Home ព័ត៌មានជាតិ សន្តិសុខ ​ផ្ទុះអាវុធ​ក...

​ផ្ទុះអាវុធ​ក្នុង​ភោជនីយដ្ឋាន «​ហេង ហេង​» នៅ​ក្រុង​តាខ្មៅ

ដោយៈ ស​រិ​ទ្ធ / កណ្តាលៈ កាលពី​វេលា​ម៉ោង ១១ យប់ ថ្ងៃទី​៣១ ខែធ្នូ ឆ្នាំ​២០២០ មាន​ករណី​ផ្ទុះអាវុធ ជាច្រើន​គ្រាប់ ក្នុង​ភោជនីយដ្ឋាន «​ហេង ហេង​» ក្រោយ​ប្តី​ប្រពន្ធ​មួយគូ បាន​ផ្ទុះ​ជម្លោះ​នឹង​គ្នា ។ ភោជនីយដ្ឋាន «​ហេង ហេង​» មាន​ទីតាំង​ស្ថិតនៅតាម បណ្តោយ​ផ្លូវ ២១A សង្កាត់​តាខ្មៅ ក្រុង​តាខ្មៅ ។​

​តាម​ប្រភពព័ត៌មាន​ច្បាស់​ការណ៍​មួយ សុំ​មិន​បញ្ចេញ​ឈ្មោះ បាន​ប្រាប់ថាៈ ករណី​ផ្ទុះអាវុធ​នេះ ផ្តើមឡើង​ដោយ​ជម្លោះ រវាង​ប្តី​ប្រពន្ធ ធ្វើអោយ​ជនសង្ស័យ ឈានដល់​ការផ្ទុះអាវុធ​នេះ​ឡើង តែម្តង ។

​ជាមួយគ្នានេះ ជនសង្ស័យ ត្រូវបាន​សមត្ថកិច្ច ឃាត់ខ្លួន​ភ្លាមៗ និង​បាន​បញ្ជូន ទៅ​ស្នងការដ្ឋាន​នគរបាល ខេត្តកណ្តាល ដើម្បី​បន្ត​នីតិវិធី ។ ចំណែក ភោជនីយដ្ឋាន «​ហេង ហេង​» ត្រូវបាន​សមត្ថកិច្ច សម្រេច​បិទ​ជា​បណ្តោះអាសន្ន ។​

​ពាក់ព័ន្ធ​នឹង​បញ្ហា​នេះ លោក​ឧ​ត្ត​ម​សេនីយ៍​ទោ ឈឿន សុចិ​ត្ត ស្នងការ​នគរបាល ខេត្តកណ្តាល ពុំទាន់​សុំ​ការបញ្ជាក់ បន្ថែម​បានទេ ដោយសារ​លោក​ប្រាប់ថា កំពុង​ជាប់​ប្រជុំ ។​

​តាម​ប្រភពព័ត៌មាន គួរអោយ​ទុកចិត្ត​មួយ បាន​អះអាង​ប្រាប់ថាៈ ជនបង្ក គឺជា​តៃកុង​ឡាន​ថ្នាក់ដឹកនាំ​មួយរូប ដែល​ពេលនេះ កំពុងមាន​អ្នក​រត់ការ ដើម្បី​បញ្ចប់រឿង ៕V​

ផ្ទុះអាវុធ​ក្នុង​ភោជនីយដ្ឋាន «​ហេង ហេង​» នៅ​ក្រុង​តាខ្មៅ ផ្ទុះអាវុធ​ក្នុង​ភោជនីយដ្ឋាន «​ហេង ហេង​» នៅ​ក្រុង​តាខ្មៅ

ផ្ទុះអាវុធ​ក្នុង​ភោជនីយដ្ឋាន «​ហេង ហេង​» នៅ​ក្រុង​តាខ្មៅ

ផ្ទុះអាវុធ​ក្នុង​ភោជនីយដ្ឋាន «​ហេង ហេង​» នៅ​ក្រុង​តាខ្មៅ

ទីតាំងផ្សាយពាណិជ្ជកម្ម

- Advertisment -

Most Popular