Home ព័ត៌មានជាតិ សេដ្ឋកិច្ច ស្ថាប័ន​បច្ចេ...

ស្ថាប័ន​បច្ចេកវិទ្យា​ហិរញ្ញវត្ថុ​ពីរ សហការ​លើ​ការ ចេញ​កាត​និម្មិត និង ការទិញ​ដោយ​ប្រើប្រាស់​ប្រព័ន្ធ គ្យូ​អា កូដ​

​ដោយៈ​សុផល​/​ភ្នំពេញ​៖​ស្ថាប័ន​បច្ចេកវិទ្យា​ហិរញ្ញវត្ថុ​ចំនួន​ពីរបាន​រួមគ្នា​បង្កើត​កាត​និម្មិត​និង​ការទិញ​ដោយ​ប្រើប្រាស់​ប្រព័ន្ធ​គ្យូ​អា​កូដ​(QR Code)​។​តាមរយៈ​ការ​ស្កេ​ន​ កាត​នេះ​អាច​បង់ប្រាក់​នៅតាម​ភោជនីយដ្ឋាន ហាង​លក់​គ្រឿងទេស ផ្សារ និង ហាង​ផ្សេងៗ​ទៀត​។

UnionPay International បានប្រកាស​អំពី​ភាពជា​ដៃគូ​របស់ខ្លួន​ជាមួយ​ក្រុមហ៊ុន​បច្ចេកវិទ្យា​ហិរញ្ញ វត្ថុ Bongloy ក្នុងការ​ដាក់ឱ្យ​ប្រើ​កាត​និម្មិត​បង់ប្រាក់​ជាមុន (Virtual Prepaid Card) ជាមួយ​មុខងារ​ទូទាត់​ប្រាក់ UnionPay Quick Response (QR) និង ការទិញ​តាមរយៈ​ប្រព័ន្ធ UnionPay QR Code សំរាប់​ដៃគូ​អាជីវករ​ក្នុងស្រុក​។ អ្នកប្រើប្រាស់​អាច​ស្នើសុំ​នូវ​កាត Bongloy UnionPay Virtual Card ហាង​លក់​គ្រឿងទេស ផ្សារ និង ហាង​ផ្សេងៗ​ទៀត​ដែល​ទទួលយក​សេវា​ទូទាត់​ប្រាក់​តាមរយៈ UnionPay QR Codeនៅក្នុង​ប្រទេសក៏ដូចជា​តាម​ប្រព័ន្ធ​អ៊ី​ន​ធឺ​ណេ​តនៅតាម​គេហទំព័រ​ពាណិជ្ជកម្ម ​អន​ឡាញ​ដែល​ទទួលយក​កាត UnionPay ។​

​ការចាប់​ដៃគូ​រវាង UnionPay International និង Bongloy បាន​គូសបញ្ជាក់​នូវ​ជំហាន​ថ្មី​ជាច្រើន​ផ្សេងទៀត​ដែល ​Bongloy UnionPay Virtual Card​គឺជា​កាត​បង់ប្រាក់​ជាមុន ដំបូងបង្អស់​របស់​UnionPay​នៅក្នុង​ព្រះរាជាណាចក្រ​កម្ពុជា​ហើយ​គឺជា​ការចូល​ទៅក្នុង​ទីផ្សារ​ដំបូងបង្អស់​របស់​Bongloy​ក្នុង​ការចេញ​កាត​ទូទាត់​ប្រាក់​។​ការដាក់ឱ្យ​ដំណើរការ​កាត​និម្មិត​នេះ​ក៏​គូសបញ្ជាក់​នូវ​កិច្ច​សហ​ប្រតិបត្តិការ​ដំបូងបង្អស់​របស់ Bongloy ជាមួយនឹង​ម៉ាក​យីហោ​ទូទាត់​ប្រាក់​លំដាប់​អន្តរជាតិ​ដូចជា UnionPay ។​

