អ្នកក្រុង​កំពត ត្រៀម​ជួបជុំ សម្រាប់​ឆ្លង​ឆ្នាំ​សកល ទោះ​រដ្ឋបាលខេត្ត ណែនាំ​ពី​ការ​រាតត្បាត ជំងឺ​កូ​វីដ​១៩​ក្តី​

ដោយៈ បូកគោ / កំ​ពតៈ ទោះបី​រដ្ឋបាលខេត្ត បាន​ក្រើនរំលឹក​ថ្នាក់​នាំ មន្ទីរ​អង្គភាព​អាជ្ញាធរ ក្រុង ស្រុក ឱ្យ​បង្កើន​ការណែនាំ មន្ត្រីរាជការ និង​ប្រជាពលរដ្ឋ បញ្ចៀស​ពី​ការជួបជុំ ទ្រង់ទ្រាយ​ធំក្តី តែ​ការត្រៀម​លក្ខណៈ របស់​អ្នកក្រុង​កំពត នៅ​បរិវេណ​សួនច្បារ ឆ្នេរ​ព្រែក កំពង់បាយ សម្រាប់​ការរាប់​វិនាទី ថយក្រោយ នៃ​ឆ្នាំ​ចាស់ ហាក់​មាន​ភាពប្រក្រតី​។​

​លោក វ៉ិ​ត វ​ឌ្ឍ​នា នាយក​រដ្ឋបាល​សាលាខេត្ត​កំពត បានបញ្ជាក់​ថាៈ ថ្ងៃ​ឆ្លង​ឆ្នាំ​សកល​ឆ្នាំនេះ រដ្ឋបាលខេត្ត មិនមាន​កម្មវិធី បង្កើត​ភាពសប្បាយ​រីករាយ ជូន​មន្ត្រីរាជការ​កងកម្លាំង​ប្រដាប់ អាវុធ និង​ប្រជាពលរដ្ឋ នៅ​បរិវេណ​សួនច្បារ ឆ្នេរ​ព្រែក​កំពង់បាយ និង​ទីសាធារណៈ​នានា ក្នុង​ក្រុង​កំពត ដូច​ឆ្នាំមុន​ទេ​។ កិច្ចប្រជុំ​មួយ ដែល​បាន​ធ្វើឡើង នាពេល​ថ្មីៗ​នេះ លោក​អភិបាលខេត្ត បាន​រំលឹក​ថ្នាក់​នាំ​មន្ទីរ​អង្គភាព អាជ្ញាធរ​ក្រុង​ស្រុក​បង្កើន​ការណែនាំ មន្ត្រីរាជការ និង​ប្រជាពលរដ្ឋ បញ្ចៀស​ពី​ការជួបជុំ​ទ្រង់ទ្រាយ​ធំ ឱ្យបាន​ដាច់ខាត​។ និយាយ​រួម គឺ​មិន​អនុញ្ញាតឱ្យ​មានការ​ប្រមូល​ផ្តុំ ដើម្បី​ធ្វើ​ពិធី​រាប់​វិនាទី ថយក្រោយ ( Count Down ) នោះឡើយ​។​

​លោកនាយក​រដ្ឋបាល បាន​បន្តថាៈ ប្រសិនបើ​មាន​ប្រជាពលរដ្ឋ មកជួបជុំ​ជា​លក្ខណៈ​គ្រួសារ នៅតាម​សួនច្បារ ឬ​ទីសាធារណៈ​នានា​នោះ មន្ត្រី​ក្នុង​ដែន​សមត្ថកិច្ច ត្រូវ​ចុះ​ណែនាំ​បងប្អូន អនុវត្ត​ឱ្យបាន​នូវ ចំណាត់ការ ដែល​បាន​ដាក់ចេញ ដោយ​រាជរដ្ឋាភិបាល ក៏ដូចជា​វិធានការ របស់ ក្រសួងសុខាភិបាល ដូចជា ការលាង​សម្អាត​ដៃ ពាក់​ម៉ាស់​ការពារ និង​រក្សា​គម្លាត បុគ្គល ជាដើម​។​

