Home ព័ត៌មានជាតិ សន្តិសុខ ​អនុវត្ត​ដីកា...

​អនុវត្ត​ដីកា​តុលាការ​នាំខ្លួន​ម្តាយ ឈានដល់​ឃាត់ខ្លួន​កូនប្រុស ពីរ​នាក់ ដែល​រារាំង​សមត្ថកិច្ច​

​ដោយៈ ស​រិ​ទ្ធ ,សុខុម/ ស្ទឹងត្រែងៈ សមត្ថកិច្ច កងរាជអាវុធហត្ថ ខេត្តស្ទឹងត្រែង ចុះ អនុវត្ត​ដីកា​របស់ តុលាការខេត្ត នាំខ្លួន​មនុស្ស​ចំនួន ៣ នាក់ ក្នុងនោះ​ស្ត្រី​ម្នាក់ ជា​ម្តាយ និង​កូនប្រុស ២ នាក់ ដែលមាន​ផ្ទុក​សារធាតុ​ញៀន កាលពី​ព្រឹក ថ្ងៃទី​៣១ ខែធ្នូ ឆ្នាំ​២០២០​។​

​សមត្ថកិច្ច បានបញ្ជាក់​ថាៈ ពេល​កម្លាំង​កងរាជអាវុធហត្ថ ចុះ​អនុវត្ត​ដីកានាំខ្លួន​របស់ តុលាការខេត្ត លើ​ស្ត្រី​ម្នាក់ មានកូន​ប្រុស ចំនួន ២ នាក់​របស់គាត់ មករា​រាំង សមត្ថកិច្ច ក្នុងការ​អនុវត្ត​ដីកា ទើប​ឈានដល់​ការឃាត់ខ្លួន​មនុស្ស ដល់​ទៅ ៣ នាក់ តែម្តង​។​

​យោងតាម​ដីកា​បង្គាប់​ឲ្យ​នាំខ្លួន របស់​អ្នកស្រី សាយ ស្រី​ល័ក្ខណ ចៅក្រម​ស៊ើបសួរ សាលាដំបូង ខេត្តស្ទឹងត្រែង លើ​ស្ត្រី​ឈ្មោះ ក្រឹម អៃ​សះ អាយុ ៤៧ ឆ្នាំ ជា​កសិករ មាន​ទីកន្លែង​កំណើត ភូមិ​ឈើទាល​ភ្លោះ ឃុំ​ព្រែក​សា​ម៉ាន់ ស្រុក​ឆ្លូង ខេត្តក្រចេះ បច្ចុប្បន្ន មាន​លំនៅ ភូមិ​-​ឃុំ​អូរឫស្សី​កណ្ដាល ស្រុក​សៀម​បូក ខេត្តស្ទឹងត្រែង​។​

​ស្ត្រី​នេះ ត្រូវបាន​ដាក់​ឲ្យ​ស្ថិតក្រោម​ការពិនិត្យ ពីបទ ធ្វើ​ឲ្យ​ខូចខាត ដោយ​ចេតនា មាន​ស្ថាន​ទម្ងន់ទោស និង​ធ្វើ​ឲ្យ​បាត់​ជំនឿ លើ​សេចក្តីសម្រេច របស់​តុលាការ ប្រព្រឹត្ត​នៅ​ភូមិ​អូរឫស្សី​កណ្ដាល ឃុំ​អូរឫស្សី​កណ្ដាល ស្រុក​សៀម​បូក ខេត្តស្ទឹងត្រែង កាលពី​ថ្ងៃទី​១៨ ខែធ្នូ ឆ្នាំ​២០១៩ ។ ពេល​សមត្ថកិច្ច ចុះ​អនុវត្ត​ដីកា ស្រាប់តែ មានកូន​ប្រុស ចំនួន ២ នាក់ មករា​រាំង​សមត្ថកិច្ច ទើប​មានការ​ឃាត់ខ្លួន ឈ្មោះ ហៀ​ត អាមីន អាយុ ៣៦ ឆ្នាំ កាន់​ប័ណ្ណ​សារព័ត៌មាន អង្គភាព រក្សា សន្តិភាព និង​ឈ្មោះ ហៀ​ត ណា​អ៊ី​ន អាយុ ៣២ ឆ្នាំ ។​​នៅ​ចំពោះមុខ​សមត្ថកិច្ច បុរស​ពីរ​នាក់​នេះ បាន​ត្រូវ​ពិនិត្យ​ទឹកនោម ឃើញថា មាន​ផ្ទុក​សារធាតុ​ញៀន​៕/V​.mara

ទីតាំងផ្សាយពាណិជ្ជកម្ម

- Advertisment -

Most Popular