​រាជរដ្ឋាភិបាល​នៃ​ព្រះរាជាណាចក្រ​កម្ពុជា​គឺជា​អ្នកគាំទ្រ​ដ៏​ខ្លាំងក្លា​ក្នុងការ​ជំរុញ​ញ​សេដ្ឋកិច្ច​ឌីជីថល ដែល​ឆ្លុះបញ្ចាំង​នូវ​ការផ្តួចផ្តើម​ជាច្រើន​តាមរយៈ​ធនាគារជាតិ​នៃ​កម្ពុជា (NBC) ក្នុងការ​ទូទាត់​ប្រាក់​តាម​ប្រព័ន្ធ​ឌីជីថល ទាំង​នៅក្នុង​កម្រិត​ស្ថាប័ន និង គោលនយោបាយ​។ ទន្ទឹមនឹង​ឥទ្ធិពល​នៃ​ការរីក​រាលដាល​ជម្ងឺ​កូ​វីដ​-១៩ ការទូទាត់​ប្រាក់ និង ការទទួលយក​ប្រាក់​តា​ម​ប្រព័ន្ធ​ឌីជីថល​រវាង​អ្នក​ប្រើ​ប្រាស់ និង ដៃគូ​អាជីវករ​ត្រូវបាន​លើកទឹកចិត្ត និង មានការ​កើនឡើង​ក្នុង​រយៈកាល​ប៉ុន្មាន​ឆ្នាំ​ចុង​ក្រោយនេះ​។​

​កញ្ញា លាង ចិន្តា នាយក​គ្រប់គ្រង​ប្រចាំ​ប្រទេស​កម្ពុជា​នៃ​ក្រុមហ៊ុន ​UnionPay International Southeast Asia​បាន​មានប្រសាសន៍ថា «UnionPay បាន​ខិតខំ​ប្រឹងប្រែង បង្កើន​នូវ​ផលិតផល​និង​សេវា​ទូទាត់​ប្រាក់​ដើម្បី​បំពេញ​នូវ​តម្រូវ​ការទូទាត់​ប្រាក់​នៃ​អ្នកប្រើប្រាស់​និង​អាជីវករ​ក្នុងស្រុក​។​ដូច្នេះ​ពួកយើង​ពិតជា​មាន​សេចក្តីសោមនស្ស​រីករាយ​ដែល​អាច​ផ្តល់នូវ​កាត​Bongloy UnionPay Virtual Prepaid Card ក្នុងពេល​ដ៏​ត្រឹមត្រូវ​មួយ​ដែល​នឹង​បន្ថែម​ទៅលើ​សេវា​ទូទាត់​ប្រាក់​តាម​ប្រព័ន្ធ​ឌីជីថល​របស់​យើង​។​តាមរយៈ ប្រតិបត្តិការ​ដោយ​មិនចាំបាច់​ប្រើប្រាស់​សាច់ប្រាក់ ការទូទាត់​ប្រាក់​តាម​ប្រព័ន្ធ​ឌីជីថល និង ពាណិជ្ជកម្ម​អន​ឡាញ​កំពុង​តែមាន​សារសំខាន់​នៅក្នុង​ព្រះរាជាណាចក្រ​កម្ពុជា យើង​សង្ឃឹមថា​តាមរយៈ​ការចាប់​ដៃគូ​ជាមួយ Bongloy នឹង​នាំមក​នូវ​បទពិសោធន៍​នៃ​ភាពងាយស្រួល​ដំណើរការ​ប្រកបដោយ​ភាពរលូន​និង​សុវត្ថិភាព​ដល់​អតិថិជន​របស់ យើង​» ។​

