Home ព័ត៌មានជាតិ សន្តិសុខ លួច​ម៉ូតូ​បាន...

លួច​ម៉ូតូ​បាន​មួយ​ប៉ព្រិចភ្នែក​ត្រូវ​អាវុធហត្ថ​ឃាត់ខ្លួន​

​ដោយៈ ប​.​ជ័យ​/​ប​ន្ឋា​យ​មាន​ជ័​យៈ​ជនសង្ស័យ​ម្នាក់ បាន​លួច​ម៉ូតូ​ជនជាតិ​ឥណ្ឌូនេស៊ី​ជា​បុគ្គលិក​កាស៊ីណូ នៅ​ភូមិ​ក្បាលស្ពាន​១ សង្កាត់​/​ក្រុង​ប៉ោយប៉ែត ត្រូវ​អាវុធហត្ថ​ឃាត់ខ្លួន​បាន​នៅតែ​មួយ​ប៉ព្រិចភ្នែក ។​

​មេបញ្ជាការ​កងរាជអាវុធហត្ថ​ក្រុង​ប៉ោយប៉ែត បានឱ្យដឹង​ថ្ងៃទី​១ ខែមករា ឆ្នាំ​២០២១​ថា ក​ជនសង្ស័យ​ដែល​ឃាត់ខ្លួន​ឈ្មោះ ម៉ៅ ណាត ភេទ​ប្រុស អាយុ​៣៦​ឆ្នាំ លំនៅ​មិន​ពិតប្រាកដ ។

​ចំណែក​ជនរងគ្រោះ​មានឈ្មោះ បៀ តូ​នូ​ស ភេទ​ប្រុស អាយុ​៣២​ឆ្នាំ ជា​ជនជាតិ​ឥណ្ឌូនេស៊ី ស្នាក់នៅ​បណ្ដោះអាសន្ន នៅ​ភូមិ​ក្បាលស្ពាន​១ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ ជា​បុគ្គលិក​កាស៊ីណូ​ខ្មែរ​ឈ្មោះ Poipet Plash នៅ​ទីតាំង​ខាងលើ បាន​បាត់​ម៉ូតូ​កាលពី​វេលា​ម៉ោង​៥ ព្រឹក ថ្ងៃទី​៣១ ធ្នូ ឆ្នាំ​២០២០ កន្លងមក​។​

​ប្រភព​ដដែល​បានបញ្ជាក់​ឲ្យ​ដឹង​ទៀតថា ការឃាត់ខ្លួន​ជនសង្ស័យ​ខាងលើនេះ គឺ​ដកហូត​ម៉ូតូ​ចំនួន​១​គ្រឿង ម៉ាក​ហុងដា​ហ្សូ​ម័​រអិច ពណ៌​ខ្មៅ ផលិត​ឆ្នាំ​២០១៤ ដែល​ក្រុមហ៊ុន​កាស៊ីណូ​ប្រគល់​ឲ្យ​ជនរងគ្រោះ​ប្រើ​សម្រាប់​ជិះ​ធ្វើការ​៕

ទីតាំងផ្សាយពាណិជ្ជកម្ម

- Advertisment -

Most Popular