Home ព័ត៌មានអន្តរជាតិ អាម៉េរិក​បង្ហ...

អាម៉េរិក​បង្ហាញ​វត្តមាន​យន្តហោះ​គ្រាប់បែក​លើ​ឈូង​សមុទ្រ​ពែ​ក្ស​ដើម្បី​ក្រើនរំលឹក​អ៊ីរ៉ង់​កុំ​ឱ្យ​ធ្វើ​អ្វី​ផ្តេសផ្តាស​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ សហរដ្ឋ​អាម៉េរិក​បាន​បញ្ជូន​យន្តហោះ​ទម្លាក់​គ្រាប់បែក​យុទ្ធសាស្ត្រ​ទៅលើ​ឈូង​សមុទ្រ​ពែ​ក្ស​កាលពី​ថ្ងៃ​ពុធ និង​ជា​លើក​ទី ២ ក្នុង​ខែ​នេះ​ដែល​អាម៉េរិក​បង្ហាញ​​កម្លាំង​ដើម្បី​រារាំង​អ៊ីរ៉ង់​ពី​ការវាយប្រហារ​គោលដៅរ​បស់​អាម៉េរិក​ឬ​សម្ព័ន្ធមិត្ត​នៅ​មជ្ឈិម​បូព៌ា​។​

​មន្ត្រី​យោធា​ជាន់ខ្ពស់​អាម៉េរិក​ម្នាក់​បាន​និយាយថា ការហោះហើរ​ដោយ​យន្តហោះ​ទម្លាក់​គ្រាប់បែក B-52 ចំនួន​ពីរ​គ្រឿង​គឺ​ដើម្បី​ឆ្លើយតប​ទៅនឹង​សញ្ញាណ​ដែលថា​អ៊ីរ៉ង់​អាច​នឹង​មាន​គម្រោង​វាយ​​ប្រហារ​ប្រឆាំងនឹង​គោលដៅ​សម្ព័ន្ធមិត្ត​របស់​អាម៉េរិក​នៅក្នុង​ប្រទេស​អ៊ីរ៉ាក់​ឬ​កន្លែង​ផ្សេង​ទៀត​នៅក្នុង​តំបន់​ក្នុង​ប៉ុន្មាន​ថ្ងៃ​ខាងមុខ​។​

​បេសកកម្ម​របស់​យន្ត​ហោះ​ទម្លាក់​គ្រាប់បែក B-52 ដែល​ហោះ​ក្នុង​ដំណើរ​វិល​ជុំ​ពី​មូលដ្ឋាន​ទ័ពអាកាស​នៅ​ដា​កូតា​ខាងជើង​ឆ្លុះបញ្ចាំង​ពី​ការព្រួយបារម្ភ​កាន់តែខ្លាំង​ឡើង​នៅ​ទីក្រុង​វ៉ាស៊ីនតោន​ក្នុង​​សប្តាហ៍​ចុងក្រោយ​នៃ​រដ្ឋបាល​ប្រធានាធិបតី​ដូណាល់​ត្រាំ ថា​អ៊ីរ៉ង់​នឹង​បញ្ជា​ឱ្យ​មាន​ការ​សងសឹក​ផ្នែក​យោធា​បន្ថែម​ទៀត​សម្រាប់​ការ​ដែល​អាម៉េរិក​សម្លាប់​មេបញ្ជាការ​យោធា​កំពូល​អ៊ីរ៉ង់​ឧត្តមសេនីយ៍ កាស​សេម សូ​ឡេ​ម៉ានី កាលពី​ថ្ងៃទី ៣ ខែ​មករា ឆ្នាំ​២០២០​។

​ការឆ្លើយតប​ដំបូង​របស់​អ៊ីរ៉ង់​នៅ ៥ ថ្ងៃ​បន្ទាប់ពី​ការវាយប្រហារ​ដោយ​យន្តហោះ​ដ្រូ​ន​របស់​អាម៉េរិក គឺ ការវាយប្រហារ​ដោយ​មី​ស៊ី​ល​ឆ្លង​ទ្វីប​ទៅលើ​មូលដ្ឋាន​យោធា​មួយ​នៅ​អ៊ីរ៉ាក់​ដែល​បណ្តាល​ឱ្យ​មាន​ការ​ប៉ះ​​ទង្គិច​ខួរក្បាល​ដល់​កងទ័ព​អាម៉េរិក​ប្រមាណ ១០០ នាក់​។​

​ទោះយ៉ាងណា អ៊ីរ៉ង់​បានបង្ហាញ​ការប្រយ័ត្នប្រយែង​ចំពោះ​ចេតនា​របស់​លោក​ត្រាំ​នៅក្នុង​សប្តាហ៍​ចុងក្រោយ​របស់​លោក​នៅក្នុង​មុខតំណែង​ដោយ​ហេតុ​ថា​គាត់​បានដាក់​ការ​ផ្តោតអារម្មណ៍​លើ​ការដាក់​សម្ពាធ​​លើ​រដ្ឋាភិបាល​ក្រុងតេអេ​រ៉ង់​ជាមួយនឹង​ទណ្ឌកម្ម​និ​ង​ចំណាត់ការ​ផ្សេងទៀត ដែល​បាន​ធ្វើឱ្យ​ខូចខាត​ដល់​សេដ្ឋកិច្ច​របស់​សាធារណរដ្ឋ​អ៊ីស្លាម​យ៉ាងធ្ងន់ធ្ងរ​។​

​រដ្ឋមន្ត្រី​ក្រសួង​ការបរទេស​អ៊ីរ៉ង់​លោក​ចា​វ៉ាដ ហ្សារី​ហ្វ​បានសរសេរនៅ​លើ​បណ្តាញ​សង្គម Twitter កាលពី​ថ្ងៃទី​២៤​ធ្នូ​ថា “​លោក​ត្រាំ​នឹង​ទទួលខុសត្រូវ​ទាំងស្រុង​ចំពោះ​ការប្រថុយប្រថាណ​ណា​មួ​ក្នុងពេល​​ដែល​គាត់​ត្រៀម​ចុះចេញ​ពី​តំណែង​”៕

យន្តហោះ​ទម្លាក់​គ្រាប់បែក B-52

ទីតាំងផ្សាយពាណិជ្ជកម្ម

- Advertisment -

Most Popular