យោងទៅតាម​ទិន្នន័យ​ដែល​បានចេញ​ផ្សាយ​ដោយ​ធនាគា​ជាតិ​នៃ​កម្ពុជា (NBC) នាពេល​ថ្មីៗ​នេះ ក្នុងចំណោម​ប្រជាពលរដ្ឋ​ខ្មែរ​ចំនួន ១៦.៥២ លាន​នាក់​នៅក្នុង​ឆ្នាំ​២០២០ មាន​អ្នកប្រើប្រាស់​ទូរ​សព្ទ​រហូត​ដល់ ២១.២៤ លាន​នាក់ (​ស្មើនឹង​១២៨%) និង អ្នកប្រើប្រាស់​អ៊ី​ន​ធឺ​ណេ​ត​និង​អ្នកប្រើប្រាស់​សកម្ម​នៃ​បណ្តាញ​សង្គម​រហូតដល់ ៩.៧ លាន​នាក់ តំណាងឱ្យ ៥៨% នៃ​ការ​ជ្រៀតចូល​ទីផ្សារ​អ៊ី​ន​ធឺ​ណេ​ត​ក្នុងចំណោម​ប្រជាពលរដ្ឋ​សរុប​។ចំនួន​នេះ​មានការ​កើនឡើង ១៥% បើ​ប្រៀបធៀប​ជាមួយ​នឹង​តួលេខ​ឆ្នាំ​២០១៩ ហើយ​ត្រូវបាន​រំពឹងថា​នឹង​កើនឡើង​បន្ថែម​នៅ​ប៉ុន្មាន​ឆ្នាំ​ខាងមុខ​ទៀតដែល​ប្រទេស​កម្ពុជា​ត្រូវ​បានផ្តល់​ចំណាត់ថ្នាក់​ទី ១៧ នៅក្នុង​ពិភពលោក​ទាក់ទង​ទៅនឹង​ការកើនឡើង​នេះ​។​នេះ​សបញ្ជាក់​ឱ្យឃើញ​នូវ​សក្តានុពល​ដ៏​ខ្លាំងក្លា​សម្រាប់​ប្រទេសជាតិ​ដើម្បី​ព​ន្លឿ​ន​ក្នុងការ​អនុម័ត​និង​ប្រើ​ប្រាស់​ការទូទាត់​តាមរយៈ​ប្រព័ន្ធ​ឌីជីថល​ក៏ដូចជា​ការបង្កើត​នូវ​គ្រឹះ​ដ៏​រឹងមាំ​ដើម្បី​បណ្តុះ​នូវ​ដំណោះ​ស្រាយ​ប្រកបដោយ​ភាព​ច្នៃប្រឌិត​ក្នុងការ​ចូលរួម​ដោះស្រាយ​នូវ​បញ្ហា​ទាល់ច្រក​នៅក្នុង​ឧស្សាហកម្ម​។​

​លោក ប៉ែន ចិន្តា នាយក​ប្រតិបត្តិ​និង​ជា​សហ​ស្ថាបនិក​ក្រុមហ៊ុន Bongloy បាន​មានប្រសាសន៍ថា​«​ចក្ខុវិស័យ​របស់​Bongloy​គឺ​ស្របទៅនឹង​គំនិត​ផ្តួចផ្តើម​របស់​ធនាគា​ជាតិ​នៃកម្ពុជា​(NBC)​ក្នុង​ការ​ពង្រឹ​ង​​​សេដ្ឋកិច្ច​ឌីជីថល​។​Bongloy​និង​UnionPay​បាន​កំពុង​សហការគ្នា​ក្នុងការ​កសាង​នូវ​ហេដ្ឋារចនាសម្ព័ន្ធ​និង​ប្រព័ន្ធ​អេកូឡូស៊ី​ឌីជីថល​ដែល​អនុញ្ញាតឱ្យ​មានការ​បង្កើត និង ដាក់ឱ្យ​ប្រើប្រាស់​នូវ​ផលិតផល​និង​សេវា​ហិរញ្ញវត្ថុ​ថ្មីៗ​នៅក្នុង​ទីផ្សារ​។ ការដាក់ឱ្យ​ប្រើប្រាស់​ជា​ផ្លូវការ​នូវ Bongloy UnionPay Virtual Card ជាមួយនឹង​ការទូទាត់​តាមរយៈ​ប្រព័ន្ធ UnionPay QR Code និង ការដាក់​ឱ្យប្រើ UnionPay QR Code ដល់​ដៃគូ​អាជីវករ​ក្នុងស្រុក​ទាំង​តាម​ទម្រង់ static និង ទម្រង់ dynamic គឺជា​ជំហាន​ឆ្ពោះ​ទៅមុខ​នៃ​ប្រព័ន្ធ​អេកូឡូស៊ី​ដែល​ធ្វើការ​ទូទាត់​ដោយ​មិនចាំបាច់​ប្រើប្រាស់​សាច់ប្រាក់ បន្ថែម​ពីលើ​គំនិត​ផ្តួចផ្តើម​ពីមុន​នៃ​ពាណិជ្ជកម្ម​អន​ឡាញ និង ការទូទាត់​ប្រាក់​តាមបែប contactless សម្រាប់ UnionPay » ។​

