​នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

ដោយៈ រ៉ា​ម៉ន / ភ្នំពេញៈ ដើម្បី​រំដោះ​ជំនន់​ទឹកភ្លៀង កុំឱ្យ​លិចលង់ ភូមិដ្ឋាន​ប្រជាពលរដ្ឋ នៅក្នុង​រាជធានី​ភ្នំពេញ ឱ្យបាន​កាន់តែ ល្អប្រសើរ​ឡើង អាជ្ញាធរ​រាជធានី​ភ្នំពេញ ដឹកនាំ​ដោយ​លោក ឃួ​ង ស្រេង ជា​អភិបាល បាន​យកចិត្តទុកដាក់ ខ្លាំងណាស់ ដោយ​នៅក្នុង​ឆ្នាំ​២០២០ នេះ បាន​កសាង​នូវ​បណ្តាញ​លូ​ថ្មី​ធំៗ ការជីក​ស្តារ​ប្រឡាយ ឱ្យបាន​ជ្រៅ និង​ធំ​ជាង​មុន ជាមួយនឹង​ការកសាង អភិវឌ្ឍន៍ ស្ថានីយ​បូ​ប​ទឹក អោយមាន​កម្លាំង​ខ្លាំងក្លា​ជាង​មុន ហើយ​ជា​ទិសដៅ នៅ​ឆ្នាំ​២០២១ ខាងមុខនេះ រដ្ឋបាល​រាជធានី​ភ្នំពេញ ក៏មាន​គម្រោង​ស្តារ​ប្រឡាយ ១២ ខ្សែ បន្ថែមទៀត ក្នុងចំណោម​ប្រឡាយ​៣៧ ខ្សែ ដែល​ត្រូវ​ស្តារឡើងវិញ​។​

​មន្ត្រីរដ្ឋបាល​រាជធានី​ភ្នំពេញ បានបញ្ជាក់​ថាៈ នៅ​ឆ្នាំ​២០២០​នេះ រដ្ឋបាល​រាជធានី​ភ្នំពេញ បានដាក់​ចេញ​ជា​ផែនការ បំពាក់​ម៉ាស៊ីនបូមទឹក​ថ្មី មួយគ្រឿង ទំហំ​១​ម៉ែត្រ​កន្លះ ១​គ្រឿង និង​ទំហំ​១​ម៉ែត្រ​២​តឹក ចំនួន​២​គ្រឿង រួមទាំង​ការស្តារ​ប្រឡាយទឹក ឱ្យ​កាន់តែ​ធំ និង​ជីក​បុក​ស៊ី​ផាយ អម​សងខាង​ប្រឡាយ នៅ​ស្ថានីយ​បូមទឹក​បឹងទំពុន ដើម្បី​ព​ន្លឿ​ន​ការបូមទឹក ឱ្យបាន​លឿន បញ្ចៀស​នូវ​ការលិចលង់ ដោយ​ជំនន់​ទឹកភ្លៀង នៅ​បឹង​សាឡាង តំបន់​ម៉ុង​ឌី​យ៉ា​ល់ ផ្លូវ​២៦១ សង្កាត់​ទឹកល្អក់​៣ ខណ្ឌ​ទទួល​គោក តំបន់​លូ​ប្រាំ ស្ទឹងមានជ័យ និង​មួយផ្នែក​ទៀត នៃ​ខណ្ឌ​ពោធិ៍​សែន​ជ័យ ដោយ​ការងារ​នេះ នឹង​ចាប់ផ្តើម​អភិវឌ្ឍន៍​ស្ថានីយ ចាប់ពី​ដើមរដូវ​ប្រាំង ឆ្នាំ​២០២១ នេះ​តទៅ​។​

​នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

​អាជ្ញាធរ​រាជធានី​ភ្នំពេញ បាន​ជីក​ស្តារ​ប្រឡាយ អូរ​ខ្សាច់ ដែលមាន​ប្រវែង ១៨ គីឡូម៉ែត្រ ចេញពី​ឃុំ​បែក​ចាន ក្នុងស្រុក​អង្គស្នួល ខេត្តកណ្ដាល ឆ្លង​មក​សង្កាត់​កំបូល សង្កាត់​ឪឡោក សង្កាត់​ស្នោរ ខណ្ឌ​កំបូល ហើយ​បន្ត​ហូរ​ចូល ទៅក្នុង​បឹង​តា​មោក ដើម្បី​រំដោះ​ទឹក កុំអោយ​លិចលង់ នៅ​ផ្លូវជាតិ​លេខ​៤ និង​នៅមុខ​អាកាសយានដ្ឋាន​អន្តរជាតិ​ភ្នំពេញ ។​