​ទោះជា​បែប​នោះ​ក្តី គេ​សង្កេតឃើញថា ចាប់តាំងពី​ព្រឹក​ព្រលឹម ថ្ងៃទី​៣១ ខែធ្នូ​នេះ សកម្មភាព នៃ​ការ​ក្រាលកន្ទេល ឬ​កំណាត់​តង់ នៅ​បរិវេណ​សួនច្បារ ឆ្នេរ​ព្រែក​កំពង់បាយ សម្រាប់​ការជួបជុំ បានធ្វើ​ឡើង ជា​ប្រក្រតី ដូច​បណ្តា​ឆ្នាំមុនៗ ដដែល​។ ដោយឡែក នៅតាម​ដងផ្លូវ ដែល​ធ្លាប់​កកស្ទះ ពេល​ពិធី​បុណ្យទាន​ផ្សេងៗ​ក៏មាន​ការបង្កើន​កម្លាំង សមត្ថកិច្ច និង​រៀបចំ​កំណត់​ផ្លូវ សម្រាប់​យានយន្ត ដើម្បី​សម្រួលការ​ធ្វើចរាចរ​ផងដែរ​។​

​សូម​រំលឹកថា រយៈពេល​មួយថ្ងៃ ដោយ​គិត​ចាប់ពី​ព្រឹក​ព្រលឹម រហូតដល់​រំលងអធ្រាត្រ ថ្ងៃទី​៣១ ខែធ្នូ ឆ្នាំ​២០១៩ ភ្ញៀវទេសចរ​ជិត​ឆ្ងាយ បានមក​កម្សាន្ត​សប្បាយ នៅ​ខេត្តកំពត ពិសេស​រមណីយដ្ឋាន​បូកគោ និង​ក្នុង​ក្រុង​កំពត មាន​ប្រមាណ​ជិត ១៣ ម៉ឺន​នាក់​៕/V​-PC

អ្នកក្រុង​កំពត ត្រៀម​ជួបជុំ សម្រាប់​ឆ្លង​ឆ្នាំ​សកល ទោះ​រដ្ឋបាលខេត្ត ណែនាំ​ពី​ការ​រាតត្បាត ជំងឺ​កូ​វីដ​១៩​ក្តី​

អ្នកក្រុង​កំពត ត្រៀម​ជួបជុំ សម្រាប់​ឆ្លង​ឆ្នាំ​សកល ទោះ​រដ្ឋបាលខេត្ត ណែនាំ​ពី​ការ​រាតត្បាត ជំងឺ​កូ​វីដ​១៩​ក្តី​

អ្នកក្រុង​កំពត ត្រៀម​ជួបជុំ សម្រាប់​ឆ្លង​ឆ្នាំ​សកល ទោះ​រដ្ឋបាលខេត្ត ណែនាំ​ពី​ការ​រាតត្បាត ជំងឺ​កូ​វីដ​១៩​ក្តី​

អ្នកក្រុង​កំពត ត្រៀម​ជួបជុំ សម្រាប់​ឆ្លង​ឆ្នាំ​សកល ទោះ​រដ្ឋបាលខេត្ត ណែនាំ​ពី​ការ​រាតត្បាត ជំងឺ​កូ​វីដ​១៩​ក្តី​

អ្នកក្រុង​កំពត ត្រៀម​ជួបជុំ សម្រាប់​ឆ្លង​ឆ្នាំ​សកល ទោះ​រដ្ឋបាលខេត្ត ណែនាំ​ពី​ការ​រាតត្បាត ជំងឺ​កូ​វីដ​១៩​ក្តី​

អ្នកក្រុង​កំពត ត្រៀម​ជួបជុំ សម្រាប់​ឆ្លង​ឆ្នាំ​សកល ទោះ​រដ្ឋបាលខេត្ត ណែនាំ​ពី​ការ​រាតត្បាត ជំងឺ​កូ​វីដ​១៩​ក្តី​

អ្នកក្រុង​កំពត ប្រារព្ធពិធី​ឆ្លង​ឆ្នាំ​សកល ឆ្នាំ២០១៩-២០២០ (រូបថតៈ ឯកសារ)

អ្នកក្រុង​កំពត ប្រារព្ធពិធី​ឆ្លង​ឆ្នាំ​សកល ឆ្នាំ២០១៩-២០២០ (រូបថតៈ ឯកសារ)

អ្នកក្រុង​កំពត ប្រារព្ធពិធី​ឆ្លង​ឆ្នាំ​សកល ឆ្នាំ២០១៩-២០២០ (រូបថតៈ ឯកសារ)

ទីតាំងផ្សាយពាណិជ្ជកម្ម

- Advertisment -

Most Popular