UnionPay International​គឺជា​ស្ថាប័ន​សាខា​អន្តរជាតិ​នៃ​UnionPay​ដែល​ផ្តោតទៅលើ​ការរីកចម្រើន​និង​ការគាំទ្រ​ដល់​អាជីវកម្ម​សកល​របស់​UnionPay​។​ក្រោម​កិច្ចសហការ ជាមួយនឹង ២,៤០០ ស្ថាប័ន​ទូទាំង​ពិភពលោក UnionPay International បាន​ដាក់ឱ្យ​ដំណើរការ​ក្នុងការ​ទទួលស្គាល់​កាត​របស់​ខ្លួន​នៅក្នុង ១៧៩ ប្រទេស​និង​តំបន់ និង​បានចេញ​កាត​របស់ខ្លួន​ចំនួន​រហូតដល់​៦៣​ប្រទេស​និង​តំបន់​។​UnionPayInternational​ផ្តល់នូវ​សេវាកម្ម​ទូទាត់​ប្រាក់​ឆ្លង​ប្រទេស​ដែលមាន​គុណភាព​សន្សំសំចៃ​និង​សុវត្ថិភាព​ខ្ពស់​ទៅកាន់​អ្នកប្រើប្រាស់​កាត​នៅ​ទូទាំង​ពិភពលោក​និង​ធានា​ឱ្យ​សេវាកម្ម​ក្នុងស្រុក​មាន​ភាពងាយស្រួល​ដើម្បី​ឆ្លើយតប​ទៅនឹង​ការកើនឡើង​នៃ​ចំនួន​អ្នកប្រើប្រាស់​កាត UnionPay និង ដៃគូ​អាជីវកម្ម​នានា​របស់ខ្លួន​។

Bongloy​ ជា​ក្រុមហ៊ុន​បច្ចេកវិទ្យា​ហិរញ្ញវត្ថុ​មាន​មូលដ្ឋាន​នៅ​តំបន់​អាស៊ីអាគ្នេយ៍​ដែល​ផ្តោត​ទៅ​លើ​ការបើក​API​ក្នុង​ការចេញ​កាត​និង​ហេដ្ឋារចនាសម្ព័ន្ធ​ទូទាត់​ប្រាក់​តាម​ប្រព័ន្ធ​ឌីជីថល​។API platf​o​r​m ដែលមាន​សុវត្ថិភាព មាន​ភាពបត់បែន និង អាច​គ្រប់គ្រង​បាន បាន​អនុញ្ញាតឱ្យ​អាជីវកម្ម​ក្នុង​ការទិញ​និង​ចេញ​នូវ​កាត​ជាច្រើន​៕Ph

ទីតាំងផ្សាយពាណិជ្ជកម្ម

- Advertisment -

Most Popular