​រដ្ឋបាល​រាជធានី​ភ្នំពេញ បាន​សាងសង់​ពង្រីក ស្ថានីយ​បូមទឹក​ទួល​សំពៅ ដែល​សមត្ថភាព បូមទឹក​បន្ថែម ចំនួន​១២​ម៉ែត្រគូប ក្នុង​មួយ​នាទី ដែល​បំពង់​ម៉ូ​ទ័​រ​ថ្មី ចំនួន ៤ គ្រឿង ទំហំ​១​ម៉ែត្រ ។ ស្ថានីយ​ថ្មី​នេះ នឹងមាន​សមត្ថភាព​បូ​ម​ទឹក សរុប​ចំនួន ១៧ ម៉ែត្រគូប ក្នុង​មួយ​វិនាទី សម្រាប់​ដោះស្រាយ បញ្ហា​ទឹក​លិច នៅ​តំបន់​ភូមិសាស្ត្រ ខណ្ឌ​សែន​សុខ ខណ្ឌ​ព្រែក​ព្នៅ ខណ្ឌ​ពោ​ធិ៏​សែន​ជ័យ និង​ខណ្ឌ​កំបូល​។ ការពង្រីក​ទំនប់​សណ្ត​ស្ទឹង​ព្រែក​ត្នោត ឱ្យ​ធំ​ជាង​មុន ពង្រីក​កុំឱ្យ​មាន​រន្ធ​នាគ ការលើកកម្ពស់ ទំនប់​សណ្ត​ស្ទឹង ឱ្យ​ខ្ពស់ជាង​មុន ។​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

​នៅក្នុង​ខែកក្កដា ឆ្នាំ​២០២០​កន្លងមកនេះ ក្រុមការងារ​អង្គភាព​លូទឹក​បូមទឹក នៃ​មន្ទីរ​សាធារណការ និង​ដឹកជញ្ជូន រាជធានី​ភ្នំពេញ ក្រោយពី​មានការ​ណែនាំ ពី​លោក ឃួ​ង ស្រេង អភិបាល​នៃ​គណៈ​អភិបាល​ភ្នំពេញ អង្គភាព​លូទឹក​បូមទឹក បានធ្វើការ​ស្ដារលូ ចំនួន​២០​ខ្សែ នៅក្នុង​រាជធានី​ភ្នំពេញ ដើម្បី​បើកមុខ​ទឹក​រំដោះ​ទឹកភ្លៀង ឲ្យ​បានល្អ​ប្រសើរ ជៀសវាង​នូវ​ការលិចលង់ លំនៅដ្ឋាន​របស់​បងប្អូន ប្រជាពលរដ្ឋ ក្នុង​ខណ្ឌ​ចំនួន​៨ នៅក្នុង​រាជធានី​ភ្នំពេញ ដែល​ក្នុងនោះ មាន​ខណ្ឌ​ចំនួន​៥ នៅ​កណ្ដាល​ក្រុង និង​ខណ្ឌ​៣​ទៀត នៅ​ជាយក្រុង គឺ​ខណ្ឌ​សែន​សុខ ខណ្ឌ​ពោធិ៍​សែន​ជ័យ និង​ខណ្ឌមានជ័យ​។​

