ក្លឹប​ហាត់ប្រាណ និង​លេង​កីឡា ត្រូវបាន​ក្រសួង​អនុញ្ញាតិ​ឲ្យ​ដំណើរការ​ឡើងវិញ

ដោយ​៖​ដេប៉ូ​/​ភ្នំពេញ៖ ក្រសួង​អប់រំ យុវជន និង កីឡា បានចេញ​សេចក្ដីជូនដំណឹង​មួយ ស្ដីពី ការអនុញ្ញាតឱ្យ​បើក​ដំណើរការ​ឡើងវិញ នូវ​អាជីវកម្ម ក្លឹប​ហាត់ប្រាណ និង​លេង កីឡា ដើម្បី​សុខភាព ការប្រកួត​លី​គ និង​ការប្រមូលផ្ដុំ របស់​ក្រុម​ជម្រើសជាតិ​។​

​យោងតាម​សេចក្តីជូនដំណឹង​របស់​ក្រសួង​អប់រំ​យុវជន​និង​កីឡា​នៅ​ថ្ងៃទី​៣១​ខែធ្នូ ឆ្នាំ ២០២០​នេះ​ដោយបាន​បញ្ជាក់ថា​ក្រោយ​ព្រឹត្តិការណ៍​សហគមន៍ ២៨ ខែវិច្ឆិកា​ត្រូវបាន​បញ្ចប់ ក្រសួង​អនុញ្ញាត​ឲ្យ​បើក​ដំណើរការ​ឡើងវិញ នូវ​អាជីវកម្ម ក្លឹប​ហាត់ប្រាណ​និង​លេង​កីឡា ដើម្បី​សុខភាព ការប្រកួត​លី​គ និង​ការ​ប្រមូលរបស់​ក្រុម​ជម្រើសជាតិ​ជា​ជំហានៗ​ដើម្បី​លើក កម្ពស់​សុខភាព និង​ការហាត់​ហ្វឹកហ្វឺន ពង្រឹង​បច្ចេកទេស និង​គុណ​ផល​របស់​កីឡាករ កីឡាការិនី​សម្រាប់​ត្រៀមលក្ខណៈ​ឆ្ពោះទៅ​ការប្រកួត​កីឡា​ស៊ី​ហ្គេម​លើក​ទី​៣១ ឆ្នាំ​២០២១ នៅ​ប្រទេស​វៀតណាម និង​ការប្រកួត​កីឡា​ស៊ី​ហ្គេម​លើក​ទី​៣២ ឆ្នាំ​២០២៣​នៅ​ប្រទេស កម្ពុជា ដោយ​ត្រូវគោរព​តាម​វិធាន​សុ​វត្តិភាព សុខភាព របស់​ក្រសួងសុខាភិបាល ឱ្យបាន​ត្រឹមត្រូវ និង​ម៉ឺងម៉ាត់ ដូចខាងក្រោម​៖
១) ត្រូវ​អនាម័យ​ជាប្រចាំ ដោយ​លាង​សំអាត​ដៃ​នឹង​សាប៊ូ ទឹក​អាល់កុល ដែល​សម្លាប់ មេរោគ​ពាក់​ម៉ាស និង​វាស់​កម្តៅ​
២) រក្សា​គម្លាត​សុវត្ថិភាព​បុគ្គល ១.៥​ម៉ែត្រ​
៣) ទីកន្លែង​ហ្វឹកហាត់ ហាត់ប្រាណ និង​កន្លែង​លេង​កីឡា​ត្រូវ​បាញ់ថ្នាំ​សម្លាប់​មេរោគ និង​ធ្វើ​អនាម័យ​ជាប្រចាំ​
៤) ទីកន្លែង​ហ្វឹកហាត់ ហាត់ប្រាណ និង​កន្លែង​លេង​កីឡា ត្រូវ​ណែនាំ​ឲ្យ​អ្នក​ចូល​ហាត់ប្រាណ និង​លេង​កីឡា ចុះឈ្មោះ ផ្តល់​លេខ​ទូរស័ព្ទ និង​អាសយដ្ឋាន​ច្បាស់លាស់​សម្រាប់ ទំនាក់ទំនង​
៥) ត្រូវ​ធានាថា​កន្លែង​ហ្វឹកហាត់ ហាត់ប្រាណ និង​លេង​កីឡា មិនមែនជា​កន្លែង​ឆ្លង​កូ​វីដ​១៩​។​

​ក្រសួង​អប់រំ សង្ឃឹម និង​ជឿជាក់ថា លោក លោកស្រី​ប្រធាន​សហព័ន្ធ​កីឡា​ជាតិ អាជីវកម្ម​ក្លឹប​ហាត់ប្រាណ និង​អង្គភាព​ពាក់ព័ន្ធ​ទាំងអស់​នឹងចូលរួម​សហកា​រ​អនុវត្ត​នូវ វិធានការ​ការពារ​រ​បស់​ក្រសួងសុខាភិបាល ប្រកបដោយ​ការទទួលខុសត្រូវ​ខ្ពស់​៕​/PC/សរន

ទីតាំងផ្សាយពាណិជ្ជកម្ម

- Advertisment -

Most Popular