Home ព័ត៌មានជាតិ សន្តិសុខ ទើប​ចេញពី​គុក...

ទើប​ចេញពី​គុក ចេញ​ឆក់​ទូរ​សព្ទ​ដៃ ចូល​គុក​ម្តងទៀត​

ដោយៈ​ចាន់តូ​/​ភ្នំពេញៈបុរស​ម្នាក់​ទើបតែ​ចេញពី​គុក​មិន​រាងចាល​បានធ្វើ​សកម្មភាព​ឆក់​ទូរស័ព្ទដៃ​ពី​ស្ត្រី​ម្នាក់​ហើយ​ត្រូវបាន​កម្លាំង​នគរបាល​ប៉ុស្តិ៍​ទឹកល្អក់​ទី​1​ដេញ​ឃាត់ខ្លួន​បាន​បន្ទាប់ពី​ធ្វើ​សកម្មភាព​ឆក់​បានសម្រេច​ហើយ​ព្យាយាម​ជិះ​ម៉ូតូ​គេចខ្លួន​។ ហេតុការណ៍​នេះ​ កើតឡើងនៅ​ព្រឹក ថ្ងៃទី​៣១ ខែធ្នូ ឆ្នាំ​២០២០ នៅ​ចំណុច​ផ្លូវ​កម្ពុជា​ក្រោម​កែង​ផ្លូវ​លេខ​២៦៥​កែង សង្កាត់​ទឹកល្អក់​ទី​១ ខណ្ឌទួលគោក ។

​ជនសង្ស័យ​ឆក់ ឈ្មោះ យាន វណ្ណៈ ភេទ​ប្រុស អាយុ​៣៨​ឆ្នាំ ជនជាតិខ្មែរ មុខរបរ កម្ម​ករលក់​​គ្រឿង​ឡាន សង្កាត់​​​​ផ្សារ​ដេប៉ូ​ទី​១ ខណ្ឌទួលគោក​។ ចំណែក​ម្ចាស់​ទូរស័ព្ទ​ឈ្មោះ ជិន ស៊ីណា ភេទ​ស្រី អា​យុ​២៤​ឆ្នាំ ជនជាតិ​ខ្មែរ មុខរបរ បុគ្គលិក​ផ្នែក​លក់​ស្តង់​លក់​បន្លែ ស្នាក់នៅ​ភូមិ​ត្រពាំង​ថ្លឹង សង្កាត់​ចោមចៅ​២ ខណ្ឌ​ពោធិ៍​សែន​ជ័យ​។​

​មន្ត្រីនគរបាល​បាន​ឲ្យ​ដឹងថា ជនសង្ស័យ​មាន​គ្នា​តែម្នាក់ឯង​ជិះ​ម៉ូតូ​ម៉ាក ហុងដា ស្កុប​ពី ពណ៌​ស ពាក់​ស្លាក​លេខ ភ្នំពេញ 1HN-6314 មួយគ្រឿង​បានធ្វើ​សកម្មភាព​ឆក់​ទូរ​សព្ទ​ដៃ​ម៉ាក OPPO ០១​គ្រឿង​ពី ស្ត្រី​ម្នាក់​ដែល​កំពុង​ជិះ​ម៉ូតូ​នៅតាម​ដងផ្លូវ​។ នៅក្នុង​សកម្មភាព​ជនសង្ស័យ​ឆក់​ទូរស័ព្ទ​ដែល​ទុក​នៅ​ឃ្លុប​ម៉ូតូ​បានសម្រេច​រួច​ព្យាយាម​ជិះ​ម៉ូតូ​គេចខ្លួន​ហើយ​ត្រូវបាន​កម្លាំង​នគរបាល​ជិះ​ល្បាត​នៅតាម​ដងផ្លូវ​បាន​ជួយ​អន្តរាគមន៍​ឃាត់ខ្លួន​ជនសង្ស័យ​នៅ​ចំណុច​កែង​ផ្លូវ​លេខ​២៦៥ ចំងាយ​ប្រមាណ​ជាង​១០០​ម៉ែត្រ​ពី​កន្លែង​ឆក់​ព្រមទាំង​ដក​បាន​ទូរស័ព្ទរ​នោះ​វិញ​។

​តាម​ស្ត្រី​ជា​ម្ចាស់​ទូរស័ព្ទ​បាន​ឲ្យ​ដឹងថា នៅ​មុនពេល​កើតហេតុ ខ្លួន​បាន​ជិះ​ម៉ូតូ​ចេញពីផ្ទះ​ទៅ​សន្ធរម៉ុក​។ ពេលធ្វើ​ដំណើរ​មកដល់​ក្រោម​ស្ពាន​អាកាស 7​មករា ស្រាប់តែ​ជនសង្ស័យ បានធ្វើ​សកម្មភាព​ឆក់​ទូរស័ព្ទ​បានសម្រេច​។ ភ្លាមនោះ​ខ្លួន​បាន​ជិះ​ម៉ូតូ​ដេញតាម និង​ស្រែក​ចោរៗ ហើយ​ត្រូវបាន​កម្លាំង​នគរបាល​ឃាត់ខ្លួន​បានតែ​ម្ដង​។​

​នៅ​ចំពោះមុខ​ជនសង្ស័យ​បាន​សារភាព​អោយដឹងថា ខ្លួន​ធ្លាប់​ជាប់ពន្ធនាគារ​ចំនួន​មួយឆ្នាំ​កន្លះ រឿង​គ្រឿងញៀន​ទើបតែ​ចេញ​ពន្ធនាគារ​នៅពេល​ថ្មីៗ​នេះ ដោយ​អត់លុយ​ចាយ​ក៏បាន​ធ្វើ​សកម្មភាព​ឆក់​ទូរស័ព្ទ ហើយ​ត្រូវបាន​សមត្ថកិច្ច​ឃាត់ខ្លួន​បាន​៕​

ទីតាំងផ្សាយពាណិជ្ជកម្ម

- Advertisment -



Most Popular