​ក្រុមការងារ​ជំនាញ របស់​មន្ទីរ​សាធារណការ និង​ដឹកជញ្ជូន រាជធានី​ភ្នំពេញ បាន​បញ្ចេញ​គ្រឿងចក្រ​ជាច្រើន​គ្រឿង ស្តារ​ប្រឡាយ អោយបាន​ជ្រៅ នៅ​អម​សងខាង​ផ្លូវជាតិ​លេខ​៤ ត្រង់​តំបន់​មុខ​សាលាក្តី​ខ្មែរក្រហម​។ ការជីក​កាយ​ប្រឡាយ អម​វិថី​ឈ្នះៗ ចំនួន​៣៧​ទីតាំង នៅតាម​មហាវិថី​ឈ្នះ​ឈ្នះ ក្នុងភូមិ​សាស្ត្រ​ខណ្ឌ​កំពូល ខណ្ឌ​ពោធិ៍​សែន​ជ័យ និង​ខណ្ឌ​ព្រែក​ព្នៅ ទំលាក់​ទៅ​បឹង​ត​ម៉ោ​ក​។​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

មន្ត្រីរដ្ឋបាល​រាជធានី​ភ្នំពេញ​ បាន​បន្ត​ឲ្យ​ដឹង​ទៀតថាៈ ក្រោយពី​មានការ​ស្ថាបនា ការដាក់​បណ្ដាញ​ធំៗ ទំហំ ១​ម៉ែត្រ​; ១​ម៉ែត្រ​កន្លះ​; ២​ម៉ែត្រ​; ២​ម៉ែត្រ​កន្លះ នៅតាម​បណ្ដោយ​ផ្លូវ​មួយចំនួន ការ​ស្ដារលូ ប្រឡាយ រាប់ម៉ឺន គីឡូម៉ែត្រ និង​ការស្ថាបនា​ស្ថានីយ៍​បូមទឹក ជាមួយនឹង​ការបន្ថែម នូវ​ម៉ាស៊ីនបូមទឹក នៅតាម​បណ្ដា​ស្ថានីយ៍ សំខាន់ៗ​មួយចំនួន​នោះ គឺ​បានធ្វើ​ឲ្យ​រាជធានី​ភ្នំពេញ លែងមាន​ការលិចលង់​ទៀត ។ ក្រៅពីនេះ អង្គការ​ចៃ​កា​ជប៉ុន ក៏​បាននិងកំពុង​អនុវត្ត នូវ​គម្រោង​ការពារ​ទឹកជំនន់ ជំហាន​ទី​៤ នៅក្នុង​រាជធានី​ភ្នំពេញ​ផងដែរ​។​

​គួរ​បញ្ជាក់ថា សម្រាប់​រាជធានី​ភ្នំពេញ មកដល់ពេលនេះ យើង​មាន​ស្ថានីយ​បូមទឹក ចំនួន​១៤​កន្លែង​ហើយ ក្នុងនោះ​រួមមាន​៖ ស្ថានីយ៍​បូមទឹក​បឹងត្របែក ស្ថានីយ៍​បូមទឹក​បឹងទំពុន ស្ថានីយ៍​បូមទឹក​លូ​ប្រាំ ស្ថានីយ៍​បូមទឹក​បុរី ១០០​ខ្នង ស្ថានីយ៍​បូមទឹក ទូល​សំពៅ ស្ថានីយ​បូមទឹក​កប់​ស្រូវ ស្ថានីយ៍​បូមទឹក​ស្វាយប៉ាក ស្ថានីយ៍​បូមទឹក​ព្រះ​ពន្លា ស្ថានីយ៍​បូមទឹក​ទួលគោក​ទី​១ ស្ថានីយ៍​បូមទឹក​ទួលគោក​ទី​២ និង​ស្ថានីយ៍ ៤ កន្លែង​ទៀត នៅមុខ​រាជវាំង និង​ព្រះ​គ​ន្ល​ង់​។​

​ជា​ទិសដៅ​បន្ត នៅ​ឆ្នាំ​២០២១ ខាងមុខនេះ រដ្ឋបាល​រាជធានី​ភ្នំពេញ ក៏បាន​លើក​គំរោង​ស្តារ​ប្រឡាយ ចំនួន​១២​ខ្សែ ក្នុងចំណោម​ប្រឡាយ ៣៧ ខ្សែ ដែល​ត្រូវ​ស្តារឡើងវិញ​៕/V​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

នៅ​ឆ្នាំ​២០២១ រដ្ឋបាល​រាជធានី មាន​ទិសដៅ​ស្តារ​ប្រឡាយ ១២ ខ្សែ​ទៀត​

ទីតាំងផ្សាយពាណិជ្ជកម្ម

- Advertisment -

Most Popular