Home ព័ត៌មានសំខាន់ៗ ​ប្រមុខ​រាជរដ...

​ប្រមុខ​រាជរដ្ឋាភិបាល​ជូនពរ​ឆ្នាំ​ថ្មី​ដល់​ជនរួមជាតិ​ជាមួយ​ការអំពាវនាវ​ឲ្យ​ការពារ​ខ្លួន​កុំ​ឲ្យ​ឆ្លង​ជំងឺ​កូ​វីដ ១៩

ដោយៈ​តារា​រិ​ទ្ធ​/​ភ្នំពេញ​៖​សម្តេច​អគ្គមហាសេនាបតី​តេ​ជោ​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ផ្ញើ​សារ​ជូនពរ​ជាមួយ​ការអំពាវនាវ​ឲ្យ​ប្រជាពលរដ្ឋ​ការពារការឆ្លង​ជំងឺ​កូ​វីដ​១៩ ក្នុងឱកាស​បុណ្យចូលឆ្នាំ​សកល ។​

​សម្តេច​តេ​ជោ ហ៊ុន សែន បាន​សរសេរ​លើ​បណ្តាញ​សង្គម​នៅ​ថ្ងៃទី​៣១ ខែធ្នូ ឆ្នាំ​២០២០​ថា​៖«​នៅក្នុង​ឱកាស​ចូលឆ្នាំ​សកល​២០២១​នេះ​ខ្ញុំព្រះករុណា​និង​ភរិយា​សូម​ប្រគេន ពរ​ដល់​ព្រះសង្ឃ​គ្រប់​ព្រះអង្គ​និង​ជូនពរ​បងប្អូន​ជនរួមជាតិ​ទាំង​ក្នុង​និង​ក្រៅប្រទេស​ជួបតែ​សេចក្តីសុខ សេចក្តីចម្រើន សុភមង្គល​ជាមួយនឹង​ពរ ៤​ប្រការគឺ អាយុ វណ្ណៈ សុ​ខៈ ពលៈ កុំបី​ឃ្លៀងឃ្លាត​ឡើយ ។​

​ទន្ទឹមនឹង​នេះដែរ​សូម​បងប្អូន​ប្រជាពលរដ្ឋ​បន្ត​យកចិត្តទុកដាក់​ការពារ​កុំអោយ​ឆ្លង​កូ​វីដ​-១៩ ដោយ​ឧស្សាហ៍​ដុស លាង​សម្អាត​ដៃ​ជាមួយ​សាប៊ូ ជែ​ល ទឹក​អាល់កុល ពាក់​ម៉ាស និង​រក្សា​គម្លាត​សុវត្ថិភាព ជាពិសេស​ត្រូវអនុវត្ត​អោយបាន​ខ្ជាប់ខ្ជួន​ត្រឹមត្រូវ តាម​ការណែនាំ​របស់​ក្រសួងសុខាភិបាល ។ នៅក្នុង​ឱកាស​ចូលឆ្នាំ​សកល​នេះ សូម​បងប្អូន​មាន​សុខ​សុវត្ថិភាព​ក្នុងការ​ធ្វើដំណើរ​ទៅ​កម្សាន្ត​ជិត​ឆ្ងាយ​នៅ​ទូទាំងប្រទេស​» ៕​

 

ទីតាំងផ្សាយពាណិជ្ជកម្ម

- Advertisment -

Most Popular