វាយ / បន្ទាយមានជ័យ​: រដ្ឋបាលខេត្ត​បន្ទាយមានជ័យ ជម្រុញ​ប្រសិទ្ធភាព​ការទទួល​ពលករ​ខ្មែរ ដែល​ត្រឡប់​ពី​ប្រទេស​ថៃ និង​ត្រៀម​សម្រួល​ផ្លាស់ប្តូរ​ទីតាំង​មណ្ឌល​ច​ត្តា​ឡី​ស័ក នៅតាម​សាលារៀន​នានា​។ ព្រោះ​ទាំងមូល ឬ​ផ្នែក​ធំ នៃ​សាលារៀន ត្រូវ​ផ្ទេរ​អោយ​ដំណើរការ​សិក្សា​របស់​សិ​ស្សានុសិស្ស​ឆ្នាំ​សិក្សា​ថ្មី​២០២០ -២០២១ នា​ថ្ងៃទី​១១​ខែមករា​ឆ្នាំ​២០២១​។​

​នេះ​បើតាម​លោក អ៊ុ រាត្រី អភិបាលខេត្ត​បន្ទាយមានជ័យ​ឲ្យ​ដឹង​នៅ​ថ្ងៃទី​៣០​ខែធ្នូ​ឆ្នាំ​២០២០ ខណៈ​ដឹកនាំ​លោក រឿង សុធី តំណាង​មន្ទីរ​សុខាភិបាល លោក​លី សុ​វណ្ណា​រឹទ្ធ អភិបាលស្រុក​អូរជ្រៅ លោក​គាត ហ៊ុល អភិបាលក្រុង​ប៉ោយប៉ែត និង​មន្ត្រី​ក្រុមការងារ​ត្រួតពិនិត្យ​ដំណើរការ​ធ្វើ​ច​ត្តា​ឡី​ស័ក ការទទួល​បញ្ជូន​ពល​ករ​ខ្មែរ​ពី​មណ្ឌល​ច​ត្តា​ឡី​ស័ក​ក​ម្រឹត​២ ទៅកាន់​ស្រុក​ក្រុង​ដែល​លំនៅឋាន​ពួកគេ​។​

​លោក អ៊ុ រាត្រី បាន​បន្តថា​៖ ចំពោះមុខ​មន្ទីរ​សុខាភិបាល នៃ​រដ្ឋបាលខេត្ត​និង​ផ្នែក​ពាក់ព័ន្ធ ក៏​ត្រៀម​កែសម្រួល ផ្លាសប្តូរ​ទីតាំង​មណ្ឌល​ច​ត្តា​ឡី​ស័ក នៅពេល​ទីតាំង​សាលារៀន​នានា ត្រូវ​បើក​ដំណើរការ​សិក្សា​ឡើងវិញ​នា​បវេសនកាល​ឆ្នាំ​សិក្សា​ថ្មិ​២០២០- ២១ នា​ថ្ងៃទី​១១​ខែមករា​ឆ្នាំ​២០២១ ខាងមុខនេះ​។​

​រដ្ឋបាលខេត្ត​បាន​ថ្លែងអំណរគុណ​ដល់​មន្ត្រី​ក្រុមការងារ​ស៊ីវិល និង​កងកម្លាំង​គ្រប់ផ្នែក ដែល​បាន​ខិតខំ​បំពេញការងារ​បន្ទាន់​នេះ ហើយ​ស្នើ​ឲ្យ​ការងារ​នេះ បាន​លទ្ធផល​ល្អ​និង​មាន​ប្រសិទ្ធភាព​។​

​សូមបញ្ជាក់ថា មាន​ពលករ​ខ្មែរ​ចន្លោះ​ពី​១៥០​ទៅ​២៥០​នាក់ បាន​វិល​វិញ ឬ​ត្រូវ​អាជ្ញាធរ​ថៃ បញ្ជូន​ពី​ថៃ​មក​តាម​ច្រកព្រំដែន​អូរ​បី​ជាន់​។ ហើយ​នៅ​ច្រក​ខ្លះទៀត ក៏មាន​លំហូរ​ពលករ​មក​ដែរ ខណៈពេល​មានការ​ផ្ទះ​ខ្លាំង​នូវ​ករណី​ឆ្លង​មេរោគ​កូ​វីដ​១៩ សហគមន៍​ក្នុងប្រទេស​ថៃ​នា​ប​ច្ច​ប្បន្ន​នេះ​។​

​ហើយ​បើ​គិតពី​ខែមេសា​ឆ្នាំ​២០២០ មក​ឬ​ជំនាញ​ហៅថា​ដើម​គ្រា និង​ប្រចាំថ្ងៃ ឬ​ហៅថា​ក្នុង​គ្រា ហើយ​សរុប​ចូលគ្នា​ឬ​ហៅថា​បូក​យោង​នោះ ឃើញថា មាន​ពលករ​ខ្មែរ​ជិត​៦​ម៉ឺន​នាក់ (៥៩២៩០​នាក់​/​ស្រី​២៨ .៣៥១​នាក់ ) បាន​ត្រូវ​បញ្ជូនមក​កម្ពុជា​វិញ ឆ្លងកាត់​ច្រកព្រំដែន​អូរ​បី​ជាន់​។ ក្នុងនោះ ពលករ​ច្រើនជាងគេ​គឺ​មកពី​ខេត្តបន្ទាយមានជ័យ បាត់ដំបង សៀមរាប​។ និង​ក្រៅពីនោះ មកពី​ខេត្ត រាជធានី​ផ្សេងទៀត​៕

ទីតាំងផ្សាយពាណិជ្ជកម្ម

- Advertisment -

Most Popular