Home ព័ត៌មានជាតិ សង្គម គ្រួសារ​សព​អត...

គ្រួសារ​សព​អតីតយុទ្ធជន ជា​និវត្តជន និង​ជនពិការ ៣០គ្រួសារ​បានទទួល​​ប្រាក់​ធានារ៉ាប់រង​សង្គម និង​ប្រាក់​បូជាសព​ជា​លើកដំបូង​

​ដោយៈ​រ៉ា​ម៉ន​/​ភ្នំពេញៈ​កាលពី​ថ្ងៃទី​៣០ ខែធ្នូ ឆ្នាំ​២០២០ នៅ​មន្ទីរ​សង្គមកិច្ច​អតីតយុទ្ធជន​និង​យុវនីតិសម្បទា រាជធានី​ភ្នំពេញ បាន​សហការ​ជាមួយ​បេឡា​ជាតិ​អតីតយុទ្ធជន​ថ្នាក់កណ្ដាល និង​សមាគម​អតីតយុទ្ធជន​កម្ពុជា​រាជធានី​ភ្នំពេញ រៀបចំ​កម្មវិធី​ប្រគល់​ប្រាក់​ធានារ៉ាប់រង​សង្គម និង​ប្រាក់​បូជាសព​មួយ​លើកដំបូង​ជូន​គ្រួសារ​សព​អតីតយុទ្ធជន ជា​និវត្តជន និង​ជនពិការ ចំនួន ៣០ គ្រួសារ ក្រោម​អធិបតីភាព​លោកស្រី មុំ ចាន់​ដា​នី ប្រធាន​មន្ទីរ ស​.​អ​.​យ រាជធានី​ភ្នំពេញ​, អនុប្រធាន​សមាគម​អតីតយុទ្ធជន​កម្ពុជា​រាជធានី​ភ្នំពេញ​។​

​ក្នុង​ពិធី​នោះ ក៏មាន​ការអញ្ជើញ​ចូលរួម ពី​តំណាង​ប​.​ជ​.​អ​, តំណាង​សមាគម​អតីត និង​ក្រុមគ្រួសារ​នៃ​យុទ្ធជន​ដែល​បានទទួល​មរណៈភាព​។​

​ក្នុងឱកាស​នោះ លោកស្រី​មុំ ចាន់​ដា​នី ប្រធាន​មន្ទីរ​សង្គមកិច្ច​អតីតយុទ្ធជន និង​យុវនីតិសម្បទា រាជធានី​ភ្នំពេញ និង​ជា​អនុប្រធាន​សមាគម​អតីតយុទ្ធជន​កម្ពុជា​រាជធានី​ភ្នំពេញ បាន​លើកឡើងថា ការផ្ដល់​ខាងលើនេះ គឺជា​ការ យកចិត្តទុកដាក់​ចំពោះ​គ្រួសារ​សព​អតីតយុទ្ធជន ជា​និវត្តជន និង​ជនពិការ ចំនួន ៣០ គ្រួសារ​ពី​រាជ រដ្ឋាភិបាល​កម្ពុជា ដែលមាន​សម្ដេច​តេ​ជោ​ហ៊ុនសែន​ជា​ប្រមុខ​៕​

ទីតាំងផ្សាយពាណិជ្ជកម្ម

- Advertisment -

Most Popular