ការផលិត​ភាពយន្ត​ហូលីវូដ​ត្រូវ​បិទ​ម្តងទៀត ខណៈ​ករណី​កូ​វីដនៅ​ឡូ​ស​អ៊ែន​ជេ​ឡេស​បន្ត​កើនឡើង​

ប្រែ​សម្រួល : កញ្ញា​ដា​លី​ស ៖ សហជីព​សម្ដែង​របស់​ឧស្សាហកម្ម​ភាពយន្ត​បានប្រកាសថា ការផលិត​ភាពយន្តរ​បស់​ហូលីវូដ​ភាគច្រើន​បាន​បិទ​ជា​ថ្មី​ម្តង​ទៀត​រហូតដល់​យ៉ាងហោចណាស់​ពាក់កណ្តាល​ខែ​មករា ខណៈ​ដែល​ករណី​កូវី​ដ​១៩ កើនឡើង​ដល់​កម្រិត​កំណត់ត្រា​នៅ​ទីក្រុង​ឡូ​ស​អ៊ែន​ជេ​ឡេស​។​

​សហជីព SAG-AFTRA បាន​និយាយ​ក្នុង​សេចក្តីថ្លែងការណ៍​កាលពី​យប់​ថ្ងៃ​អង្គារ​ថា ការ​ផលិតកម្ម​ភាពយន្ត​ភាគច្រើន​នឹង​នៅតែ​ស្ថិតក្នុង​សភាព​ស្ងប់ស្ងាត់​រហូតដល់​សប្តាហ៍​ទី ២ ឬ​ទី ៣ នៃ​ខែ​មករា​។​

​សារ​នេះ​កើត​ឡើង​បន្ទាប់ពី​មន្ត្រី​សុខាភិបាល​ប្រចាំ​ទីក្រុង​ឡូ​ស​អ៊ែន​ជេ​ឡេស​កាល​ថ្ងៃ​បុណ្យ​ណូអែល​បាន​ជំរុញ​ឱ្យ​ផលិតករ​ភាពយន្ត​”​ពិចារណា​ផ្អាក​ការងារ​រយៈពេល​ពីរ​បី​សប្តាហ៍​ក្នុងអំឡុងពេល​នៃ​ការ​កើន​​ឡើង​ករណី​កូវី​ដ​ដ៏​មហន្តរាយ​នេះ​”​។​

​ទីក្រុង​ឡូ​ស​អ៊ែន​ជេ​ឡេស​បានក្លាយ​ចេញ​ចំណុច​ផ្ទុះ​ជំងឺ​រាតត្បាត​ថ្មី​បំផុត​នៅ​សហរដ្ឋ​អាម៉េរិក ដោយ​ចំនួន​មនុស្ស​ចូល​ព្យាបាល​កូ​វីដនៅ​មន្ទីរពេទ្យបាន​កើន​ដល់​ចំនួន ៧០០០​នាក់​ជា​លើកដំបូង​កាល​​ពី​ថ្ងៃ​ចន្ទ​។​

​ទីក្រុង ដែល​មាន​មនុស្ស ១០ លាន​នាក់​នេះ មាន​អ្នក​ឆ្លងកូវី​ដ​ចំនួន ៧៥០.០០០ នាក់​រួម​ទាំង​អ្នកស្លាប់​ជិត ១០.០០០ នាក់​៕

​មន្ត្រី​សុខាភិបាល​ក្រុង​ឡូ​ស​អ៊ែន​ជេ​ឡេស​ជំរុញ​ឱ្យ​ហូលីវូដ​ផ្អាក​ការផលិត​កុន​សិន ព្រោះ​ករណី​កូ​វីដ​កំពុង​កើនឡើង​

ទីតាំងផ្សាយពាណិជ្ជកម្ម

- Advertisment -



Most Popular