Home ព័ត៌មានសំខាន់ៗ ​ប្រមុខ​រាជរដ...

​ប្រមុខ​រាជរដ្ឋាភិបាល​ចេញ​បទបញ្ជា​បន្ទាន់​ឲ្យ​កម្លាំង​នៅតាម​ព្រំដែន​គ្រប់គ្រង​ឲ្យ​បាន​ម៉ឹងម៉ាត់​ពលករ​ឆ្លងដែន​ពី​ថៃ

ដោយៈ​តារា​រិ​ទ្ធ​/​ភ្នំពេញ​៖ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានប្រកាស​ចេញ​នូវ​បទបញ្ជា​និង​វិធានការ​បន្ទាន់ដោយ​ឲ្យ កម្លាំង​ទាំងអស់​គ្រប់គ្រង​ឲ្យ​បាន​ហ្មត់ចត់​តាម​ច្រកព្រំដែន​និង​ច្រករបៀង​ដាច់ខាត​មិន​ឲ្យ​មាន​អ្នក​លួច​ឆ្លងដែន​ចូលក្នុង​ប្រទេស​ដោយ​មិនបាន​យក​សំណាក ឬ ពិនិត្យ​និង​ធ្វើ ច​ត្តា​ឡី​ស័ក​នោះឡើយ​។​

​បទបញ្ជា​ម៉ឹងម៉ាត់​នេះ​ត្រូវបាន​សម្តេច​តេ​ជោ ហ៊ុន សែន ប្រកាស​ក្នុង​សារ​ពិសេស​បន្ទាន់​នៅ​ព្រលប់ ថ្ងៃទី ៣១ ខែធ្នូ ឆ្នាំ​២០២០​បន្ទាប់ពី​សេចក្តីប្រកាស​របស់​ក្រសួង​សុខា​ភិ បាល​រកឃើញ​ពលករ​ខ្មែរ​ឆ្លង​កូ​វីដ ១៩ ចំនួន ២​នាក់​ហើយ​នៅ​ព្រឹក​ថ្ងៃទី​៣១ ខែធ្នូ​នេះហើយ​គិត​ត្រឹម​ម៉ោង ៥​ល្ងាច​មាន​អ្នក​ឆ្លង​កូ​វីដ ១៩ ចំនួន​៦​នាក់​ហើយ ។​ក្នុងនោះ​វិទ្យា ស្ថាន​ប៉ាស្ទ័រ​កម្ពុជា​ក៏បាន​បញ្ជាក់​មក​ថា​មាន​ករណី​សង្ស័យ​ជាច្រើន​ទៀត​ដែល​សរុបទៅ​អាចមាន​អ្នក​ឆ្លង​កូ​វីដ​១៩ ពី​ថៃ​កើនឡើង​ដល់​ជាង ១០​នាក់​។​

​សម្តេច​តេ​ជោ​នាយករដ្ឋមន្ត្រី ហ៊ុន សែន បានដាក់​បទបញ្ជា​ឲ្យ​កងទ័ព​បញ្ឈប់​សកម្មភាព​ដឹកជញ្ជូន​ពលករ​ដែល​ឆ្លងដែន​ពី​ថៃ​ទៅកាន់​បណ្តា​ខេត្ត​នានា​ដោយ​រៀបចំ​ពិនិត្យ​សំ ណាក​និង​ធ្វើ​ច​ត្តា​ឡី​ស័ក​នៅ​ខេត្ត​តាម​ព្រំដែន​ទាំងនោះ​ជៀសវាង​ការឆ្លង​រាលដាល​ក្នុង​សហគមន៍​នៅ​កម្ពុជា​ជាថ្មីទៀត​។​សម្តេច​តេ​ជោ​ក៏បាន​បញ្ជា​ទៅកាន់​អាជ្ញាធរ​សមត្ថកិច្ច ខេត្ត​នៅ​ខាងក្រោយ​ត្រូវ​ពិនិត្យ​ឲ្យ​បាន​ហ្មត់ចត់​លើ​ពលករ​ចំណាកស្រុក​ដែល​ទើប​មកពី​ថៃ​ដោយ​ស្ងាត់ៗ​ត្រូវ​ចុះទៅ​យក​សំណាក​និង​ណែនាំ​ឲ្យ​ធ្វើ​ច​ត្តា​ឡី​ស័ក​ត្រឹមត្រូវ​ជៀស វាង​ការ​ឆ្លងទៅ​ក្រុមគ្រួសារ​និង​សហគមន៍​។​

​សម្ដេច​តេ​ជោ ហ៊ុន សែន បាន​មានប្រសាសន៍ថា​«​ផ្នែក​ដឹកជញ្ជូន​ត្រូវ​ផ្អា​ការដឹកជញ្ជូន​បងប្អូន​ដែល​មកពី​ប្រទេស​ថៃ​ហើយ​ត្រូវ​ពង្រឹងសមត្ថភាព​នៃ​ការធ្វើ​ច​ត្តា​ឡី​ស័​ក្ដ​នៅតាម ច្រកព្រំដែន​ដែល​យើង​បានកំណត់​ទីតាំង​ហើយ​ត្រូវយក​សំណាក​នៅ​ទីនោះ​ធ្វើ​ច​ត្តា​ឡី​ស័​ក្ដ​នៅ​ទីនោះ​ក្នុង​រយៈពេល​១៤​ថ្ងៃ​»​។​

​សម្ដេច​បាន​សង្កត់ធ្ងន់​ទៀតថា​ក្រសួងសុខាភិបាល​ត្រូវ​បន្ថែម​នូវ​សម្ភារ ថវិកា ដើម្បី​ធ្វើ​ច​ត្តា​ឡី​ស័​ក្ដ និង ការយក​សំណាក​ដើម្បី​ធ្វើតេស្ដ​ដោយ​បន្ថែម​ក្រុមគ្រូពេទ្យ​ទៅកាន់​ទី នោះ​ប្រសិនបើ​មានការ​ចាំបាច់ ។ ដូច្នេះ​អ្វីដែល​សម្ដេច​ចង់​បញ្ជាក់​នៅទីនេះ​គឺ​ខេត្ត​នៅតាម​បណ្ដា​ព្រំដែន​ក៏ដូចជា​កម្លាំង​ព្រំដែន​ទាំងអស់​យកចិត្តទុកដាក់​គ្រប់គ្រង​ឲ្យ​ហ្មត់ ចត់​ជាមួយ​ពលករ​ពល​ការិនី​រប​ស់​យើង​ដែល​ធ្វើដំណើរ​ពី​ប្រទេស​ថៃ​មក​កម្ពុជា​វិញ​។​

​សម្ដេច​តេ​ជោ ហ៊ុន សែន បាន​បង្ហើប​ឲ្យ​ដឹងថា​តាម​ការប៉ាន់ស្មាន់​ចំនួន​អ្នក​ឆ្លង​ជំងឺ​កូ​វីដ​-១៩ ដែល​មកពី​ប្រទេស​ថៃ​អាច​នឹង​កើន​ឡើងជា​បន្ដបន្ទាប់​ខ​ណៈ​មន្ទីរពេទ្យ​ខេត្ត​បាត់ ដំបង​នឹងត្រូវ​រ៉ាប់រង​នូវ​ការព្យាបាល​អ្នក​ឆ្លង​ទាំងអស់នោះ ៕

ទីតាំងផ្សាយពាណិជ្ជកម្ម

- Advertisment -



Most Popular